Книга Иисуса Навина, глава 14

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 14
14:1 См.: 🔗Чис. 34:2	И сіи наслѣдовав­шiи от­ сыновъ Израилевыхъ въ земли Ханаанстѣй, имже раздѣлиша ю въ наслѣдiе Елеазаръ жрецъ и иисусъ сынъ навинъ и князи отече­ст­въ племенъ сыновъ Израилевыхъ:
14:2 См.: 🔗Чис. 34:13 🔗Деян. 13:19	по жребиемъ наслѣдиша, якоже заповѣда Господь Моисеомъ дати девяти племеномъ и полплемени [манассіину],
14:3 См.: 🔗Чис. 18:20 🔗Чис. 32:33 🔗Втор. 3:12 🔗Втор. 10:9 🔗Нав. 13:14	даде бо Моисей наслѣдiе дву племеномъ и полплемени Манассіину объ ону страну Иордана: левитомъ же не даде жребiя въ нихъ:
14:4 См.: 🔗Чис. 35:3	занеже быша сынове Иосифовы два племена, Манассіино и Ефремле: и не дадеся части въ земли левитомъ, но токмо грады обитати, и предградiя скотомъ ихъ, и скоты ихъ.
14:5 См.: 🔗Чис. 34:16	Якоже заповѣда Господь Моисею, тако сотвориша сынове Израилевы и раздѣлиша землю.
14:6 См.: 🔗Чис. 14:24	И прiидоша сынове Иудины ко иисусу въ Галгалы. И рече къ нему халевъ Иефон­ніинъ Кенезей: ты вѣси слово, еже глагола Господь къ Моисею человѣку Божiю о мнѣ и о тебѣ въ Кадисъ-варни:
14:7 См.: 🔗Чис. 13:7	четыредесяти бо лѣтъ бѣхъ, егда посла мя Моисей рабъ Господень от­ Кадисъ-варни соглядати землю: и от­вѣщахъ ему слово по сердцу его:
14:8 См.: 🔗Чис. 13:31 🔗Чис. 14:6	братiя моя ходив­шiи со мною превратиша сердце людій, азъ же при­­ложихся послѣдовати Господеви Богу мо­ему:
14:9 См.: 🔗Нав. 1:3	и клят­ся Моисей въ той день, глаголя: земля, на нюже воз­шелъ еси, тебѣ будетъ въ жребiй и чадомъ тво­имъ во вѣкъ, яко при­­ложил­ся еси послѣдовати Господу Богу мо­ему:
14:10	и нынѣ препита мя Господь, якоже рече, сiе четыредесять и пятое лѣто, от­нелѣже глагола Господь слово сiе къ Моисею, и хожда­ше Израиль въ пустыни: и нынѣ се, ми днесь осмьдесятъ и пять лѣтъ:
14:11 См.: 🔗Втор. 34:7 🔗Сир. 46:11	еще есмь днесь могій, якоже егда посла мя Моисей: тако и нынѣ могу входити и исходити на брань:
14:12	и нынѣ прошу у тебе горы сея, якоже рече Господь въ день онъ, яко ты слышалъ еси слово сiе въ день оный: нынѣ же енакими тамо суть, грады тверды и велицы: аще убо будетъ Господь со мною, потреблю ихъ, якоже рече ми Господь.
14:13 См.: 🔗Чис. 14:24 🔗Суд. 1:20 🔗1Мак. 2:56	И благослови его иисусъ, и даде Хевронъ халеву сыну Иефон­ніину, сыну Кенезеину въ жребiй.
14:14	Сего ради бысть Хевронъ халеву Иефон­ніину Кенезеину въ жребiй даже до дне сего: понеже воз­слѣдова повелѣнiю Господа Бога Израилева.
14:15 См.: 🔗Нав. 15:13	Имя же Хеврону прежде бяше градъ Арговъ: митрополь енакимлянъ сей. И почи земля от­ брани.