Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 13 | |
13:1 См.: 🔗Прит. 15:12 | Сынъ благоразумный послушливъ отцу, сынъ же непокорливый въ погибель. |
13:2 См.: 🔗Прит. 12:14 | От плодовъ правды снѣсть благій: душы же беззаконныхъ погибаютъ безвременно. |
13:3 См.: 🔗Прит. 18:21 🔗1Пет. 3:10 | Иже хранитъ своя уста, соблюдаетъ свою душу: продерзивый же устнама устрашитъ себе. |
13:4 См.: 🔗Прит. 21:25 | Въ похотехъ есть всякъ праздный: руки же мужественныхъ въ прилѣжанiи. |
13:5 См.: 🔗Пс. 118:163 | Словесе неправедна ненавидитъ праведникъ: нечестивый же стыдится и не возъимѣтъ дерзновенiя. |
13:6 | Правда хранитъ незлобивыя: нечестивыя же злы творитъ грѣхъ. |
13:7 См.: 🔗Прит. 12:9 | Суть богатяще себе, ничесоже имуще: и суть смиряющеся во мнозѣ богатствѣ. |
13:8 См.: 🔗Прит. 10:15 | Избавленiе мужа души свое ему богатство: нищiй же не терпитъ прещенiя. |
13:9 См.: 🔗Прит. 24:20 🔗Пс. 36:21 | Свѣтъ праведнымъ всегда, свѣтъ же нечестивыхъ угасаетъ:– |
13:10 | –души льстивыя заблуждаютъ во грѣсѣхъ, праведнiи же щедрятъ и милуютъ. |
13:11 | Злый съ досажденiемъ творитъ злая: себе же знающiи премудри [суть]. |
13:12 См.: 🔗Прит. 28:8 | Имѣнiе поспѣшаемо со беззаконiемъ умалено бываетъ, собираяй же себѣ со благочестiемъ изобилствовати будетъ: праведный щедритъ и даетъ. |
13:13 | Лучше начинаяй помогати сердцемъ обѣщающаго и въ надежду ведущаго: древо бо жизни желанiе доброе. |
13:14 См.: 🔗Прит. 1:24 🔗Ос. 4:6 | Иже презираетъ вещь, презрѣнъ будетъ от нея: а бояйся заповѣди, сей здравствуетъ. |
13:15 | Сыну лукавому ничтоже есть благо: рабу же мудру благопоспѣшна будутъ дѣла, и исправится путь его. |
13:16 См.: 🔗Прит. 10:11 | Законъ мудрому источникъ жизни: безумный же от сѣти умретъ. |
13:17 | Разумъ благъ даетъ благодать: разумѣти же законъ, мысли есть благія: путiе же презирающихъ въ погибели. |
13:18 | Всякъ хитрый творитъ съ разумомъ, безумный же простретъ свою злобу. |
13:19 | Царь дерзостенъ впадетъ во злая, вѣстникъ же мудръ избавитъ его. |
13:20 | Нищету и безчестiе отъемлетъ наказанiе: храняй же обличенiя прославится. |
13:21 | Желанiя благочестивыхъ наслаждаютъ душу, дѣла же нечестивыхъ далече от разума. |
13:22 См.: 🔗Сир. 6:35 🔗Сир. 37:15 | Ходяй съ премудрыми премудръ будетъ, ходяй же съ безумными познанъ будетъ. |
13:23 | Согрѣшающихъ постигнутъ злая, праведныхъ же постигнутъ благая. |
13:24 См.: 🔗Иов. 27:17 | Благъ мужъ наслѣдитъ сыны сыновъ: сокровищствуется же праведнымъ богатство нечестивыхъ. |
13:25 | Праведнiи насладятся въ богатствѣ лѣта многа: неправеднiи же погибнутъ вскорѣ. |
13:26 См.: 🔗Прит. 23:13 🔗Сир. 30:1 | Иже щадитъ жезлъ [свой], ненавидитъ сына своего: любяй же наказуетъ прилѣжно. |
13:27 См.: 🔗Ис. 65:13 🔗Сир. 37:32 | Праведный ядый насыщаетъ душу свою: душы же нечестивыхъ скудны. |