Книга Числа, глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1	И рече Господь къ Моисею и Аарону, глаголя:
19:2 См.: 🔗Евр. 9:13 🔗2Кор. 5:21	се, расположенiе закона, елика заповѣда Господь, глаголя: глаголи сыномъ Израилевымъ, и да при­­ведутъ къ тебѣ юницу рыжу непорочну, яже не имать на себѣ порока, и на нюже не бѣ воз­ложено иго:
19:3 См.: 🔗Лев. 24:14 🔗Мф. 27:33 🔗Евр. 13:12	и даси ю ко Елеазару жерцу: и да изведутъ ю внѣ полка на мѣсто чисто, и да заколютъ ю предъ нимъ:
19:4 См.: 🔗Евр. 9:13 🔗1Пет. 1:2	и да возметъ Елеазаръ от­ крове ея и да покропитъ спреди скинiи свидѣнiя от­ крове ея седмижды:
19:5	и да сожгутъ ю предъ нимъ, и кожу ея и мяса ея и кровь ея съ мотылы ея да сожгутъ:
19:6 См.: 🔗Лев. 14:4	и да возметъ жрецъ древо кедрово, и иссопъ, и сосканiе червленое, и да вложатъ въ средину сожженiя юницы:
19:7 См.: 🔗Лев. 11:24 🔗Чис. 8:7	и да измыетъ ризы своя жрецъ и да омыетъ тѣло свое водою, и потомъ да внидетъ въ полкъ, и нечистъ будетъ жрецъ до вечера:
19:8	и иже сожигаетъ ю, да исперетъ ризы своя и да омыетъ тѣло свое водою, и нечистъ будетъ до вечера:
19:9 См.: 🔗1Ин. 1:7 🔗Евр. 9:13 🔗Чис. 31:19 🔗Евр. 10:22	и да соберетъ чистый человѣкъ пепелъ юницы и да изнесетъ внѣ полка на мѣсто чисто, и да будетъ сонму сыновъ Израилевыхъ въ сохраненiе: вода окропленiя очищенiе есть:
19:10 См.: 🔗Исх. 27:21	и собираяй пепелъ юницы да исперетъ ризы своя, и нечистъ будетъ до вечера: и да будетъ сыномъ Израилевымъ и при­­шелцемъ при­­лежащымъ посредѣ васъ закон­но вѣчно.
19:11 См.: 🔗Сир. 34:28	Прикасаяйся мертвому всякiя души человѣчи нечистъ будетъ седмь дній:
19:12	сей да очистит­ся [сею водою] въ день третiй и въ день седмый, и чистъ будетъ: аще же не очистит­ся ею въ день третiй и въ день седмый, нечистъ будетъ.
19:13 См.: 🔗Ис. 52:11	Всякъ при­­касаяйся мертвому от­ всякiя души человѣчи, аще умретъ, и не очистит­ся, скинiю Господню оскверни: потребит­ся душа та от­ Израиля, яко вода окропленiя не воскропися нань, нечистъ есть, еще нечистота его на немъ есть.
19:14	И сей законъ: человѣкъ аще умретъ въ дому, всякъ входяй въ домъ, и елика суть въ дому, нечиста будутъ седмь дній.
19:15	И всякъ сосудъ непокровенъ, и елики обвязанiемъ не обвязаны, нечисти суть.
19:16 См.: 🔗Чис. 31:19	И всякъ иже аще при­­коснет­ся на поли язвен­ному, или мертвому, или кости человѣчи, или гробу, седмь дній нечистъ будетъ:
19:17	и да возмутъ нечистому от­ пепела сожжен­наго очищенiя, и да воз­лiютъ нань воду живу въ сосудъ:
19:18 См.: 🔗Исх. 12:22 🔗Лев. 14:4	и да возметъ иссопъ и омочитъ въ воду мужъ чистъ, и да воскропитъ на домъ и на сосуды и на душы, елики суть тамо, и на коснув­шася кости человѣчей, или язвен­ному, или мертвечинѣ, или гробу:
19:19	и да воскропитъ чистый на нечистаго въ день третiй и въ день седмый, и очистит­ся седмаго дне: и да исперетъ ризы своя и да омыетъ тѣло свое водою, и нечистъ будетъ до вечера.
19:20 См.: 🔗Евр. 10:26	И человѣкъ, иже аще осквернит­ся, и не очиститъ себе, потребит­ся душа та от­ среды сонма, яко святая Господня осквернави, яко вода окропленiя не воскропися нань, нечистъ есть.
19:21	И да будетъ вамъ закон­но вѣчно, и окропляяй водою окропленiя да исперетъ ризы своя, и при­­касаяся водѣ окропленiя нечистъ будетъ до вечера.
19:22	И всякое, емуже при­­коснет­ся нечистый, нечисто будетъ: и душа при­­касающаяся нечиста будетъ до вечера.