Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 108 | |
108:1 | Въ конецъ, псаломъ Давиду. |
108:2 | Боже, хвалы моея не премолчи: |
108:3 См.: 🔗Мк. 14:56 | яко уста грѣшнича и уста льстиваго на мя отверзошася, глаголаша на мя языкомъ льстивымъ, |
108:4 | и словесы ненавистными обыдоша мя, и брашася со мною туне. |
108:5 См.: 🔗Пс. 119:7 🔗Ин. 8:40 | Вмѣсто еже любити мя, оболгаху мя, азъ же моляхся: |
108:6 См.: 🔗Пс. 34:12 🔗Иер. 18:20 | и положиша на мя злая за благая, и ненависть за возлюбленiе мое. |
108:7 См.: 🔗Иов. 17:8 | Постави на него грѣшника, и дiаволъ да станетъ одесную его: |
108:8 | внегда судитися ему, да изыдетъ осужденъ, и молитва его да будетъ въ грѣхъ. |
108:9 См.: 🔗Ин. 17:12 🔗Деян. 1:20 | Да будутъ дніе его мали, и епископство его да прiиметъ инъ: |
108:10 См.: 🔗Втор. 28:32 | да будутъ сынове его сири, и жена его вдова: |
108:11 См.: 🔗Иов. 20:10 | движущеся да преселятся сынове его и воспросятъ, да изгнани будутъ изъ домовъ своихъ. |
108:12 См.: 🔗Втор. 28:43 | Да взыщетъ заимодавецъ вся, елика суть его: и да восхитятъ чуждіи труды его. |
108:13 | Да не будетъ ему заступника, ниже да будетъ ущедряяй сироты его: |
108:14 | да будутъ чада его въ погубленiе, въ родѣ единѣмъ да потребится имя его. |
108:15 См.: 🔗Исх. 20:5 🔗Иер. 18:23 | Да воспомянется беззаконiе отецъ его предъ Господемъ, и грѣхъ матере его да не очистится: |
108:16 См.: 🔗Прит. 10:7 🔗Мф. 27:25 | да будутъ предъ Господемъ выну, и да потребится от земли память ихъ: |
108:17 См.: 🔗Иов. 24:20 🔗Иак. 2:13 | занеже не помяну сотворити милость, и погна человѣка нища и убога, и умилена сердцемъ умертвити. |
108:18 См.: 🔗Прит. 11:27 🔗Прем. 1:12 | И возлюби клятву, и прiидетъ ему: и не восхотѣ благословенiя, и удалится от него. |
108:19 | И облечеся въ клятву яко въ ризу, и вниде яко вода во утробу его и яко елей въ кости его: |
108:20 | да будетъ ему яко риза, въ нюже облачится, и яко поясъ, имже выну опоясуется. |
108:21 | Сiе дѣло оболгающихъ мя у Господа и глаголющихъ лукавая на душу мою. |
108:22 | И Ты, Господи, Господи, сотвори со мною имене ради Твоего, яко блага милость Твоя: |
108:23 | избави мя, яко нищъ и убогъ есмь азъ, и сердце мое смятеся внутрь мене. |
108:24 См.: 🔗Иов. 14:2 🔗Пс. 143:4 | Яко сѣнь, внегда уклонитися ей, отъяхся: стрясохся яко прузи. |
108:25 | Колѣна моя изнемогоста от поста, и плоть моя измѣнися елеа ради. |
108:26 См.: 🔗Пс. 21:8 🔗Мф. 27:29 | И азъ быхъ поношенiе имъ: видѣша мя, покиваша главами своими. |
108:27 | Помози ми, Господи Боже мой, и спаси мя по милости Твоей: |
108:28 См.: 🔗Пс. 63:10 | и да разумѣютъ, яко рука Твоя сiя, и Ты, Господи, сотворилъ еси ю. |
108:29 См.: 🔗Мф. 5:44 🔗1Кор. 4:12 | Прокленутъ тіи, и Ты благословиши: востающiи на мя да постыдятся, рабъ же Твой возвеселится. |
108:30 | Да облекутся оболгающiи мя въ срамоту и одеждутся яко одеждою студомъ своимъ. |
108:31 См.: 🔗Пс. 21:23 | Исповѣмся Господеви зѣло усты моими и посредѣ многихъ восхвалю Его: |
108:32 См.: 🔗Деян. 2:25 | яко преста одесную убогаго, еже спасти от гонящихъ душу мою. |