Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 101 | |
101:1 | Молитва нищаго, егда уныетъ и предъ Господемъ пролiетъ моленiе свое. |
101:2 См.: 🔗Пс. 142:1 | Господи, услыши молитву мою, и вопль мой къ Тебѣ да прiидетъ. |
101:3 См.: 🔗Пс. 12:2 🔗Пс. 43:25 | Не отврати лица Твоего от мене: въ оньже аще день скорблю, приклони ко мнѣ ухо Твое: въ оньже аще день призову Тя, скоро услыши мя. |
101:4 См.: 🔗Прит. 17:22 | Яко изчезоша яко дымъ дніе мои, и кости моя яко сушило сосхошася. |
101:5 См.: 🔗Пс. 108:22 | Уязвленъ быхъ яко трава, и изсше сердце мое, яко забыхъ снѣсти хлѣбъ мой. |
101:6 | От гласа воздыханiя моего прильпе кость моя плоти моей. |
101:7 См.: 🔗Втор. 14:17 | Уподобихся неясыти пустыннѣй, быхъ яко нощный вранъ на нырищи {на развалинѣ}. |
101:8 | Бдѣхъ и быхъ яко птица особящаяся на здѣ {на кровѣ}. |
101:9 | Весь день поношаху ми врази мои, и хвалящiи мя мною {на мя} кленяхуся. |
101:10 См.: 🔗Иов. 3:24 | Зане пепелъ яко хлѣбъ ядяхъ и питiе мое съ плачемъ растворяхъ, |
101:11 | от лица гнѣва Твоего и ярости Твоея: яко вознесъ низверглъ мя еси. |
101:12 См.: 🔗Иов. 8:9 🔗Иов. 14:1 | Дніе мои яко сѣнь уклонишася, и азъ яко сѣно изсхохъ. |
101:13 | Ты же, Господи, во вѣкъ пребываеши, и память Твоя въ родъ и родъ. |
101:14 См.: 🔗Пс. 50:20 🔗Иер. 29:10 | Ты воскресъ ущедриши Сiона: яко время ущедрити его, яко прiиде время. |
101:15 | Яко благоволиша раби Твои каменiе {о каменiи} его, и персть его ущедрятъ. |
101:16 | И убоятся языцы имене Господня, и вси царiе земстiи славы Твоея: |
101:17 См.: 🔗Ис. 14:32 | яко созиждетъ Господь Сiона и явится во славѣ Своей. |
101:18 | Призрѣ на молитву смиренныхъ и не уничижи моленiя ихъ. |
101:19 | Да напишется сiе въ родъ инъ, и людiе зиждемiи восхвалятъ Господа: |
101:20 | яко приниче съ высоты святыя Своея, Господь съ небесе на землю призрѣ, |
101:21 См.: 🔗Пс. 78:11 | услышати воздыханiе окованныхъ, разрѣшити сыны умерщвленныхъ: |
101:22 См.: 🔗Ис. 62:6 | возвѣстити въ Сiонѣ имя Господне и хвалу Его во Иерусалимѣ, |
101:23 См.: 🔗Зах. 8:21 | внегда собратися людемъ вкупѣ и царемъ, еже работати Господеви. |
101:24 См.: 🔗Пс. 88:46 | Отвѣща Ему на пути крѣпости Его: умаленiе дній моихъ возвѣсти ми: |
101:25 См.: 🔗Иов. 21:21 | не возведи мене во преполовенiе дній моихъ: въ родѣ родовъ лѣта Твоя. |
101:26 См.: 🔗Евр. 1:10 | Въ началѣхъ Ты, Господи, землю основалъ еси, и дѣла руку Твоею суть небеса. |
101:27 См.: 🔗Ис. 51:6 🔗Мф. 24:35 | Та погибнутъ, Ты же пребываеши: и вся яко риза обетшаютъ, и яко одежду свiеши я, и измѣнятся. |
101:28 | Ты же тойжде еси, и лѣта Твоя не оскудѣютъ. |
101:29 | Сынове рабъ Твоихъ вселятся, и сѣмя ихъ во вѣкъ исправится. |