Книга Притчей Соломоновых, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1 См.: 🔗Сир. 29:18	Сыне, аще поручишися за тво­его друга, предаси твою руку врагу.
6:2	Сѣть бо крѣпка мужу сво­и устнѣ, и плѣняет­ся устнами сво­ихъ устъ.
6:3 См.: 🔗Сир. 29:21	Твори, сыне, яже азъ заповѣдую ти, и спасайся: идеши бо въ руцѣ злыхъ за тво­его друга: буди не ослабѣвая, поощряй же и тво­его друга, егоже испоручилъ еси.
6:4 См.: 🔗Пс. 131:4	Не даждь сна тво­има очима, ниже да воз­дремлеши тво­има вѣждома,
6:5 См.: 🔗Пс. 123:7	да спасешися аки серна от­ тенетъ и яко птица от­ сѣти.
6:6	Иди ко мравiю, о, лѣниве, и поревнуй видѣвъ пути его, и буди онаго мудрѣйшiй:
6:7	онъ бо, не сущу ему земледѣлцу, ниже нудящаго его имѣяй, ниже подъ владыкою сый,
6:8	готовитъ въ жатву пищу и многое въ лѣто творитъ уготованiе.–
6:9	–Или иди ко пчелѣ и увѣждь, коль дѣлателница есть, дѣланiе же коль честное творитъ:–
6:10	–еяже трудовъ царiе и простіи во здравiе употребляютъ, любима же есть всѣми и славна:–
6:11	–аще силою и немощна сущи, [но] премудростiю почтена про­изведеся.
6:12 См.: 🔗Прит. 26:14	Доколѣ, о, лѣниве, лежиши? когда же от­ сна востанеши?
6:13 См.: 🔗Прит. 24:33	Мало убо спиши, мало же сѣдиши, мало же дремлеши, мало же объемлеши перси рукама:
6:14	потомъ же найдетъ тебѣ аки золъ путникъ убоже­с­т­во: скудость же аки благій течецъ.–
6:15	–Аще же не лѣнивъ будеши, прiидетъ яко источникъ жатва твоя, скудость же аки злый течецъ [от­ тебе] от­бѣжитъ.
6:16	Мужъ безуменъ и законопреступный ходитъ въ пути не благи:
6:17 См.: 🔗Прит. 10:10	той же намизаетъ окомъ и знаменiе даетъ ногою, учитъ же помаванiемъ перстовъ.
6:18 См.: 🔗Прит. 17:20	Развращен­но же сердце куетъ злая: на всякое время таковый мятежы составляетъ граду.
6:19 См.: 🔗Пс. 57:9	Сего ради внезапу при­­ходитъ ему погибель, разсѣченiе и сокрушенiе неисцѣльное.
6:20	Яко радует­ся о всѣхъ, ихже ненавидитъ Богъ, сокрушает­ся же за нечистоту души:
6:21 См.: 🔗Прит. 30:13	око досадителя, языкъ неправедный, руцѣ проливающя кровь праведнаго,
6:22	и сердце кующее мысли злы, и нозѣ тщащыяся зло творити потребят­ся.
6:23 См.: 🔗Прит. 19:5	Разжизаетъ лжы свидѣтель неправеденъ и насылаетъ суды посредѣ братiй.
6:24 См.: 🔗Прит. 1:8	Сыне, храни законы отца тво­его и не от­рини наказанiя матере тво­ея:
6:25 См.: 🔗Втор. 6:8	навяжи же я на твою душу присно и обяжи ихъ о тво­ей выи.
6:26 См.: 🔗Прит. 3:23	Егда ходиши, води ю, и съ тобою да будетъ: егда же спиши, да хранитъ тя, да востающу ти глаголетъ съ тобою.
6:27 См.: 🔗Пс. 118:105 🔗2Пет. 1:19	Зане свѣтилникъ заповѣдь закона и свѣтъ, и путь жизни, и обличенiе, и наказанiе,
6:28 См.: 🔗Прит. 7:5	еже сохранити тя от­ жены мужаты и от­ наважденiя языка чуждаго.
6:29 См.: 🔗Сир. 9:8	Сыне, да не побѣдитъ тя доброты похоть, ниже уловленъ буди тво­има очима, ниже да совосхитишися вѣждами ея.
6:30 См.: 🔗Прит. 5:10	Цѣна бо блудницы, елика единаго хлѣба: жена же мужей честныя душы уловляетъ.
6:31	Ввяжетъ ли кто огнь въ нѣдра, ризъ же [сво­ихъ] не сожжетъ ли?
6:32	Или ходити кто будетъ на углiехъ огнен­ныхъ, ногъ же не сожжетъ ли?
6:33 См.: 🔗Евр. 13:4	Тако в­шедый къ женѣ мужатѣй не безъ вины будетъ, ниже всякъ при­­касайся ей.
6:34	Не дивно, аще кто ятъ будетъ крадый: крадетъ бо, да насытитъ душу свою алчущую:
6:35 См.: 🔗Исх. 22:1	аще же ятъ будетъ, воз­дастъ седмерицею, и вся имѣнiя своя давъ, избавитъ себе.
6:36 См.: 🔗Лев. 20:10	Прелюбо­дѣй же за скудость ума погибель души сво­ей содѣваетъ,
6:37	болѣзни же и безчестiе понесетъ: поношенiе же его не загладит­ся во вѣкъ:
6:38	исполнена бо ревности ярость мужа ея: не пощадитъ въ день суда,
6:39	не измѣнитъ ни единою цѣною вражды, ниже разрѣшит­ся многими дарми.