Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 7 | |
7:1 | У, лютѣ мнѣ! понеже быхъ аки собираяй сламу на жатвѣ, и яко пародокъ во объиманiи винограда не сущу гроздiю, еже ясти первоплодная, яже вожделѣ душа моя. |
7:2 См.: 🔗Ис. 57:1 | У, лютѣ мнѣ, душе! яко погибе благочестивый от земли, и исправляющаго въ человѣцѣхъ нѣсть: вси во кровехъ прятся, кійждо ближняго своего озлобляетъ озлобленiемъ, |
7:3 См.: 🔗Ис. 1:15 | на зло руки своя уготовляютъ: князь проситъ, и судiя мирная словеса глаголетъ, желанiе души его есть: и отиму благая ихъ, |
7:4 | яко моль поядаяй, и ходяй по правиламъ въ день стражбы. У, лютѣ! у, лютѣ! отмщенiя твоя приспѣша, нынѣ будутъ плачы ихъ. |
7:5 См.: 🔗Сир. 6:7 | Не вѣрите другомъ, ни надѣйтеся на старѣйшины, и от сожителницы твоея хранися, еже сказати ей что: |
7:6 См.: 🔗Мф. 10:21 | понеже сынъ безчеститъ отца, дщерь востанетъ на матерь свою и невѣста на свекровь свою, врази вси мужу домашнiи его. |
7:7 | Азъ же ко Господеви воззрю, потерплю Бога Спаса моего, услышитъ мя Богъ мой. |
7:8 См.: 🔗Пс. 26:1 | Не радуйся о мнѣ, враждебница моя, яко падохъ, и востану: зане аще сяду во тмѣ, Господь освѣтитъ мя. |
7:9 | Гнѣвъ Господень стерплю, яко согрѣшихъ ему, дондеже оправдитъ прю мою и сотворитъ судъ мой: и изведетъ мя на свѣтъ, и узрю правду его. |
7:10 См.: 🔗Пс. 78:10 🔗Иоил. 2:17 | И узритъ враждебница моя, и облечется въ студъ глаголющая ко мнѣ: гдѣ есть Господь Богъ твой? Очи мои воззрятъ на ню, нынѣ будетъ въ попранiе аки калъ на путехъ. |
7:11 См.: 🔗Ам. 9:11 | День глажденiя плинѳа: изглажденiе твое день оный, и сотретъ законы твоя день оный. |
7:12 См.: 🔗Ис. 19:23 | И гради твои прiидутъ на поравненiе и въ раздѣленiе Ассирійско, и гради твои твердiи въ раздѣленiе от тира даже до рѣки Сирскiя, и от моря даже до моря, и от горы даже до горы, дніе воды и молвы. |
7:13 | И будетъ земля въ пагубу со живущими на ней, от плодовъ начинанiй ихъ. |
7:14 | Паси люди твоя жезломъ твоимъ, овцы наслѣдiя твоего, вселяющыяся едины въ дубравѣ средѣ кармила, попасутъ Васанитиду и Галаадитиду, якоже дніе вѣка. |
7:15 См.: 🔗Исх. 12:37 | И по днемъ исхода твоего изъ Египта узрите чудесная. |
7:16 | Узрятъ языцы и усрамятся от всея крѣпости своея, руцѣ возложатъ на уста своя, и уши ихъ оглохнутъ, |
7:17 | полижутъ персть яко зміеве плѣжуще по земли, смятутся во облеженiи своемъ: о Господѣ Бозѣ нашемъ ужаснутся и убоятся от тебе. |
7:18 | Кто Богъ якоже ты, отъемляй беззаконiя и оставляяй нечестiя останкомъ наслѣдiя своего? и не удержа гнѣва своего во свидѣнiе, яко волитель милости есть. |
7:19 | Той обратитъ и ущедритъ ны, и погрузитъ неправды нашя и ввержетъ въ глубины морскія вся грѣхи нашя, |
7:20 | дастъ истину Иакову, [и] милость Аврааму, якоже клялся еси отцемъ нашымъ во дни первыя. |