Книга Числа, глава 33

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 33
33:1	И сіи станове сыновъ Израилевыхъ, егда изыдоша изъ земли Египетскiя съ силою сво­ею рукою Моисеовою и Ааронею.
33:2	И написа Моисей воз­движенiя ихъ и станы ихъ, по словеси Господню. И сіи станове ше­ст­вiя ихъ:
33:3 См.: 🔗Исх. 12:37	воз­двигошася от­ Рамессы въ месяцъ первый, въ пятый­на­де­сять день перваго месяца: наутрiе Пасхи изыдоша сынове Израилтестiи рукою высокою предъ всѣми Египтяны:
33:4 См.: 🔗Исх. 12:12 🔗Ис. 10:10	и Египтяне погребаху умершыя от­ нихъ вся, яже изби Господь всякаго первенца въ земли Египетстѣй: и въ бозѣхъ ихъ сотвори от­мщенiе Господь.
33:5	И воз­двигшеся сынове Израилевы от­ Рамессы, ополчишася въ Сокхоѳѣ:
33:6 См.: 🔗Исх. 13:20	и воз­двигшеся от­ Сокхоѳа, ополчишася въ Вуѳанѣ, иже есть часть нѣкая пустыни:
33:7 См.: 🔗Исх. 14:2	и воз­двигошася от­ Вуѳана, и ополчишася во устiи Ироѳа, иже есть прямо Веельсепфону, и ополчишася прямо Магдолу:
33:8 См.: 🔗Нав. 4:22 🔗Пс. 113:3 🔗1Кор. 10:1	и воз­двигошася прямо Ироѳу, и про­идоша среди моря въ пустыню: и идоша путемъ три дни въ пустыни тіи, и ополчишася въ Горькостехъ.
33:9 См.: 🔗Исх. 15:27	И воз­двигошася от­ Горькостей и прiидоша въ Елимъ: и въ Елимѣ [быша] два­на­де­сять источники водъ, и седмьдесятъ стеблiй финиковъ, и ополчишася у воды тамо.
33:10	И воз­двигошася от­ Елима и ополчишася у моря Чермнаго:
33:11 См.: 🔗Исх. 16:1	и воз­двигошася от­ моря Чермнаго и ополчишася въ пустыни Синъ:
33:12	и воз­двигошася от­ пустыни Синъ и ополчишася въ Рафакѣ:
33:13	и воз­двигошася от­ Рафака и ополчишася въ Елусѣ:
33:14 См.: 🔗Исх. 17:1	и воз­двигошася от­ Елуса и ополчишася въ Рафидинѣ: и не бысть тамо воды людемъ пити.
33:15 См.: 🔗Исх. 19:2	И воз­двигошася от­ Рафидина и ополчишася въ пустыни Сина:
33:16 См.: 🔗Чис. 11:35	и воз­двигошася от­ пустыни Сина и ополчишася во Гробѣхъ похотѣнiя:
33:17	и воз­двигошася от­ Гробовъ похотѣнiя и ополчишася во Асироѳѣ:
33:18 См.: 🔗Чис. 11:35 🔗Чис. 13:1	и воз­двигошася от­ Асироѳа и ополчишася въ Раѳамѣ:
33:19	и воз­двигошася от­ Раѳама и ополчишася въ Ремнонъ-Фаресѣ:
33:20	и воз­двигошася от­ Ремнонъ-Фареса и ополчишася въ Лемвонѣ:
33:21	и воз­двигошася от­ Лемвона и ополчишася въ Рессанѣ:
33:22	и воз­двигошася от­ Рессана и ополчишася въ Макеллаѳѣ:
33:23	и воз­двигошася от­ Макеллаѳа и ополчишася во Арсафаѳѣ:
33:24	и воз­двигошася от­ Арсафаѳа горы и ополчишася въ Харадаѳѣ:
33:25	и воз­двигошася от­ Харадаѳа и ополчишася въ Макидоѳѣ:
33:26	и воз­двигошася от­ Макидоѳа и ополчишася въ Катааѳѣ:
33:27	и воз­двигошася от­ Катааѳа и ополчишася во Ѳараѳѣ:
33:28	и воз­двигошася от­ Ѳараѳа и ополчишася въ Маѳеккѣ:
33:29	и воз­двигошася от­ Маѳекка и ополчишася во Аселмонѣ:
33:30	и воз­двигошася от­ Аселмона и ополчишася въ Масуруѳѣ:
33:31 См.: 🔗Втор. 10:6	и воз­двигошася от­ Масуруѳа и ополчишася въ Ванакканѣ:
33:32	и воз­двигошася от­ Ванаккана и ополчишася въ горѣ Гаддадъ:
33:33	и воз­двигошася от­ горы Гаддадъ и ополчишася во Етеваѳѣ:
33:34	и воз­двигошася от­ Етеваѳа и ополчишася во Евронѣ:
33:35 См.: 🔗3Цар. 9:26	и воз­двигошася от­ Еврона и ополчишася въ Гесiонъ-Гаверѣ:
33:36 См.: 🔗Чис. 20:1	и воз­двигошася от­ Гесiонъ-Гавера и ополчишася въ пустыни Синъ: и воз­двигошася от­ пустыни Синъ и ополчишася въ пустыни Фарани, яже есть Кадисъ:
33:37 См.: 🔗Чис. 20:22	и воз­двигошася от­ Кадиса и ополчишася въ горѣ Оръ близъ земли Едомли.
33:38 См.: 🔗Чис. 20:25 🔗Втор. 32:50	И взыде Ааронъ жрецъ на гору Оръ повелѣнiемъ Господнимъ, и умре тамо въ четыредесятое лѣто изше­ст­вiя сыновъ Израилевыхъ изъ земли Египетскiя, месяца пятаго въ первый день месяца.
33:39	И Ааронъ бяше ста двадесяти трехъ лѣтъ, егда умре въ горѣ Оръ.
33:40 См.: 🔗Чис. 21:1	И услыша Хананей царь Арадскiй, и сей живяше въ земли Ханаани, егда вхождаху сынове Израилевы.
33:41	И воз­двигошася от­ горы Оръ и ополчишася въ Селмонѣ:
33:42	и воз­двигошася от­ Селмона и ополчишася въ Финонѣ:
33:43 См.: 🔗Чис. 21:10	и воз­двигошася от­ Финона и ополчишася во Овоѳѣ:
33:44 См.: 🔗Чис. 21:11	и воз­двигошася от­ Овоѳа и ополчишася въ Гаи, объ ону страну предѣлъ Моавлихъ:
33:45	и воз­двигошася от­ Гаи и ополчишася въ Девонъ-Гадѣ:
33:46	и воз­двигошася от­ Девонъ-Гада и ополчишася въ Гелмонъ-Девлаѳаимѣ:
33:47 См.: 🔗Чис. 21:1 🔗Втор. 34:1	и воз­двигошася от­ Гелмонъ-Девлаѳаима и ополчишася въ горахъ Аваримлихъ прямо Нававу:
33:48 См.: 🔗Чис. 22:1	и воз­двигошася от­ горъ Аваримлихъ и ополчишася на западѣ Моавли, у Иордана при­­ Иерихонѣ:
33:49 См.: 🔗Чис. 25:1 🔗Нав. 2:1	и воз­двигошася от­ запада Моавля и ополчишася у Иордана, между Есимоѳомъ, до Велсаттима на запады Моава.
33:50 См.: 🔗Чис. 25:17	И рече Господь къ Моисею въ западѣ Моава у Иордана при­­ Иерихонѣ, глаголя:
33:51	глаголи сыномъ Израилевымъ и речеши къ нимъ: вы преходите Иорданъ въ землю Ханааню,
33:52 См.: 🔗Исх. 23:24 🔗Втор. 7:5 🔗Лев. 26:30	и погубите вся живущыя на земли от­ лица ва­шего, и разрушите стражбы ихъ, и вся идолы излiян­ныя ихъ сокрушите я, и вся капища ихъ разрушите,
33:53 См.: 🔗Втор. 7:2 🔗Нав. 11:12	и погубите вся живущыя на земли, и вселитеся въ ню: вамъ бо дахъ землю ихъ по жребiю:
33:54 См.: 🔗Чис. 26:54	и наслѣдите землю ихъ жребiемъ по племенамъ вашымъ: многимъ умножите одержанiе ихъ, и малымъ умалите одержанiе ихъ: въ неже изыдетъ имя его, тамо да будетъ жребiй его: по племенамъ отече­ст­вiй вашихъ наслѣдите:
33:55 См.: 🔗Исх. 23:33 🔗Исх. 34:12 🔗Втор. 7:16	аще же не погубите живущихъ на земли от­ лица ва­шего, будутъ, ихже оставите от­ нихъ, остны во очесѣхъ вашихъ и стрѣлы въ ребрахъ вашихъ, и совраждуютъ вамъ на земли, на нейже вы вселитеся:
33:56	и будетъ якоже умыслихъ сотворити онѣмъ, то сотворю вамъ.