Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 31 | |
31:1 | Моя словеса рекошася от Бога, царево пророчество, егоже наказа мати его: |
31:2 | что, чадо, [соблюдеши,] что рѣченiе Божiе? первородне, тебѣ глаголю, сыне: что, чадо моего чрева? что, чадо моихъ молитвъ? |
31:3 См.: 🔗Втор. 17:17 | Не даждь женамъ твоего богатства и твоего ума и житiя въ послѣднiй совѣтъ. |
31:4 | Съ совѣтомъ все твори, съ совѣтомъ пій вино: сильнiи гнѣвливи суть, вина да не пiютъ, |
31:5 См.: 🔗Есф. 3:15 🔗Ис. 5:22 | да напившеся не забудутъ мудрости и право судити немощнымъ не возмогутъ. |
31:6 См.: 🔗Неем. 8:10 | Дадите Сикера сущымъ въ печалехъ и вино пити сущымъ въ болѣзнехъ, |
31:7 | да забудутъ убожества и болѣзней не воспомянутъ ктому. |
31:8 См.: 🔗Прит. 24:11 | Сыне, отверзай уста твоя слову Божiю и суди вся здраво: |
31:9 См.: 🔗Лев. 19:15 🔗Втор. 1:16 | отверзай уста твоя и суди праведно, разсуждай же убога и немощна. |
31:10 См.: 🔗Прит. 12:4 🔗Прит. 18:23 | Жену доблю кто обрящетъ, дражайши есть каменiя многоцѣннаго таковая: |
31:11 См.: 🔗Прит. 14:1 | дерзаетъ на ню сердце мужа ея: таковая добрыхъ корыстей не лишится: |
31:12 См.: 🔗Сир. 26:2 | дѣлаетъ бо мужу своему благая во все житiе: |
31:13 | обрѣтши волну и ленъ, сотвори благопотребное рукама своима. |
31:14 | Бысть яко корабль куплю дѣя, издалеча собираетъ себѣ богатство: |
31:15 | и востаетъ изъ нощи, и даде брашна дому и дѣла рабынямъ. |
31:16 | Узрѣвши село купи, от плодовъ же рукъ своихъ насади стяжанiе. |
31:17 | Препоясавши крѣпко чресла своя, утвердитъ мышцы своя на дѣло, |
31:18 | и вкуси, яко добро есть дѣлати, и не угасаетъ свѣтилникъ ея всю нощь. |
31:19 | Лакти своя простираетъ на полезная, руцѣ же свои утверждаетъ на вретено, |
31:20 | и руцѣ свои отверзаетъ убогому, длань же простре нищу. |
31:21 См.: 🔗Еккл. 10:18 | Не печется о сущихъ въ дому мужъ ея, егда гдѣ замедлитъ: вси бо у нея одѣяни суть. |
31:22 | Сугуба одѣянiя сотвори мужу своему, от виссона же и порфиры себѣ одѣянiя. |
31:23 См.: 🔗Сир. 40:19 | Славенъ бываетъ во вратѣхъ мужъ ея, внегда аще сядетъ въ сонмищи со старѣйшины жительми земли. |
31:24 | Плащаницы сотвори и продаде Финикіаномъ, опоясанiя же Хананеомъ. |
31:25 См.: 🔗1Пет. 3:4 | 26Крѣпостiю и лѣпотою облечеся, и возвеселися во дни послѣднiя. |
31:26 См.: 🔗Тит. 2:3 | 25Уста своя отверзе внимателно и законно и чинъ заповѣда языку своему. |
31:27 | Тѣсны стези дому ея, брашна же лѣностнаго не яде. 28Уста своя отверзе мудро и законно. |
31:28 | 29Милостыня же ея *возстави чада ея, и обогатишася: и мужъ ея похвали ю: |
31:29 | 30многи дщери стяжаша богатство, многи сотвориша силу: ты же предуспѣла и превознеслася еси надъ всѣми: |
31:30 См.: 🔗Прит. 11:22 | 31ложнаго угожденiя и суетныя доброты женскiя нѣсть въ тебѣ: жена бо разумная благословена есть: страхъ же Господень сiя да хвалитъ. |
31:31 См.: 🔗Мк. 14:9 | 32Дадите ей от плодовъ устенъ ея, и да хвалимь будетъ во вратѣхъ мужъ ея. Конецъ книзѣ притчей соломонихъ: имать въ себѣглавъ 31. |