Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 10 | |
10:1 | И рече Господь къ Моисею, глаголя: |
10:2 | сотвори себѣ двѣ трубы сребряны: кованы сотвориши я, и будутъ тебѣ на созванiе сонма и возставляти полки: |
10:3 | и да вострубиши ими, и да соберется къ тебѣ весь сонмъ предъ двери скинiи свидѣнiя: |
10:4 | аще же единою трубою вострубятъ, да прiидутъ къ тебѣ вси князи и тысященачалники Израилтестiи: |
10:5 См.: 🔗Чис. 2:3 | и вострубите въ знаменiе, и воздвигнутся полцы ополчающiися на востоки: |
10:6 См.: 🔗Чис. 2:10 | и вострубите въ знаменiе второе, и воздвигнутся полцы ополчающiися от юга: и вострубите въ знаменiе третiе, и да воздвигнутся полцы ополчающiися от моря: и вострубите въ знаменiе четвертое, и воздвигнутся полцы ополчающiися от сѣвера: знаменiемъ да вострубятъ въ воздвиженiе ихъ. |
10:7 | И егда соберете сонмъ, вострубите, не въ знаменiе. |
10:8 См.: 🔗Исх. 27:21 | И сынове Аарони жерцы да вострубятъ трубами: и да будетъ вамъ законно вѣчно въ роды вашя. |
10:9 | Аще же изыдете на брань въ земли вашей къ супостатомъ супротивящымся вамъ, и вострубите и назнаменуйте трубами, и воспомянетеся предъ Господемъ и избавитеся от врагъ вашихъ. |
10:10 | И во днехъ веселiя вашего и въ праздницѣхъ вашихъ и въ новомесячiихъ вашихъ вострубите трубами на всесожженiя и на жертвы спасенiй вашихъ, и будетъ вамъ воспоминанiе предъ Богомъ вашимъ: Азъ Господь Богъ вашъ. |
10:11 | И бысть во второе лѣто, во вторый месяцъ, въ двадесятый месяца, вознесеся облакъ от скинiи свидѣнiя, |
10:12 См.: 🔗Чис. 2:2 | и воздвигошася сынове Израилевы со имѣнiями своими от пустыни Синайскiя, и ста облакъ въ пустыни Фарани. |
10:13 | И воздвигошася первiи по гласу Господню рукою Моисеовою: |
10:14 См.: 🔗Чис. 1:7 | и воздвигоша знамя полка сыновъ Иудиныхъ первiи съ силою своею: и надъ силою ихъ Наассонъ сынъ Аминадавль: |
10:15 См.: 🔗Чис. 1:8 | и надъ силою племене сыновъ Иссахаровыхъ Наѳанаилъ сынъ Согаровъ: |
10:16 См.: 🔗Чис. 1:9 | и надъ силою племене сыновъ Завулонихъ Елiавъ сынъ Хелонь. |
10:17 См.: 🔗Чис. 4:5 | И сложиша скинiю, и воздвигоша сынове Гирсони и сынове Мерарины, носящiи скинiю. |
10:18 См.: 🔗Чис. 1:5 | И воздвигоша знамя полка Рувимля съ силою своею: и надъ силою ихъ Елисуръ сынъ Седiуровъ: |
10:19 См.: 🔗Чис. 1:6 🔗Чис. 2:12 | и надъ силою племене сыновъ Симеонихъ Саламiилъ сынъ Сурисадаевъ: |
10:20 См.: 🔗Чис. 1:14 🔗Чис. 2:14 | и надъ силою племене сыновъ Гадовыхъ Елисафъ сынъ Рагуилевъ. |
10:21 | И воздвигошася сынове Кааѳовы, воздвизающiи святая: и поставиша скинiю, дондеже прiидоша. |
10:22 См.: 🔗Чис. 1:10 🔗Чис. 2:18 | И воздвигоша знамя полка Ефремля съ силою своею: и надъ силою ихъ Елисама сынъ Емiудовъ: |
10:23 См.: 🔗Чис. 1:10 🔗Чис. 2:20 | и надъ силою племене сыновъ Манассіиныхъ Гамалiилъ сынъ Фадассуровъ: |
10:24 См.: 🔗Чис. 1:11 🔗Чис. 2:22 | и надъ силою племене сыновъ Венiаминихъ Авиданъ сынъ Гадеонинъ. |
10:25 См.: 🔗Чис. 1:12 🔗Чис. 2:25 | И воздвигоша знамя полка сыновъ Дановыхъ, послѣднiи всѣхъ полковъ съ силою своею: и надъ силою ихъ Ахiезеръ сынъ Амисадаевъ: |
10:26 См.: 🔗Чис. 1:13 🔗Чис. 2:27 | и надъ силою племене сыновъ Асировыхъ Фагаiилъ сынъ Ехрань: |
10:27 См.: 🔗Чис. 1:15 🔗Чис. 2:19 | и надъ силою племене сыновъ Нефѳалимлихъ Ахирей сынъ Енань. |
10:28 | Сіи полцы сыновъ Израилевыхъ, и воздвигошася съ силою своею. |
10:29 | И рече Моисей Иоваву сыну Рагуилеву Мадiанитину, тестю Моисеову: воздвизаемся мы на мѣсто, о немже Господь рече: сiе дамъ вамъ: пойди съ нами, и сотворимъ тебѣ добро, яко Господь добрая глагола о Израили. |
10:30 | И отвѣща къ нему: не пойду, но въ землю мою и въ родъ мой иду. |
10:31 | И рече: не остави насъ, понеже былъ еси съ нами въ пустыни, и будеши въ насъ старѣйшина: |
10:32 | и будетъ аще пойдеши съ нами, и будутъ благая оная, елика благосотворитъ Господь намъ, благосотворимъ и тебѣ. |
10:33 См.: 🔗Втор. 31:8 | И отидоша от горы Господни въ путь трехъ дній: и кивотъ завѣта Господня предъидяше предъ ними въ путь трехъ дній, соглядати имъ стана. |
10:34 | И бысть егда воздвизаху кивотъ, и рече Моисей: востани, Господи, и да разсыплются врази Твои, и да бѣжатъ вси ненавидящiи Тебе. |
10:35 См.: 🔗Пс. 67:2 | И въ поставленiи [кивота] рече: возвращай, Господи, тысящы темъ во Израили. |
10:36 См.: 🔗2Пар. 6:41 🔗Пс. 131:8 | И облакъ Господень бысть осѣняющь надъ ними въ день, егда воздвизахуся изъ полка. |