Книга Числа, глава 36

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 36
36:1 См.: 🔗Быт. 46:20	И прiидоша князи племене сыновъ Галаадовыхъ, сына Махирова сына Манассіина от­ племене сыновъ Иосифовыхъ, и глаголаша предъ Моисеомъ и предъ Елеазаромъ жерцемъ и предъ князи домовъ отече­ст­въ сыновъ Израилевыхъ,
36:2 См.: 🔗Чис. 27:1	и рекоша: господину на­шему повелѣ Господь от­дати землю наслѣдiя по жребiю сыномъ Израилевымъ: и господину на­шему заповѣда Господь дати наслѣдiе Салпаада брата на­шего дщеремъ его:
36:3	и будутъ единому от­ племенъ сыновъ Израилевыхъ въ жены, и от­лучит­ся жребiй ихъ от­ одержанiя отецъ нашихъ, и при­­ложит­ся къ наслѣдiю племене, имже будутъ въ жены, и от­ жребiя наслѣдiя на­шего от­лучит­ся:
36:4 См.: 🔗Лев. 25:13	аще же будетъ оставленiе сыновъ Израилевыхъ, и при­­ложит­ся наслѣдiе ихъ къ наслѣдiю племене, имже аще будутъ въ жены, и от­ наслѣдiя племене отече­ст­ва на­шего отъ­имет­ся наслѣдiе ихъ.
36:5	И заповѣда Моисей сыномъ Израилевымъ по повелѣнiю Господню, глаголя: сице племя сыновъ Иосифовыхъ глаголютъ:
36:6 См.: 🔗Тов. 1:9	сiе слово, еже заповѣда Господь дщеремъ Салпаадовымъ, глаголя: идѣже угодно имъ, да будутъ въ жены, токмо от­ сонма отече­ст­ва сво­его да будутъ въ жены,
36:7 См.: 🔗Лев. 25:23 🔗3Цар. 21:3	и не превратит­ся наслѣдiе сыновъ Израилевыхъ от­ племене въ племя ино: яко кійждо въ наслѣдiи племене отече­ст­ва сво­его женитися имутъ сынове Израилевы:
36:8 См.: 🔗Чис. 27:8 🔗Тов. 6:12	и всяка дщи, ужиче­ст­ву­ю­щая наслѣдiе от­ племенъ сыновъ Израилевыхъ, единому сущихъ от­ сонма отца ея да будетъ жена: да ужиче­ст­вуютъ сынове Израилевы кійждо наслѣдiе отца сво­его:
36:9	и не превратит­ся жребiй от­ племене въ племя ино, но кійждо въ наслѣдiи сво­емъ да женят­ся сынове Израилевы.
36:10 См.: 🔗Чис. 27:3	Якоже повелѣ Господь Моисею, тако сотвориша дщери Салпаадовы.
36:11 См.: 🔗Чис. 27:1	И быша Маала и Ѳерса, и Егла и Мелха и Нуа, дщери Салпаадовы, сыномъ братiи сво­ея, от­ сонма Манассіина сыновъ Иосифовыхъ, быша въ жены:
36:12	и бысть наслѣдiе ихъ въ племени сонма отца ихъ.
36:13	Сiя заповѣди и оправданiя и суды, яже заповѣда Господь рукою Моисеовою на западѣ Моавли при­­ Иорданѣ прямо Иерихону. Конецъ книзѣ четвертѣй Моисеовѣ: имать въ себе главъ 36