Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 21 | |
21:1 См.: 🔗2Пар. 36:22 | Якоже устремленiе воды, тако сердце царево въ руцѣ Божiей: аможе аще восхощетъ обратити, тамо уклонитъ е. |
21:2 См.: 🔗Прит. 16:2 | Всякъ мужъ является себѣ праведенъ: управляетъ же сердца Господь. |
21:3 См.: 🔗Ос. 6:6 | Творити праведная и истинствовати угодна Богу паче, нежели жертвъ кровь. |
21:4 | Велемудрый во укоризнѣ дерзосердъ, свѣтило же нечестивыхъ грѣси. |
21:5 См.: 🔗Прит. 10:4 | Помышленiя тщаливаго во изобилiи, и всякъ нерадивый въ лишенiи. |
21:6 | Дѣлаяй сокровища языкомъ лживымъ суетная гонитъ въ сѣти смертныя. |
21:7 | Всегубителство на нечестивыя устремляется: не хотятъ бо творити праведная. |
21:8 | Къ стропотнымъ стропотныя пути посылаетъ Богъ: чиста бо и права дѣла его. |
21:9 См.: 🔗Прит. 25:24 | Лучше жити во углѣ непокровеннѣмъ, нежели въ повапленныхъ съ неправдою и въ храминѣ общей. |
21:10 | Душа нечестиваго не помилуется ни от единаго от человѣковъ. |
21:11 См.: 🔗Прит. 19:25 | Тщету прiемлющу невоздержному, коварнѣйшiй будетъ незлобивый, разумѣваяй же мудрый прiиметъ разумъ. |
21:12 | Разумѣваетъ праведный сердца нечестивыхъ и уничтожаетъ нечестивыя въ злыхъ. |
21:13 См.: 🔗Прит. 3:27 | Иже затыкаетъ ушеса своя, еже не послушати немощнаго, и той призоветъ, и не будетъ послушаяй его. |
21:14 См.: 🔗1Цар. 25:18 | Даянiе тайно отвращаетъ гнѣвы, щадяй же даровъ воздвизаетъ ярость крѣпкую. |
21:15 | Веселiе праведныхъ творити судъ: преподобный же нечистъ у злодѣевъ. |
21:16 | Мужъ заблуждаяй от пути правды въ сонмищи исполиновъ почіетъ. |
21:17 См.: 🔗Прит. 23:21 | Мужъ скуденъ любитъ веселiе, любяй же вино и елей не обогатится. |
21:18 | Отребiе же праведнику беззаконникъ. |
21:19 См.: 🔗Прит. 25:24 🔗Сир. 25:21 | Лучше жити въ земли пустѣ, неже жити съ женою сварливою и язычною и гнѣвливою. |
21:20 | Сокровище вожделѣнно почіетъ во устѣхъ мудраго: безумнiи же мужiе пожираютъ е. |
21:21 См.: 🔗Прит. 19:17 | Путь правды и милостыни обрящетъ животъ и славу. |
21:22 См.: 🔗Еккл. 9:16 | Во грады крѣпки вниде премудрый и разруши утвержденiе, на неже надѣяшася нечестивiи. |
21:23 | Иже хранитъ своя уста и языкъ, соблюдаетъ от печали душу свою. |
21:24 | Продерзый и величавый и горделивый губитель нарицается: а иже памятозлобствуетъ, беззаконенъ. |
21:25 | Похоти лѣниваго убиваютъ: не произволяютъ бо руцѣ его творити что. |
21:26 См.: 🔗Пс. 36:26 | Нечестивый желаетъ весь день похоти злыя, праведный же милуетъ и щедритъ нещадно. |
21:27 См.: 🔗Прит. 15:8 | Жертвы нечестивыхъ мерзость Господеви: ибо беззаконно приносятъ я. |
21:28 См.: 🔗Прит. 19:5 | Свидѣтель ложный погибнетъ, мужъ же послушливъ сохраняемь возглаголетъ. |
21:29 | Нечестивъ мужъ безстудно стоитъ лицемъ: правый же самъ разумѣваетъ пути своя. |
21:30 См.: 🔗Иез. 28:5 🔗Иов. 5:13 | Нѣсть премудрости, нѣсть мужества, нѣсть совѣта у нечестиваго. |
21:31 См.: 🔗Пс. 32:17 | Конь уготовляется на день брани: от Господа же помощь. |