Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 | Тогда Иисус возведен бысть Духом в пустыню искуситися от диавола, |
4:2 | и постився дний четыредесять и нощий четыредесять, последи взалка. |
4:3 | И приступль к Нему искуситель рече: аще Сын еси Божий, рцы, да камение сие хлебы будут. |
4:4 См.: 🔗Втор. 8:3 🔗Лк. 4:4 | Он же отвещав рече: писано есть: не о хлебе единем жив будет человек, но о всяцем глаголголе исходящем изо уст Божиих. |
4:5 | Тогда поят Его диавол во святый град, и постави Его на криле церковнем, |
4:6 См.: 🔗Пс. 90:11 🔗Лк. 4:10 | и глагола Ему: аще Сын еси Божий, верзися низу: писано бо есть, яко Ангелом Своим заповесть о Тебе (сохранити Тя), и на руках возмут Тя, да не когда преткнеши о камень ногу Твою. |
4:7 См.: 🔗Втор. 6:16 🔗Лк. 4:12 | Рече (же) ему Иисус: паки писано есть: не искусиши Господа Бога твоего. |
4:8 | Паки поят Его диавол на гору высоку зело, и показа Ему вся царствия мира и славу их, |
4:9 | и глагола Ему: сия вся Тебе дам, аще пад поклонишимися. |
4:10 | Тогда глагола ему Иисус: иди за Мною, сатано: писано бо есть: Господу Богу твоему поклонишися и Тому единому послужиши. |
4:11 | Тогда остави Его диавол, и се, Ангели приступиша и служаху Ему. |
4:12 | Слышав же Иисус, яко Иоанн предан бысть, отиде в Галилею, |
4:13 | и оставль Назарет, пришед вселися в Капернаум в поморие, в пределех Завулоних и Неффалимлих: |
4:14 | да сбудется реченное Исаием пророком, глаголющим: |
4:15 | земля Завулоня и земля Неффалимля, путь моря об он пол Иордана, Галилеа язык, |
4:16 См.: 🔗Ис. 9:1 | людие седящии во тме видеша свет велий, и седящым в стране и сени смертней, свет возсия им. |
4:17 См.: 🔗Мк. 1:15 | Оттоле начат Иисус проповедати и глаголати: покайтеся, приближися бо Царство Небесное. |
4:18 См.: 🔗Мк. 1:16 | Ходя же при мори Галилейстем, виде два брата, Симона глаголемаго Петра, и Андреа брата его, вметающа мрежи в море, беста бо рыбаря: |
4:19 | и глагола има: грядита по Мне, и сотворю вы ловца человеком. |
4:20 | Она же абие оставльша мрежи, по Нем идоста. |
4:21 | И прешед оттуду, виде ина два брата, Иакова Зеведеева, и Иоанна брата его, в корабли с Зеведеом отцем ею, завязующа мрежи своя, и воззва я. |
4:22 | Она же абие оставльша корабль и отца своего, по Нем идоста. |
4:23 | И прохождаше всю Галилею Иисус, учя на сонмищих их и проповедая Евангелие Царствия, изцеляя всяк недуг и всяку язю в людех. |
4:24 См.: 🔗Мк. 6:55 | И изыде слух Его по всей Сирии: и приведоша к Нему вся болящыя, различными недуги и страстьми одержимы, и бесны, и месячныя, и разслабленныя (жилами): и изцели их. |
4:25 См.: 🔗Лк. 6:17 | И по Нем идоша народи мнози от Галилеи и десяти град, и от Иерусалима и Иудеи, и со онаго полу Иордана. |