Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 20 | |
20:1 | Невинно вино, укоризненно же пiянство, и всякъ пребываяй въ немъ не будетъ премудръ. |
20:2 См.: 🔗Прит. 19:12 | Не разнствуетъ прещенiе царево от ярости львовы: раздражаяй же его и примѣшаяйся ему согрѣшаетъ въ свою душу. |
20:3 | Слава мужу отвращатися от досажденiя: всякъ же безуменъ сими соплетается. |
20:4 | Поносимь лѣнивый не усрамляется, такожде и заемляй пшеницу въ жатву. |
20:5 См.: 🔗Прит. 18:4 | Вода глубока совѣтъ въ сердцы мужа: мужъ же премудръ исчерплетъ ю. |
20:6 | Велика вещь человѣкъ, и драгая мужъ творяй милость: мужа же вѣрна [велико] дѣло обрѣсти. |
20:7 См.: 🔗Втор. 7:13 | Иже безъ порока живетъ въ правдѣ, блажены оставитъ дѣти своя. |
20:8 | Егда царь праведенъ на престолѣ сядетъ, не противится предъ очима его ничтоже лукаво. |
20:9 | Кто похвалится чисто имѣти сердце? или кто дерзнетъ рещи чиста себе быти от грѣховъ? |
20:10 См.: 🔗Прит. 11:1 | Вѣсъ великъ и малъ, и мѣра сугуба, нечиста предъ Господемъ обоя: |
20:11 | и творяй я въ начинанiихъ своихъ запнется: юнота съ преподобнымъ, и правый путь его. |
20:12 См.: 🔗Исх. 4:11 🔗Пс. 93:9 | Ухо слышитъ, и око видитъ: Господня дѣла обоя. |
20:13 | Не люби клеветати, да не вознесешися: отверзи очи твои и насыщайся хлѣба. |
20:14 | Зло, зло, речетъ стяжаваяй, и отшедъ тогда похвалится. |
20:15 | Есть злато и множество каменiй драгихъ, сосудъ честенъ устнѣ разумны. |
20:16 См.: 🔗Прит. 27:13 | Возми ризу его, яко испоручникъ бысть чуждыя, и за чуждую возми залогъ от него. |
20:17 | Сладокъ есть человѣку хлѣбъ лжи, но потомъ исполнятся уста его каменiя. |
20:18 | Помышленiе въ совѣтѣ уготовится, въ правленiи же творитъ брань. |
20:19 См.: 🔗Прит. 11:13 | Открываяй тайну ходитъ лестiю: и прельщающему устнами своими не примѣшайся. |
20:20 | Злословящему отца или матерь угаснетъ свѣтилникъ, зѣницы же очесъ его узрятъ тму. |
20:21 | Часть поспѣшна въ началѣ, въ послѣднихъ не благословится. |
20:22 См.: 🔗Прит. 17:13 | Не рцы: отмщу врагу: но потерпи Господа, да ти поможетъ. |
20:23 | Мерзость Господеви сугубый вѣсъ, и мѣрило лживо не добро предъ нимъ. |
20:24 См.: 🔗Пс. 36:23 | От Господа исправляются стопы мужу: смертный же како уразумѣетъ пути своя? |
20:25 См.: 🔗Деян. 5:4 | Сѣть мужеви скоро нѣчто от своихъ освящати: по обѣтѣ бо раскаянiе бываетъ. |
20:26 См.: 🔗Прит. 20:8 | Вѣятель нечестивыхъ есть царь мудръ и наложитъ на ня коло. |
20:27 | Свѣтъ Господень дыханiе человѣкомъ, иже испытаетъ тайная утробы. |
20:28 См.: 🔗Прит. 16:12 | Милостыня и истина сохраненiе царю, и объидутъ престолъ его въ правдѣ. |
20:29 См.: 🔗Прит. 16:31 | Лѣпота [есть] юнымъ премудрость: слава же старымъ сѣдины. |
20:30 | Раны и сокрушенiя срѣтаютъ злыхъ, язвы же въ сокровищихъ чрева. |