Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 16 | |
16:1 | И быша предѣлы сыновъ Иосифовыхъ от Иордана иже ко иерихону от востокъ, и восходятъ от иерихона въ горную пустыню въ Веѳиль, |
16:2 См.: 🔗Быт. 28:19 | и исходятъ от Веѳиля въ Лузу, и преходятъ къ предѣломъ Ахiатароѳа: |
16:3 См.: 🔗1Пар. 6:67 | и прейдутъ къ морю къ предѣломъ Иефалтимскимъ, даже до предѣлъ веѳорона нижняго и даже до газера, и будетъ исходъ ихъ къ морю. |
16:4 См.: 🔗Быт. 48:5 | И наслѣдствоваша сынове Иосифовы Ефремъ и Манассій, |
16:5 См.: 🔗Чис. 26:35 | и быша предѣлы сыновъ Ефремлихъ по сонмомъ ихъ: и быша предѣлы наслѣдiя ихъ от востокъ атароѳъ и Адаръ, даже до веѳорона вышняго и газары, |
16:6 | и преходятъ предѣлы къ морю въ Махѳоѳъ от сѣвера, и идутъ на востокъ во Ѳинаѳъ-силомъ, и прейдутъ от востокъ во Ианоха, |
16:7 | и от Ианоха снидутъ во атароѳъ и въ Наараѳа и веси ихъ: и приходятъ ко иерихону и исходятъ ко Иордану, |
16:8 | и от тапфу пойдутъ предѣлы къ морю къ водотечи кана, и будетъ исходъ его къ морю. Сiе наслѣдiе племене сыновъ Ефремлихъ по сонмомъ ихъ. |
16:9 См.: 🔗Нав. 17:9 | И грады отлученныя сыномъ Ефремлимъ посредѣ наслѣдiя сыновъ Манассіиныхъ, вси гради и веси ихъ. |
16:10 См.: 🔗Нав. 13:13 🔗Суд. 1:29 | И не погуби Ефремъ Хананеа живущаго въ газерѣ: и обиташа Хананее посредѣ Ефрема, дающе ему дани до днешняго дне, дондеже взыде фараонъ царь Египетскiй, и взя градъ, и запали его огнемъ: и Хананеевъ и Ферезеевъ и живущихъ въ газерѣ избодоша: и даде его фараонъ въ вѣно дщери своей. |