Книга Иисуса Навина, глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1 См.: 🔗Втор. 33:6 🔗Быт. 49:7	И изыде вторый жребiй Симеону, племени сыновъ Симеоновыхъ по сонмомъ ихъ, и бысть наслѣдiе ихъ посредѣ жребiя сыновъ Иудиныхъ.
19:2 См.: 🔗1Пар. 4:28	И бысть жребiй ихъ вирсавее и Савее и молада,
19:3 См.: 🔗1Пар. 4:29	и Асерсуалъ и ваѳулъ, и велвола и Асомъ,
19:4 См.: 🔗Втор. 1:44	и Елѳуладъ и ерма,
19:5	и секелагъ и веѳаммаргасвоѳъ, и Асерсусимъ
19:6	и веѳалваѳъ, и села ихъ: грады три­на­де­сять и веси ихъ.
19:7	Аинъ и реммоѳъ, и ееѳеръ и Асамъ, грады четыри и веси ихъ:
19:8 См.: 🔗1Пар. 4:33	и вся предградiя, яже окрестъ градовъ сихъ даже до Ваалѳерирраммоѳъ, идущихъ во Иамеѳъ къ Ливу. Сiе наслѣдiе племенъ сыновъ Симеоновыхъ по сонмомъ ихъ.
19:9	От жребiя Иудина наслѣдiе племене сыновъ Симеоновыхъ, яко бысть часть сыновъ Иудиныхъ болшая нежели ихъ: и наслѣдиша сынове Симеоновы посредѣ жребiя ихъ.
19:10 См.: 🔗Мф. 4:13	И изыде жребiй третiй Завулону по сонмомъ ихъ: и будутъ предѣлы наслѣдiя ихъ до сарида:
19:11 См.: 🔗Суд. 4:7	и восходятъ предѣлы ихъ къ морю и Марилѣ, и дойдутъ къ давасеѳу, и снидут­ся въ дебрь, яже есть къ лицу Иекнама,
19:12	и обратят­ся от­ сарида противу от­ востоковъ самесъ на предѣлы хасалоѳъ-ѳаворъ, и пройдутъ къ давраѳу, и взыдутъ къ Иафаги:
19:13 См.: 🔗4Цар. 14:25	и от­туду обыдутъ супротивъ на востоки въ геѳаеферъ, во градъ касимъ, и пройдутъ на реммонамъ маѳаримъ Ан­нуа,
19:14	и обыдутъ предѣлы къ сѣверу на ен­наѳоѳъ, и будетъ исходъ ихъ къ гаю Иефѳаилъ,
19:15 См.: 🔗Суд. 17:7	и каттаѳъ и Наалолъ, и семронъ и Иадила и Виѳлеемъ: грады два­на­де­сять и веси ихъ.
19:16	Сiе наслѣдiе племене сыновъ Завулоновыхъ по сонмомъ ихъ, грады ихъ и веси ихъ.
19:17	И Иссахару изыде жребiй четвертый, сыномъ Иссахаровымъ по срод­ст­вомъ ихъ,
19:18 См.: 🔗1Цар. 29:1 🔗2Цар. 2:9 🔗3Цар. 18:45	и быша предѣлы ихъ Иезраель и Ахаселоѳъ и сунамъ,
19:19	и Афераримъ и Сiанъ, [и ренаѳъ] и Анахареѳъ,
19:20	и раввоѳъ и кесiонъ и аеме,
19:21	и рамаѳъ и инган­нимъ, и инадда и веѳфасисъ:
19:22	и снидут­ся предѣлы къ Ѳавору и къ сасимаѳу къ морю, и веѳсмасъ, и будетъ его исходъ предѣлъ Иорданъ: грады шесть­на­де­сять и веси ихъ.
19:23	Сiе наслѣдiе племене сыновъ Иссахаровыхъ по сонмомъ ихъ, грады и предградiя ихъ.
19:24	И изыде жребiй пятый племене сыновъ Асировыхъ по сонмомъ ихъ,
19:25	и быша предѣлы ихъ хелкаѳъ и ооли, и ватне и Ахсафъ,
19:26 См.: 🔗3Цар. 18:19	и Елимелехъ и Амадъ и Масалъ: и при­­ближат­ся къ кармилу къ морю, и Сiору и Лаванаѳу,
19:27 См.: 🔗3Цар. 9:13	и обратят­ся от­ востокъ солнца въ виѳъ-дагонъ, и при­­ближат­ся къ Завулону, и въ гай Иефѳаилъ къ сѣверу, [и внидутъ предѣлы Асаѳа] въ виѳъ-аемекъ, и да идутъ по долинѣ Анiила, и пройдутъ въ хаволъ ошуюю,
19:28 См.: 🔗Быт. 10:19 🔗Нав. 11:8	и Ахранъ и роовъ, и Аммонъ и кана, даже до Сидона великаго:
19:29	и воз­вратят­ся предѣлы въ раму, и даже до града тверда тиріанъ, и воз­вратят­ся предѣлы до сусы, и будетъ исходъ его море, и от­ ужа въ Ахзифъ,
19:30	и Амма и Афекъ и раовъ: грады двадесять два и веси ихъ.
19:31	Сiе наслѣдiе племене сыновъ Асировыхъ по сонмомъ ихъ, грады ихъ и веси ихъ.
19:32	И Нефѳалиму изыде жребiй шестый, сыномъ Нефѳалимлимъ по сонмомъ ихъ,
19:33 См.: 🔗Мф. 4:13	и быша предѣлы ихъ меелефъ и милонъ, и весенанимъ и Арме, и накевъ и Иавнилъ, даже до лаккунъ: и быша исходи ихъ Иорданъ:
19:34 См.: 🔗Втор. 33:23	и воз­вратят­ся предѣлы къ морю въ азаноѳъ-ѳаворъ, и пройдутъ от­туду во икокъ, и приткнут­ся къ Завулону от­ юга, и Асиру при­­ближат­ся къ морю, и ко Иудѣ Иорданъ от­ востокъ солнца.
19:35 См.: 🔗Чис. 13:22 🔗3Цар. 8:65	И грады ограждени тиріанъ, тиръ и Амаѳъ, и реккаѳъ и хенероѳъ,
19:36	и Адами и рама и Асоръ,
19:37	и Кедесъ и едраи и источникъ Асоръ,
19:38	и Иарiонъ и Магдалiилъ, оранъ и веѳанаѳъ и Ѳасмусъ: грады девять­на­де­ся­тъ и веси ихъ.
19:39	Сiе наслѣдiе племене сыновъ Нефѳалимлихъ по срод­ст­ву ихъ, грады и предградiя ихъ.
19:40 См.: 🔗Суд. 18:1	И дану и племени сыновъ дановыхъ по сонмомъ ихъ изыде жребiй седмый,
19:41 См.: 🔗Нав. 15:33	и быша предѣлы ихъ сараа и есѳаолъ и грады самесъ,
19:42	и Саламинь и еалонъ и Иеѳла,
19:43 См.: 🔗3Цар. 4:9	и Елонъ и Ѳамна и аккаронъ,
19:44 См.: 🔗3Цар. 15:27	и Елѳеко и гаваѳонъ и Вааѳоѳъ,
19:45	и иуѳъ и ваниваракъ и геѳреммонъ,
19:46 См.: 🔗Ион. 1:3 🔗Деян. 9:36	и от­ моря иераконска, и Иракконъ, предѣлъ близъ Иоппы, и изыде предѣлъ сыновъ дановыхъ от­ нихъ.
19:47 См.: 🔗Втор. 33:22 🔗Суд. 18:7	И изыдоша сынове Дановы и во­еваша Ласемъ, и взяша его и поразиша его острiемъ меча: и обиташа въ немъ, и нарекоша имя его Ласенданъ, по имени Дана отца сво­его.
19:48	И Аморрей остася жити во Еломѣ и въ Саламинѣ: и отяготѣ рука Ефремля на нихъ, и быша имъ дан­ницы.
19:49	Сiе наслѣдiе племене сыновъ дановыхъ по сонмомъ ихъ, грады ихъ и веси ихъ.
19:50	И не истребиша сынове Дановы Аморреа озлобляющаго ихъ на горѣ, и не даяху имъ Аморрее исходити на юдоль, и утѣсниша от­ нихъ предѣлъ части ихъ.
19:51 См.: 🔗Чис. 14:6	И совершиша раздѣляти землю въ предѣлѣхъ ея: и даша сынове Израилевы жребiй иисусу сыну навину повелѣнiемъ Господнимъ средѣ себе,
19:52 См.: 🔗Нав. 14:6 🔗Нав. 24:30 🔗Суд. 2:9	и даша ему градъ, егоже проси, Ѳамнаѳъ-сараи, иже есть въ горѣ Ефраимъ: и созда градъ, и вселися въ немъ.
19:53	Сiя раздѣленiя, яже раздѣлиша Елеазаръ жрецъ и иисусъ навинъ и князи отече­ст­въ въ племенѣхъ Израилевыхъ по жребiямъ въ Силомѣ предъ Господемъ, у дверiй скинiи свидѣнiя. И скончаша дѣлити землю.