Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 См.: 🔗Прит. 10:17 | Любяй наказанiе любитъ чувство: ненавидяй же обличенiя безуменъ. |
12:2 | Лучше обрѣтый благодать от Господа Бога: мужъ же законопреступенъ премолчанъ будетъ. |
12:3 | Не исправится человѣкъ от беззаконнаго: коренiя же праведныхъ не отимутся. |
12:4 | Жена мужественная вѣнецъ мужу своему: якоже въ древѣ червь, тако мужа погубляетъ жена злотворная. |
12:5 | Мысли праведныхъ судьбы: управляютъ же нечестивiи лести. |
12:6 См.: 🔗Прит. 1:11 | Словеса нечестивыхъ льстива въ кровь, уста же правыхъ избавятъ ихъ. |
12:7 | Аможе обратится нечестивый, исчезаетъ: храмины же праведныхъ пребываютъ. |
12:8 | Уста разумнаго хвалима бываютъ от мужа: слабосердъ же поругаемь бываетъ. |
12:9 | Лучше мужъ въ безчестiи работаяй себѣ, нежели честь себѣ обложивъ и лишаяйся хлѣба. |
12:10 См.: 🔗Втор. 22:6 🔗Втор. 25:4 | Праведникъ милуетъ душы скотовъ своихъ: утробы же нечестивыхъ немилостивны. |
12:11 См.: 🔗Прит. 28:19 🔗Сир. 20:28 | Дѣлаяй свою землю исполнится хлѣбовъ: гонящiи же суетная лишени разума.– |
12:12 | –Иже есть сладостенъ въ виннѣмъ пребыванiи, во своихъ твердынехъ оставитъ безчестiе. |
12:13 | Желанiя нечестивыхъ зла: коренiе же благочестивыхъ въ твердостехъ. |
12:14 См.: 🔗Прит. 18:7 | За грѣхъ устенъ впадаетъ въ сѣти грѣшникъ: избѣгаетъ же от нихъ праведникъ.– |
12:15 | –Сматряяй кротко помилованъ будетъ, а срѣтаяй во вратѣхъ оскорбитъ душы. |
12:16 См.: 🔗Пс. 61:13 | От плодовъ устъ душа мужа наполнится благихъ, воздаянiе же устенъ его воздастся ему. |
12:17 См.: 🔗Прит. 10:17 | Путiе безумныхъ прави предъ ними: послушаетъ совѣтовъ мудрый. |
12:18 См.: 🔗Еккл. 7:9 | Безумный абiе исповѣсть гнѣвъ свой: крыетъ же свое безчестiе хитрый. |
12:19 См.: 🔗Прит. 14:5 | Явленную вѣру возвѣщаетъ праведный: свидѣтель же неправедныхъ льстивъ. |
12:20 | Суть, иже глаголюще уязвляютъ аки мечи: языцы же премудрыхъ исцѣляютъ. |
12:21 | Устнѣ истинны исправляютъ свидѣтелство: свидѣтель же скоръ языкъ имать неправеденъ. |
12:22 | Лесть въ сердцы кующаго злая: хотящiи же мира возвеселятся. |
12:23 | Ничтоже неправедное угодно есть праведному: нечестивiи же исполнятся злыхъ. |
12:24 См.: 🔗Пс. 5:7 | Мерзость Господеви устнѣ лживы: творяй же вѣрно прiятенъ ему. |
12:25 См.: 🔗Прит. 13:17 | Мужъ разумивый престолъ чувствiя: сердце же безумныхъ срящетъ клятвы. |
12:26 | Рука избранныхъ одержитъ удобь: льстивiи же будутъ во плѣненiи. |
12:27 | Страшное слово сердце мужа праведна смущаетъ, вѣсть же благая веселитъ его. |
12:28 | Разумивъ праведникъ себѣ другъ будетъ: мысли же нечестивыхъ некротки: согрѣшающихъ постигнутъ злая, путь же нечестивыхъ прельститъ я. |
12:29 | Не улучитъ льстивый ловитвы: стяжанiе же честное мужъ чистый. |
12:30 | Въ путехъ правды животъ, путiе же злопомнящихъ въ смерть. |