Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 16 | |
16:1 См.: 🔗Иер. 10:23 | Человѣку предложенiе сердца: и от Господа отвѣтъ языка. |
16:2 | Вся дѣла смиреннаго явленна предъ Богомъ, и укрѣпляяй духи Господь. |
16:3 См.: 🔗Пс. 36:5 🔗1Пет. 5:7 | Приближи ко Господу дѣла твоя, и утвердятся помышленiя твоя. |
16:4 См.: 🔗Иов. 21:30 🔗Рим. 11:36 | Вся содѣла Господь себе ради: нечестивiи же въ день золъ погибнутъ. |
16:5 См.: 🔗Прит. 8:13 | Нечистъ предъ Богомъ всякъ высокосердый: въ руку же руцѣ влагаяй неправедно не обезвинится. 6Начало пути блага, еже творити праведная, прiятна же предъ Богомъ паче, нежели жрети жертвы. 7Ищай Господа обрящетъ разумъ со правдою: 8правѣ же ищущiи его обрящутъ миръ. |
16:6 | 9Вся дѣла Господня со правдою: хранится же нечестивый на день золъ. |
16:7 См.: 🔗3Цар. 3:27 | Пророчество во устнѣхъ царевыхъ, въ судищи же не погрѣшатъ уста его. |
16:8 См.: 🔗Прит. 11:1 🔗Прит. 20:10 | Превѣса мѣрила правда у Господа: дѣла же его мѣрила праведная. |
16:9 См.: 🔗Прит. 20:28 🔗Прит. 25:5 | Мерзость цареви творяй злая: со правдою бо уготовляется престолъ началства. |
16:10 | Прiятны царю устнѣ праведны, словеса же правая любитъ Господь. |
16:11 См.: 🔗Есф. 7:7 🔗Прит. 20:2 | Ярость царева вѣстникъ смерти: мужъ же премудръ утолитъ его. |
16:12 | Во свѣтѣ жизни сынъ царевъ: прiятнiи же ему яко облакъ позденъ. |
16:13 См.: 🔗Иов. 28:15 | Угнѣжденiя премудрости избраннѣе злата: вселенiя же разума дражайши сребра. |
16:14 | Путiе жизни укланяются от злыхъ: долгота же житiя путiе праведни. Прiемляй наказанiе во благихъ будетъ, храняй же обличенiя умудрится. Иже хранитъ своя пути, соблюдаетъ свою душу: любяй же животъ свой щадитъ своя уста. |
16:15 | Прежде сокрушенiя предваряетъ досажденiе, прежде же паденiя злопомышленiе. |
16:16 | Лучше кроткодушенъ со смиренiемъ, нежели иже раздѣляетъ корысти съ досадительми. |
16:17 | Разумный въ вещехъ обрѣтатель благихъ, надѣяйся же на Господа блаженъ. |
16:18 | Премудрыя и разумныя злыми наричутъ, сладцiи же въ словеси множае услышани будутъ. |
16:19 | Источникъ животенъ разумъ стяжавшымъ, наказанiе же безумныхъ зло. |
16:20 | Сердце премудраго уразумѣетъ яже от своихъ ему устъ, во устнахъ же носитъ разумъ. |
16:21 | Сотове медовнiи словеса добрая, сладость же ихъ исцѣленiе души. |
16:22 См.: 🔗Прит. 14:12 | Суть путiе мнящiися прави быти мужу, обаче послѣдняя ихъ зрятъ во дно адово. |
16:23 | Мужъ въ трудѣхъ труждается себѣ и изнуждаетъ погибель свою: строптивый во своихъ устахъ носитъ погибель. |
16:24 | Мужъ безуменъ копаетъ себѣ злая и во устнахъ своихъ сокровищствуетъ огнь. |
16:25 См.: 🔗Прит. 15:18 | Мужъ строптивый разсылаетъ злая, и свѣтилникъ льсти вжигаетъ злымъ, и разлучаетъ други. |
16:26 | Мужъ законопреступенъ прельщаетъ други и отводитъ ихъ въ пути не благи. |
16:27 См.: 🔗Прит. 6:13 🔗Прит. 10:10 | Утверждаяй очи свои мыслитъ развращенная, грызый же устнѣ свои опредѣляетъ вся злая: сей пещь есть злобы. |
16:28 См.: 🔗Прит. 20:29 🔗Тит. 2:2 | Вѣнецъ хвалы старость, на путехъ же правды обрѣтается. |
16:29 См.: 🔗Прит. 19:11 | Лучше мужъ долготерпѣливъ паче крѣпкаго, [и мужъ разумъ имѣяй паче земледѣлца великаго:] удержаваяй же гнѣвъ паче вземлющаго градъ. |
16:30 См.: 🔗Нав. 7:14 | Въ нѣдра входятъ вся неправеднымъ: от Господа же вся праведная. |