Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 4 | |
4:1 | Послушайте, дѣти, наказанiя отча и внемлите разумѣти помышленiе, |
4:2 | даръ бо благій дарую вамъ: моего закона не оставляйте. |
4:3 | Сынъ бо быхъ и азъ отцу послушливый, и любимый предъ лицемъ матере, |
4:4 См.: 🔗1Пар. 28:9 | иже глаголаша и учиша мя: да утверждается наше слово въ твоемъ сердцы: храни заповѣди, не забывай: |
4:5 | стяжи премудрость, стяжи разумъ: не забуди, ниже презри рѣченiя моихъ устъ, ниже уклонися от глаголъ устъ моихъ. |
4:6 | Не остави ея, и имется тебе: возжелѣй ея, и соблюдетъ тя. |
4:7 См.: 🔗Прем. 6:18 | Начало премудрости: стяжати премудрость, и во всемъ стяжанiи твоемъ стяжи разумъ. |
4:8 См.: 🔗Дан. 2:46 | Огради ю, и вознесетъ тя: почти ю, да тя объиметъ, |
4:9 См.: 🔗Прит. 1:9 | да дастъ главѣ твоей вѣнецъ благодатей, вѣнцемъ же сладости защититъ тя. |
4:10 См.: 🔗Прит. 3:2 | Слыши, сыне, и прiими моя словеса, и умножатся лѣта живота твоего, да ти будутъ мнози путiе житiя. |
4:11 | Путемъ бо премудрости учу тя, наставляю же тебе на теченiя правая: |
4:12 | аще бо ходиши, не запнутся стопы твоя: аще ли течеши, не утрудишися. |
4:13 | Имися моего наказанiя, не остави, но сохрани е себѣ въ жизнь твою. |
4:14 См.: 🔗Пс. 1:1 🔗Прит. 1:10 | На пути нечестивыхъ не иди, ниже возревнуй путемъ законопреступныхъ. |
4:15 | На немже аще мѣстѣ воя соберутъ, не иди тамо: уклонися же от нихъ и измѣни: |
4:16 | не уснутъ бо, аще зла не сотворятъ: отъимется сонъ от нихъ, и не спятъ: |
4:17 См.: 🔗Прит. 1:13 | тіи бо питаются пищею нечестiя, виномъ же законопреступнымъ упиваются. |
4:18 См.: 🔗Пс. 96:11 🔗Мф. 5:16 | Путіе же праведныхъ подобнѣ свѣту свѣтятся: предходятъ и просвѣщаютъ, дондеже исправится день. |
4:19 См.: 🔗Втор. 28:29 🔗Ис. 59:10 | Путiе же нечестивыхъ темни: не вѣдятъ, како претыкаются. |
4:20 | Сыне, моимъ глаголомъ внимай, къ моимъ же словесемъ прилагай ухо твое: |
4:21 | да не оскудѣютъ ти источницы твои, храни я въ сердцы твоемъ: |
4:22 См.: 🔗Пс. 18:8 | животъ бо суть всѣмъ обрѣтающымъ я и всей плоти ихъ исцѣленiе. |
4:23 См.: 🔗Мф. 6:1 🔗Евр. 13:9 | Всяцѣмъ храненiемъ блюди твое сердце: от сихъ бо исходища живота. |
4:24 | Отими от себе строптива уста, и обидливы устнѣ далече от тебе отрини. |
4:25 См.: 🔗Иов. 31:1 🔗Сир. 9:7 | Очи твои право да зрятъ, и вѣжди твои да помаваютъ праведная. |
4:26 См.: 🔗Евр. 12:13 | Права теченiя твори твоима ногама и пути твоя исправляй. |
4:27 См.: 🔗Втор. 5:32 | Не уклонися ни на десно, ни на шуе: отврати же ногу твою от пути зла: |
4:28 | пути бо десныя вѣсть Господь, развращени же суть, иже ошуюю. |
4:29 | Той же права сотворитъ теченiя твоя, и хожденiя твоя въ мирѣ поспѣшитъ. |