Книга пророка Михея, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1	Слышите, яже глагола Господь: востани, судися съ горами, и да слышатъ холми гласъ твой.
6:2 См.: 🔗Ис. 1:2 🔗Иер. 2:4	Слышите, горы, судъ Господень, и дебри основанiя земли, яко судъ Господень къ людемъ его, и со Израилемъ прѣтися имать.
6:3 См.: 🔗Иер. 2:5	Людiе мо­и, что сотворихъ вамъ, или чимъ оскорбихъ васъ, или чимъ стужихъ вамъ? от­вѣщайте ми.
6:4 См.: 🔗Исх. 12:41 🔗Исх. 14:30	Зане изведохъ васъ изъ земли Египетскiя и изъ дому работы избавихъ васъ, и послахъ предъ вами Моисеа и Аарона и Марiамъ.
6:5 См.: 🔗Чис. 22:6 🔗Чис. 23:7	Людiе мо­и, помяните убо, что совѣща на вы Валакъ царь Моавитскiй, и что ему от­вѣща Валаамъ сынъ Веоровъ, от­ Ситія до Галгалъ? яко да познает­ся правда Господня.
6:6 См.: 🔗Ос. 6:6 🔗Мф. 9:13	Въ чемъ постигну Господа, срящу Бога мо­его вышняго? срящу ли его со всесожженiемъ, телцы единолѣтными?
6:7	еда прiиметъ Господь въ тысящахъ овновъ, или во тмахъ козлищъ тучныхъ? дамъ ли первенцы моя о нечестiи мо­емъ, плодъ утробы мо­ея, за грѣхи души мо­ея?
6:8 См.: 🔗Втор. 10:12 🔗Ос. 6:6	Возвѣстися бо тебѣ, человѣче, что добро, или чесого Господь ищетъ от­ тебе, развѣ еже творити судъ и любити милость и готову быти еже ходити съ Господемъ Богомъ тво­имъ?
6:9	Гласъ Господень граду при­­зовет­ся, и спасетъ боящыяся имене его: послушай, племя, и кто украситъ градъ?
6:10 См.: 🔗Мих. 2:2	Еда огнь и домъ беззакон­наго собирая имѣнiя беззакон­ная и со укоризною неправды?
6:11 См.: 🔗Лев. 19:36 🔗Прит. 11:1	Еда оправдит­ся въ мѣрилѣ беззакон­никъ и во вретищи мѣры неправыя,
6:12	от­ нихже богат­ст­во свое нечестiя наполниша? и живущiи въ ней глаголаху лжу, и языкъ ихъ воз­несеся во устѣхъ ихъ.
6:13 См.: 🔗Иез. 12:20	И азъ начну поражати тя и погублю тя во грѣсѣхъ тво­ихъ.
6:14 См.: 🔗Лев. 26:26 🔗Ос. 4:10	Ты ясти будеши и не насытишися, и померкнетъ въ тебѣ, и совратишися, и не спасешися: и елицы аще избудутъ, оружiю предадят­ся.
6:15 См.: 🔗Втор. 28:38 🔗Иер. 12:13 🔗Аг. 1:6 🔗Соф. 1:13	Ты посѣеши, но не пожнеши: ты изгнетеши масличiе, но не помажешися масломъ: и насадите вино, и не испiете: и погибнутъ законы людій мо­ихъ.
6:16 См.: 🔗3Цар. 16:19	И хранилъ еси оправданiя замвріина и вся дѣла дому Ахаавля, и ходисте въ совѣтѣхъ ихъ, яко да предамъ тя въ пагубу, и живущыя въ ней во звизданiе, и укоризны людій прiимете.