Книга Притчей Соломоновых, глава 27

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 27
27:1 См.: 🔗Иак. 4:13	Не хвалися о утрiи, не вѣси бо, что родитъ [день] находяй.
27:2 См.: 🔗2Кор. 10:12	Да хвалитъ тя искрен­нiй, а не твоя уста, чуждій, а не тво­и устнѣ.
27:3 См.: 🔗Сир. 22:15	Тяжко камень и неудобоносно песокъ, гнѣвъ же безумнаго тяжшiй обо­его.
27:4 См.: 🔗Иак. 1:20	Безмилостивна ярость и остръ гнѣвъ, но ничтоже посто­итъ ревности.
27:5 См.: 🔗Прит. 28:23	Лучше обличенiя от­кровен­на тайныя любве.
27:6 См.: 🔗Пс. 140:5	Достовѣрнѣе суть язвы друга, нежели вольная лобзанiя врага.
27:7	Душа въ сытости сущи сотамъ ругает­ся: души же нищетнѣй и горькая сладка являют­ся.
27:8	Якоже егда птица от­летитъ от­ гнѣзда сво­его, тако человѣкъ порабощает­ся, егда устранит­ся от­ сво­ихъ мѣстъ.
27:9	Миры и виномъ и ѳимiамы красует­ся сердце, растерзаваетжеся от­ бѣдъ душа.
27:10 См.: 🔗Прит. 18:20	Друга тво­его или друга отча не оставляй: въ домъ же брата сво­его не вниди неблагополучно: лучше другъ близъ, неже братъ далече живый.
27:11 См.: 🔗Прит. 23:15	Мудръ буди, сыне, да веселит­ся сердце твое, и от­врати от­ себе понослива словеса.
27:12 См.: 🔗Прит. 22:3	Хитрый злымъ находящымъ укрывает­ся: безумнiи же нашедше тщету постраждутъ.
27:13 См.: 🔗Прит. 20:16	Отими ризу его, прейде бо досадитель, иже чуждая погубляетъ.
27:14	Иже аще благословитъ друга утро велiимъ гласомъ, от­ кленущаго ни чимже разн­ствовати воз­мнит­ся.
27:15 См.: 🔗Сир. 25:24	Капли изгоняютъ человѣка въ день зименъ изъ дому его, тако и жена клеветливая изъ сво­его дому.
27:16	Сѣверъ жестокъ вѣтръ, именемъ же прiятенъ нарицает­ся.
27:17 См.: 🔗Евр. 10:24	Желѣзо желѣза остритъ: мужъ же поощряетъ лице дружне.
27:18	Иже насаждаетъ смоковницу, снѣсть плоды ея: а иже хранитъ господа сво­его, честенъ будетъ.
27:19	Якоже суть неподобна лица лицамъ, сице ниже сердца человѣковъ.
27:20 См.: 🔗Сир. 14:9	Адъ и погибель не насыщают­ся: такожде и очи человѣчестiи несыти.–
27:21	–Мерзость Господеви утверждаяй очи, и ненаказан­нiи невоз­держни языкомъ.
27:22 См.: 🔗Прит. 17:3	Искушенiе сребру и злату раздеженiе: мужъ же искушает­ся усты хвалящихъ его.–
27:23	–Сердце беззакон­ника взыскуетъ злая, сердце же право взыскуетъ разума.
27:24 См.: 🔗Мк. 3:4	Аще бiеши безумнаго посредѣ сонмища срамляя его, не отъ­имеши безумiя его.
27:25	Разумнѣ разумѣвай души стада тво­его, и да при­­ставиши сердце твое ко тво­имъ стадамъ.
27:26 См.: 🔗1Тим. 6:7	Яко не во вѣкъ мужеви держава и крѣпость, ниже предаетъ от­ рода въ родъ.
27:27	Прилѣжи о злацѣхъ сущихъ на поли и пожнеши траву, и собирай сѣно нагорное,
27:28	да имаши овцы на одѣянiе: почитай поле, да будутъ ти агнцы.
27:29	Сыне, от­ мене имаши рѣченiя крѣпка въ жизнь твою и въ жизнь тво­ихъ служителей.