Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 22 | |
22:1 См.: 🔗Еккл. 7:1 | Лучше имя доброе, неже богатство много, паче же сребра и злата благодать благая. |
22:2 См.: 🔗Прит. 29:13 | Богатъ и нищь срѣтоста другъ друга, обоихъ же Господь сотвори. |
22:3 См.: 🔗Прит. 27:12 | Худогъ, видѣвъ лукаваго мучима крѣпко, самъ наказуется: безумнiи же мимошедше отщетишася. |
22:4 | Родъ премудрости страхъ Господень, и богатство и слава и животъ. |
22:5 См.: 🔗Нав. 23:13 | Волчцы и сѣти на путехъ стропотныхъ, храняй же свою душу избѣжитъ ихъ. |
22:6 См.: 🔗Иак. 2:6 | 6Богатiи убогими имутъ обладати, 7и раби своимъ господемъ взаимъ дадутъ. |
22:7 См.: 🔗Иов. 4:8 🔗Ос. 10:12 | Сѣявый злая пожнетъ злая, язву же дѣлъ своихъ совершитъ. |
22:8 | 9Мужа тиха и даятеля любитъ Господь, суету же дѣлъ его скончаетъ. |
22:9 См.: 🔗2Кор. 9:7 | 10Милуяй нищаго самъ препитается: от своихъ бо хлѣбовъ даде убогому.– |
22:10 | –Побѣду и честь устрояетъ даяй дары, обаче душу погубляетъ стяжавшихъ. |
22:11 | 11Изжени от сонмища губителя, и изыдетъ съ нимъ прѣнiе: егда бо сядетъ въ сонмищи, всѣхъ безчеститъ. |
22:12 | 12Любитъ Господь преподобная сердца, прiятни же ему вси непорочнiи въ путехъ своихъ: устнама пасетъ царь [люди своя]. |
22:13 | 13Очи Господни соблюдаютъ чувство: презираетъ словеса законопреступный. |
22:14 См.: 🔗Прит. 26:13 | 14Вины ищетъ и глаголетъ лѣнивый: левъ на стезяхъ, на путехъ же разбойницы. |
22:15 | –Суть путiе зліи предъ мужемъ, и не любитъ возвратитися от нихъ: возвратитися же подобаетъ от пути стропотна и злаго. |
22:16 | 15Яма глубока уста законопреступныхъ: возненавидѣный же от Господа впадется въ ню.– |
22:17 | 16Безумiе виситъ на сердцы юнаго: жезлъ же и наказанiе далече [отгонитъ] от него. |
22:18 | 17Обидяй убогаго многая себѣ зла творитъ, даетъ же богатому во оскудѣнiе [себѣ]. |
22:19 | 18Ко словесемъ мудрыхъ прилагай твое ухо, и услыши моя словеса: свое же сердце утверди [къ нимъ], да разумѣеши, яко добра суть. |
22:20 | 19И аще вложиши я въ сердце твое, возвеселятъ тебе купно во твоихъ устнѣхъ. |
22:21 | 20Да будетъ ти на Господа надежда, и покажетъ ти путь свой. |
22:22 См.: 🔗Прит. 3:5 | 21Ты же напиши я себѣ трижды, на совѣтъ и смыслъ и разумъ, на широтѣ сердца твоего:– |
22:23 | –учу бо тя истинному словеси, и разума благаго слушати на отвѣты словесемъ истиннымъ предлагаемымъ тебѣ. |
22:24 См.: 🔗Втор. 24:17 🔗Иов. 31:13 | Не насилствуй нищаго, зане убогъ есть, и не досаждай немощному во вратѣхъ: |
22:25 См.: 🔗Прит. 23:11 | Господь бо имать судити его судъ, и избавиши твою безбѣдную душу. |
22:26 См.: 🔗Прит. 15:18 🔗Прит. 29:22 | Не бывай другъ мужу гнѣвливу и со другомъ жестокосердымъ не соводворяйся: |
22:27 См.: 🔗Прит. 12:13 | да не когда научишися путемъ его и прiимеши тенета души твоей. |
22:28 См.: 🔗Прит. 6:1 | Не вдавайся въ порученiе, стыдяся лица: |
22:29 См.: 🔗Прит. 20:16 | егда бо не будеши имѣти чимъ искупитися, возмутъ постелю, яже подъ ребры твоими. |
22:30 См.: 🔗Втор. 19:14 🔗Прит. 23:10 | Не прелагай предѣлъ вѣчныхъ, яже положиша отцы твои. |
22:31 | Прозрителну человѣку и острому въ дѣлѣхъ своихъ предъ царьми подобаетъ стояти, и не стояти предъ мужми простыми. |