Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 20 | |
20:1 См.: 🔗Втор. 1:19 🔗Исх. 2:4 | И прiидоша сынове Израилтестiи, весь сонмъ, въ пустыню Синъ, въ месяцъ первый, и пребываху людiе въ Кадисѣ: и скончася ту Марiамъ, и погребеся тамо. |
20:2 См.: 🔗Чис. 14:2 | И не бяше воды сонму: и собрашася на Моисеа и Аарона, |
20:3 См.: 🔗Исх. 17:2 🔗Пс. 105:16 | и ропташа людiе на Моисеа, глаголюще: о, дабы умерли быхомъ въ погибели братiи нашея предъ Господемъ: |
20:4 См.: 🔗Втор. 9:7 | и вскую введосте сонмъ Господень въ пустыню сiю, погубити ны и скоты нашы? |
20:5 См.: 🔗Исх. 17:3 🔗Иер. 2:6 | И вскую сiе? Изведосте ны изъ Египта, еже прiити [намъ] на мѣсто злое сiе, мѣсто, въ немже не сѣется, ни смокви, ни винограды, ниже яблоки, ниже вода есть пити. |
20:6 См.: 🔗Исх. 16:10 | И прiиде Моисей и Ааронъ от лица сонма предъ двери скинiи свидѣнiя, и падоста ницъ: и явися слава Господня надъ ними. |
20:7 | И рече Господь къ Моисею, глаголя: |
20:8 См.: 🔗Чис. 17:10 | возми жезлъ твой и созови сонмъ ты и Ааронъ, братъ твой, и рцыте ко каменю предъ ними, и дастъ воды своя: и изведете имъ воды изъ камене, и напойте сонмъ и скоты ихъ. |
20:9 | И взя Моисей жезлъ иже предъ Господемъ, якоже повелѣ Господь. |
20:10 | И созва Моисей и Ааронъ сонмъ предъ камень, и рече къ нимъ: послушайте мене, непокоривiи: еда изъ камене сего изведемъ вамъ воду? |
20:11 | И воздвигъ Моисей руку свою, удари въ камень жезломъ дважды: и изыде вода многа, и напися сонмъ [весь] и скоты ихъ. |
20:12 См.: 🔗Втор. 1:37 | И рече Господь къ Моисею и Аарону: понеже не вѣровасте освятити Мя предъ сынми Израилтескими, сего ради не введете вы сонма сего въ землю, юже дахъ имъ: |
20:13 См.: 🔗Исх. 17:7 🔗Втор. 32:51 | сiя вода пререканiя, яко возропташа сынове Израилтестiи предъ Господемъ, и освятися въ нихъ. |
20:14 См.: 🔗Быт. 25:25 🔗Втор. 2:8 | И посла Моисей послы от Кадиса къ царю Едомскому, глаголя: тако глаголетъ братъ твой Израиль: ты вѣси весь трудъ обрѣтшiй насъ: |
20:15 | и снидоша отцы наши въ Египетъ, и жихомъ во Египтѣ дни многи, и озлобиша насъ Египтяне и отцевъ нашихъ: |
20:16 | и возопихомъ ко Господу, и услыша Господь гласъ нашъ, и пославъ Ангела, изведе ны изъ Египта: и нынѣ есмы въ Кадисѣ градѣ, на концѣ предѣлъ твоихъ: |
20:17 | да прейдемъ сквозѣ землю твою: не пройдемъ сквозѣ села, ни сквозѣ винограды, ни пiемъ воды въ потоцѣхъ твоихъ: путемъ царскимъ пойдемъ, не совратимся ни на десно, ни на лѣво, дондеже прейдемъ предѣлы твоя. |
20:18 См.: 🔗Втор. 2:30 🔗Рим. 15:28 | И рече къ нимъ Едомъ: не пройдеши сквозѣ мене: аще же ни, ратiю изыду противу тебе. |
20:19 См.: 🔗Втор. 2:28 | И рекоша къ нему сынове Израилевы: подъ горою пройдемъ: аще же от воды твоея испiемъ азъ и скоты моя, дамъ цѣну тебѣ: но вещь сiя ничтоже есть, подъ горою да пройдемъ. |
20:20 См.: 🔗Чис. 21:4 | Онъ же рече: не пройдеши сквозѣ мене. И изыде противу имъ Едомъ съ народомъ тяжкимъ и рукою крѣпкою. |
20:21 См.: 🔗Втор. 2:4 | И не восхотѣ Едомъ дати Израилю проити сквозѣ предѣлы своя, и уклонися Израиль от него. |
20:22 См.: 🔗Чис. 33:37 | И воздвигошася от Кадиса, и прiидоша сынове Израилтестiи, весь сонмъ, въ гору Оръ. |
20:23 | И рече Господь къ Моисею и Аарону въ горѣ Оръ у предѣлъ земли Едомли, глаголя: |
20:24 См.: 🔗Быт. 25:8 🔗Втор. 31:2 | да приложится Ааронъ къ людемъ своимъ, яко не внидете въ землю, юже дахъ сыномъ Израилевымъ въ наслѣдiе, понеже преогорчисте Мя у воды пререканiя: |
20:25 См.: 🔗Чис. 33:38 🔗Втор. 32:50 | возми Аарона брата твоего и Елеазара сына его, и возведи я на Оръ гору предъ всѣмъ сонмомъ: |
20:26 | и совлецы Аарону ризы его и облецы Елеазара сына его, и Ааронъ приложився да умретъ тамо. |
20:27 | И сотвори Моисей, якоже повелѣ ему Господь: и возведе я на Оръ гору предъ всѣмъ сонмомъ, |
20:28 | и совлече Аарона съ ризъ его, и облече въ ня Елеазара сына его: 29и умре Ааронъ тамо на версѣ горы: и сниде Моисей и Елеазаръ съ горы. |
20:29 См.: 🔗Втор. 10:6 | 30И видѣ весь сонмъ, яко умре Ааронъ: и плакашася по Ааронѣ тридесять дній весь домъ Израилевъ. |