Псалтирь, псалом 105

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 105
105:1	Аллилуiа.
105:2 См.: 🔗Пс. 117:1	Исповѣдайтеся Господеви, яко благъ, яко въ вѣкъ милость Его.
105:3 См.: 🔗Сир. 43:34	Кто воз­глаголетъ силы Господни, слышаны сотворитъ вся хвалы Его?
105:4 См.: 🔗Пс. 36:37	Блажени хранящiи судъ и творящiи правду во всякое время.
105:5 См.: 🔗Неем. 5:19	Помяни насъ, Господи, во благоволенiи людій Тво­ихъ, посѣти насъ спасенiемъ Тво­имъ,
105:6 См.: 🔗Пс. 2:8	видѣти во благости избран­ныя Твоя, воз­веселитися въ веселiи языка Тво­его, хвалитися съ достоянiемъ Тво­имъ.
105:7 См.: 🔗Дан. 9:5	Согрѣшихомъ со отцы нашими, беззакон­новахомъ, неправдовахомъ:
105:8 См.: 🔗Исх. 14:11	отцы наши во Египтѣ не разумѣша чудесъ Тво­ихъ, ни помянуша множе­ст­ва милости Тво­ея: и преогорчиша восходяще въ Чермное море.
105:9	И спасе ихъ имене Сво­его ради, сказати силу Свою:
105:10 См.: 🔗Исх. 14:21 🔗Пс. 77:13	и запрети Чермному морю, и изсяче: и настави {преведе} я въ безднѣ яко въ пустыни.
105:11 См.: 🔗Лк. 1:71	И спасе я изъ руки ненавидящихъ и избави я изъ руки враговъ.
105:12 См.: 🔗Исх. 14:28	Покры вода стужающыя имъ: ни единъ от­ нихъ избысть.
105:13	И вѣроваша словеси Его и воспѣша хвалу Его.
105:14 См.: 🔗Иер. 2:32	Ускориша, забыша дѣла Его, не стерпѣша совѣта Его:
105:15 См.: 🔗Чис. 11:33	и похотѣша желанiю въ пустыни и искусиша Бога въ безводнѣй.
105:16 См.: 🔗Иак. 4:3	И даде имъ прошенiе ихъ, посла сытость въ душы ихъ.
105:17 См.: 🔗Чис. 16:2	И прогнѣваша Моисеа въ стану, Аарона святаго Господня.
105:18 См.: 🔗Чис. 16:31 🔗Втор. 11:6	Отверзеся земля и пожре Даѳана и покры на сонмищи Авирона:
105:19	и разжжеся огнь въ сонмѣ ихъ, пламень попали грѣшники.
105:20 См.: 🔗Исх. 32:4	И сотвориша телца въ Хоривѣ и поклонишася истукан­ному:
105:21 См.: 🔗Рим. 1:23	и измѣниша славу Его въ подобiе телца ядущаго траву.
105:22	И забыша Бога спасающаго ихъ, сотворшаго велiя во Египтѣ,
105:23	чудеса въ земли Хамовѣ, страшная въ мори Чермнѣмъ.
105:24 См.: 🔗Исх. 32:11	И рече потребити ихъ, аще не бы Моисей избран­ный Его сталъ въ сокрушенiи предъ Нимъ, воз­вратити ярость Его, да не погубитъ ихъ.
105:25 См.: 🔗Чис. 14:2	И уничижиша землю желан­ную, не яша вѣры словеси Его:
105:26 См.: 🔗Втор. 1:27	и поропташа въ селенiихъ сво­ихъ, не услышаша гласа Господня.
105:27 См.: 🔗Чис. 14:29	И воз­движе руку Свою на ня, низложити я въ пустыни,
105:28	и низложити сѣмя ихъ во языцѣхъ, и расточити я въ страны.
105:29 См.: 🔗Чис. 25:3	И при­­частишася Веельфегору и снѣдоша жертвы мертвыхъ:
105:30	и раздражиша Его въ начинанiихъ сво­ихъ, и умножися въ нихъ паденiе.
105:31 См.: 🔗Чис. 25:7	И ста Финеесъ и умилостиви, и преста сѣчь:
105:32 См.: 🔗Чис. 25:13	и вмѣнися ему въ правду, въ родъ и родъ до вѣка.
105:33 См.: 🔗Чис. 20:3	И прогнѣваша Его на водѣ Прерѣканiя, и озлобленъ бысть Моисей ихъ ради:
105:34	яко преогорчиша духъ его и разн­ствова устнама сво­има.
105:35 См.: 🔗Втор. 7:2	Не потребиша языки, яже рече Господь имъ.
105:36 См.: 🔗Ос. 7:8	И смѣсишася во языцѣхъ и навыкоша дѣломъ ихъ:
105:37 См.: 🔗Исх. 23:33 🔗Втор. 7:16	и поработаша истукан­нымъ ихъ, и бысть имъ въ соблазнъ.
105:38 См.: 🔗Лев. 18:21 🔗Втор. 12:31 🔗4Цар. 21:6	И пожроша сыны своя и дщери своя бѣсовомъ,
105:39	и пролiяша кровь неповин­ную, кровь сыновъ сво­ихъ и дщерей, яже пожроша истукан­нымъ Ханаанскимъ: и убiена бысть земля ихъ кровьми
105:40	и осквернися въ дѣлѣхъ ихъ: и соблудиша въ начинанiихъ сво­ихъ.
105:41 См.: 🔗Суд. 2:14 🔗Суд. 3:8	И разгнѣвася яростiю Господь на люди Своя и омерзи достоянiе Свое:
105:42	и предаде я въ руки враговъ, и обладаша ими ненавидящiи ихъ.
105:43	И стужиша имъ врази ихъ: и смиришася подъ руками ихъ.
105:44	Множицею избави я: тіи же преогорчиша Его совѣтомъ сво­имъ, и смиришася въ беззаконiихъ сво­ихъ.
105:45	И видѣ Господь, внегда скорбѣти имъ, внегда услышаше моленiе ихъ:
105:46 См.: 🔗Втор. 30:1	и помяну завѣтъ Свой, и раскаяся по множе­ст­ву милости Сво­ея:
105:47	и даде я въ щедроты предъ всѣми плѣнив­шими я.
105:48 См.: 🔗1Пар. 16:35 🔗Ис. 11:12	Спаси ны, Господи, Боже нашъ, и собери ны от­ языкъ, исповѣдатися имени Тво­ему святому, хвалитися во хвалѣ Тво­ей.
105:49 См.: 🔗1Пар. 16:36 🔗Пс. 40:14 🔗Пс. 71:18	Благословенъ Господь Богъ Израилевъ от­ вѣка и до вѣка. И рекутъ вси людiе: буди, буди.