Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 29 | |
29:1 См.: 🔗Прит. 28:14 | Лучше мужъ обличаяй, нежели мужъ жестоковыйный: внезапу бо палиму ему, нѣсть исцѣленiя. |
29:2 См.: 🔗Исх. 2:23 | Похваляемымъ праведнымъ, возвеселятся людiе: началствующымъ же нечестивымъ, стенятъ мужiе. |
29:3 См.: 🔗Прит. 10:1 🔗Лк. 15:13 | Мужу любящу премудрость, веселится отецъ его: а иже пасетъ любодѣйцы, погубитъ богатство. |
29:4 | Царь праведенъ возвышаетъ землю, мужъ же законопреступникъ раскоповаетъ. |
29:5 | Иже уготовляетъ на лице своему другу мрежу, облагаетъ ю на своя ноги. |
29:6 См.: 🔗Пс. 9:17 | Согрѣшающему мужу велiя сѣть: праведный же въ радости и въ веселiи будетъ. |
29:7 См.: 🔗Прит. 28:5 | Умѣетъ праведный судъ творити убогимъ, а нечестивый не разумѣетъ разума, и убогому нѣсть ума разумѣвающаго. |
29:8 См.: 🔗Прит. 11:11 🔗Еккл. 9:18 | Мужiе беззаконнiи сожгоша градъ, мудрiи же отвратиша гнѣвъ. |
29:9 | Мужъ мудръ судитъ языки, мужъ же злый гнѣваяйся посмѣваемь бываетъ, а не устрашаетъ. |
29:10 | Мужiе кровей причастни возненавидятъ преподобнаго, правiи же взыщутъ душу его. |
29:11 См.: 🔗Прит. 15:1 | Весь гнѣвъ свой произноситъ безумный: премудрый же скрываетъ по части. |
29:12 См.: 🔗Сир. 10:2 | Царю послушающу словесе неправедна, вси, иже подъ нимъ, законопреступницы. |
29:13 | Заимодавцу и должнику, другъ со другомъ сошедшымся, посѣщенiе творитъ обѣма Господь. |
29:14 | Царю во истинѣ судящему нищымъ, престолъ его во свидѣтелство устроится. |
29:15 См.: 🔗Прит. 10:1 | Язвы и обличенiя даютъ мудрость: отрокъ же заблуждаяй срамляетъ родители своя. |
29:16 См.: 🔗Пс. 36:36 | Многимъ сущымъ нечестивымъ мнози грѣси бываютъ, праведнiи же, онымъ падающымъ, устрашаеми бываютъ. |
29:17 См.: 🔗Прит. 23:13 | Наказуй сына твоего, и упокоитъ тя и дастъ лѣпоту души твоей. |
29:18 | Не будетъ сказатель языку законопреступну, храняй же законъ блаженъ. |
29:19 | Не накажется словесы рабъ жестокъ: аще бо и уразумѣетъ, но не послушаетъ. |
29:20 | Аще увидиши мужа скора въ словесѣхъ, разумѣй, яко упованiе имать паче его безумный. |
29:21 См.: 🔗Сир. 33:26 | Иже ласкосердъ будетъ от дѣтства, поработится, на послѣдокъ же болѣзновати будетъ о семъ. |
29:22 См.: 🔗Прит. 15:18 | Мужъ гнѣвливый воздвизаетъ сваръ, мужъ же ярый открываетъ грѣхи. |
29:23 | Досажденiе мужа смиряетъ, а смиренныя утверждаетъ Господь въ славѣ. |
29:24 См.: 🔗Лев. 5:1 | Иже сообщается татю, ненавидитъ своея души: аще же клятву предложенную слышавшiи не возвѣстятъ, |
29:25 | убоявшеся и постыдѣвшеся человѣковъ, преткнутся: надѣявыйся же на Господа возвеселится. Нечестiе мужу даетъ соблажненiе: уповаяй же на Владыку спасется. |
29:26 См.: 🔗Прит. 19:6 | Мнози угождаютъ лицамъ началниковъ: от Господа же сбывается правда мужу. |
29:27 См.: 🔗Ин. 15:19 | Мерзость праведнику мужъ неправеденъ: мерзость же законопреступному путь правоведяй. |