Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 118 | |
118:1 | Аллилуiа. |
118:2 | Блажени непорочнiи въ путь {въ пути}, ходящiи въ законѣ Господни. |
118:3 См.: 🔗Пс. 18:12 | Блажени испытающiи свидѣнiя Его, всѣмъ сердцемъ взыщутъ Его. |
118:4 См.: 🔗1Ин. 5:18 | Не дѣлающiи бо беззаконiя въ путехъ Его ходиша. |
118:5 См.: 🔗Втор. 4:5 | Ты заповѣдалъ еси заповѣди Твоя сохранити зѣло: |
118:6 См.: 🔗Лк. 1:6 | дабы исправилися путiе мои, сохранити оправданiя Твоя. |
118:7 См.: 🔗1Ин. 2:3 🔗Гал. 6:16 | Тогда не постыжуся, внегда призрѣти ми на вся заповѣди Твоя. |
118:8 | Исповѣмся Тебѣ въ правости сердца, внегда научитимися судьбамъ правды Твоея. |
118:9 | Оправданiя Твоя сохраню: не остави мене до зѣла. |
118:10 См.: 🔗Ин. 15:3 🔗1Пет. 1:22 | Въ чесомъ исправитъ юнѣйшiй путь свой? Внегда сохранити словеса Твоя. |
118:11 См.: 🔗Ис. 63:17 | Всѣмъ сердцемъ моимъ взыскахъ Тебе: не отрини мене от заповѣдiй Твоихъ. |
118:12 См.: 🔗Втор. 6:6 | Въ сердцы моемъ скрыхъ словеса Твоя, яко да не согрѣшу Тебѣ. |
118:13 | Благословенъ еси, Господи: научи мя оправданиемъ Твоимъ. |
118:14 | Устнама моима возвѣстихъ вся судьбы устъ Твоихъ. |
118:15 | На пути свидѣнiй Твоихъ насладихся, яко о всякомъ богатствѣ. |
118:16 | Въ заповѣдехъ Твоихъ поглумлюся, и уразумѣю пути Твоя. |
118:17 | Во оправданiихъ Твоихъ поучуся: не забуду словесъ Твоихъ. |
118:18 | Воздаждь рабу Твоему: живи мя, и сохраню словеса Твоя. |
118:19 См.: 🔗Втор. 17:19 | Открый очи мои, и уразумѣю чудеса от закона Твоего. |
118:20 См.: 🔗1Пар. 29:15 🔗Евр. 11:13 | Пришлецъ азъ есмь на земли: не скрый от мене заповѣди Твоя. |
118:21 | Возлюби душа моя возжелати судьбы Твоя на всякое время. |
118:22 См.: 🔗Втор. 11:28 | Запретилъ еси гордымъ: прокляти уклоняющiися от заповѣдiй Твоихъ. |
118:23 | Отъими от мене поносъ {поношенiе} и уничиженiе, яко свидѣнiй Твоихъ взыскахъ. |
118:24 См.: 🔗Пс. 2:2 | Ибо сѣдоша князи и на мя клеветаху, рабъ же Твой глумляшеся во оправданiихъ Твоихъ: |
118:25 См.: 🔗Втор. 17:19 | ибо свидѣнiя Твоя поученiе мое есть, и совѣти мои оправданiя Твоя. |
118:26 | Прильпе земли душа моя: живи мя по словеси Твоему. |
118:27 | Пути моя возвѣстихъ, и услышалъ мя еси: научи мя оправданиемъ Твоимъ. |
118:28 | Путь оправданiй Твоихъ вразуми ми, и поглумлюся въ чудесѣхъ Твоихъ. |
118:29 | Воздрема душа моя от унынiя: утверди мя въ словесѣхъ Твоихъ. |
118:30 | Путь неправды отстави от мене и закономъ Твоимъ помилуй мя. |
118:31 См.: 🔗3Цар. 8:36 | Путь истины изволихъ и судьбы Твоя не забыхъ. |
118:32 | Прилѣпихся свидѣниемъ Твоимъ, Господи, не посрами мене. |
118:33 См.: 🔗Лк. 19:6 | Путь заповѣдiй Твоихъ текохъ, егда разширилъ еси сердце мое. |
118:34 | Законоположи мнѣ, Господи, путь оправданiй Твоихъ, и взыщу и выну: |
118:35 См.: 🔗Неем. 9:20 | вразуми мя, и испытаю законъ Твой и сохраню и всѣмъ сердцемъ моимъ. |
118:36 | Настави мя на стезю заповѣдiй Твоихъ, яко тую восхотѣхъ. |
118:37 См.: 🔗1Цар. 8:3 | Приклони сердце мое во свидѣнiя Твоя, а не въ лихоимство. |
118:38 См.: 🔗Мф. 18:9 | Отврати очи мои еже не видѣти суеты: въ пути Твоемъ живи мя. |
118:39 | Постави рабу Твоему слово Твое въ страхъ Твой. |
118:40 См.: 🔗Мф. 6:13 | Отъими поношенiе мое, еже непщевахъ: яко судьбы Твоя благи. |
118:41 | Се, возжелахъ заповѣди Твоя: въ правдѣ Твоей живи мя. |
118:42 | И да прiидетъ на мя милость Твоя, Господи, спасенiе Твое по словеси Твоему: |
118:43 | и отвѣщаю поношающымъ ми слово, яко уповахъ на словеса Твоя. |
118:44 | И не отъими от устъ моихъ словесе истинна до зѣла, яко на судьбы Твоя уповахъ: |
118:45 См.: 🔗Ин. 15:10 | и сохраню законъ Твой выну, въ вѣкъ и въ вѣкъ вѣка. |
118:46 | И хождахъ въ широтѣ, яко заповѣди Твоя взыскахъ: |
118:47 См.: 🔗Рим. 1:16 | и глаголахъ о свидѣнiихъ Твоихъ предъ цари и не стыдяхся: |
118:48 | и поучахся въ заповѣдехъ Твоихъ, яже возлюбихъ зѣло: |
118:49 | и воздвигохъ руцѣ мои къ заповѣдемъ Твоимъ, яже возлюбихъ, и глумляхся во оправданiихъ Твоихъ. |
118:50 | Помяни словеса Твоя рабу Твоему, ихже упованiе далъ ми еси. |
118:51 См.: 🔗Пс. 18:8 🔗Иер. 15:16 | То мя утѣши во смиренiи моемъ, яко слово Твое живи мя. |
118:52 См.: 🔗Втор. 17:11 | Гордiи законопреступоваху до зѣла: от закона же Твоего не уклонихся. |
118:53 | Помянухъ судьбы Твоя от вѣка, Господи, и утѣшихся. |
118:54 | Печаль прiятъ мя от грѣшникъ, оставляющихъ законъ Твой. |
118:55 | Пѣта бяху мнѣ оправданiя Твоя на мѣстѣ пришелствiя моего. |
118:56 См.: 🔗Пс. 62:7 | Помянухъ въ нощи имя Твое, Господи, и сохранихъ законъ Твой. |
118:57 | Сей бысть мнѣ, яко оправданiй Твоихъ взыскахъ. |
118:58 См.: 🔗Чис. 18:20 | Часть моя еси, Господи: рѣхъ сохранити законъ Твой. |
118:59 | Помолихся лицу Твоему всѣмъ сердцемъ моимъ: помилуй мя по словеси Твоему. |
118:60 | Помыслихъ пути Твоя и возвратихъ нозѣ мои во свидѣнiя Твоя. |
118:61 | Уготовихся и не смутихся сохранити заповѣди Твоя. |
118:62 См.: 🔗Кол. 2:8 | Ужя грѣшникъ обязашася мнѣ, и закона Твоего не забыхъ. |
118:63 См.: 🔗Деян. 16:25 | Полунощи востахъ исповѣдатися Тебѣ о судьбахъ правды Твоея. |
118:64 См.: 🔗Сир. 37:15 | Причастникъ азъ есмь всѣмъ боящымся Тебе и хранящымъ заповѣди Твоя. |
118:65 См.: 🔗Пс. 32:5 | Милости Твоея, Господи, исполнь земля: оправданиемъ Твоимъ научи мя. |
118:66 | Благость сотворилъ еси съ рабомъ Твоимъ, Господи, по словеси Твоему: |
118:67 | благости и наказанiю и разуму научи мя, яко заповѣдемъ Твоимъ вѣровахъ. |
118:68 См.: 🔗Евр. 12:10 | Прежде даже не смиритимися, азъ прегрѣшихъ: сего ради слово Твое сохранихъ. |
118:69 | Благъ еси Ты, Господи: и благостiю Твоею научи мя оправданиемъ Твоимъ. |
118:70 | Умножися на мя неправда гордыхъ: азъ же всѣмъ сердцемъ моимъ испытаю заповѣди Твоя. |
118:71 См.: 🔗Мф. 13:15 | Усырися яко млеко сердце ихъ: азъ же закону Твоему поучихся. |
118:72 См.: 🔗2Кор. 7:10 | Благо мнѣ, яко смирилъ мя еси, яко да научуся оправданиемъ Твоимъ. |
118:73 См.: 🔗Пс. 118:127 | Благъ мнѣ законъ устъ Твоихъ паче тысящъ злата и сребра. |
118:74 См.: 🔗Иов. 10:8 | Руце Твои сотвористѣ мя и создастѣ мя: вразуми мя, и научуся заповѣдемъ Твоимъ. |
118:75 | Боящiися Тебе узрятъ мя и возвеселятся, яко на словеса Твоя уповахъ. |
118:76 См.: 🔗Отк. 19:2 | Разумѣхъ, Господи, яко правда судьбы Твоя, и воистинну смирилъ мя еси. |
118:77 | Буди же милость Твоя, да утѣшитъ мя, по словеси Твоему рабу Твоему: |
118:78 | да прiидутъ мнѣ щедроты Твоя, и живъ буду, яко законъ Твой поученiе мое есть. |
118:79 | Да постыдятся гордiи, яко неправедно беззаконноваша на мя: азъ же поглумлюся {размышляти буду} въ заповѣдехъ Твоихъ. |
118:80 | Да обратятъ мя боящiися Тебе и вѣдящiи свидѣнiя Твоя. |
118:81 | Буди сердце мое непорочно во оправданiихъ Твоихъ, яко да не постыжуся. |
118:82 См.: 🔗Пс. 118:166 | Изчезаетъ во спасенiе Твое душа моя, на словеса Твоя уповахъ: |
118:83 | изчезоша очи мои въ слово Твое, глаголюще: когда утѣшиши мя? |
118:84 См.: 🔗Иов. 30:30 | Зане быхъ яко мѣхъ на сланѣ: оправданiй Твоихъ не забыхъ. |
118:85 | Колико есть дній раба Твоего? Когда сотвориши ми от гонящихъ мя судъ? |
118:86 | Повѣдаша мнѣ законопреступницы глумленiя, но не яко законъ Твой, Господи. |
118:87 См.: 🔗Ин. 17:17 | Вся заповѣди Твоя истина: неправедно погнаша мя, помози ми. |
118:88 | Вмалѣ не скончаша мене на земли: азъ же не оставихъ заповѣдiй Твоихъ. |
118:89 | По милости Твоей живи мя, и сохраню свидѣнiя устъ Твоихъ. |
118:90 См.: 🔗Ис. 40:8 🔗Мф. 24:35 | Во вѣкъ, Господи, слово Твое пребываетъ на небеси. |
118:91 | Въ родъ и родъ истина Твоя: основалъ еси землю, и пребываетъ. |
118:92 | Учиненiемъ Твоимъ пребываетъ день: яко всяческая работна Тебѣ. |
118:93 См.: 🔗Пс. 18:8 🔗Иер. 15:16 | Яко аще бы не законъ Твой поученiе мое былъ, тогда убо погиблъ быхъ во смиренiи моемъ: |
118:94 | во вѣкъ не забуду оправданiй Твоихъ, яко въ нихъ оживилъ мя еси. |
118:95 | Твой есмь азъ, спаси мя: яко оправданiй Твоихъ взыскахъ. |
118:96 | Мене ждаша грѣшницы погубити мя: свидѣнiя Твоя разумѣхъ. |
118:97 | Всякiя кончины видѣхъ конецъ: широка заповѣдь Твоя зѣло. |
118:98 См.: 🔗Втор. 17:19 | Коль возлюбихъ законъ Твой, Господи: весь день поученiе мое есть. |
118:99 | Паче врагъ моихъ умудрилъ мя еси заповѣдiю Твоею, яко въ вѣкъ моя есть. |
118:100 См.: 🔗Втор. 4:6 | Паче всѣхъ учащихъ мя разумѣхъ, яко свидѣнiя Твоя поученiе мое есть. |
118:101 См.: 🔗Прем. 8:10 | Паче старецъ разумѣхъ, яко заповѣди Твоя взыскахъ. |
118:102 | От всякаго пути лукава возбранихъ ногамъ моимъ, яко да сохраню словеса Твоя: |
118:103 | от судебъ Твоихъ не уклонихся, яко Ты законоположилъ ми еси. |
118:104 См.: 🔗Пс. 18:11 | Коль сладка гортани моему словеса Твоя: паче меда устомъ моимъ. |
118:105 См.: 🔗Пс. 118:128 | От заповѣдiй Твоихъ разумѣхъ: сего ради возненавидѣхъ всякъ путь неправды. |
118:106 См.: 🔗2Пет. 1:19 | Свѣтилникъ ногама моима законъ Твой, и свѣтъ стезямъ моимъ. |
118:107 См.: 🔗Неем. 10:29 🔗Иов. 27:5 | Кляхся и поставихъ сохранити судьбы правды Твоея. |
118:108 | Смирихся до зѣла: Господи, живи мя по словеси Твоему. |
118:109 См.: 🔗Пс. 18:15 | Вольная устъ моихъ благоволи же, Господи, и судьбамъ Твоимъ научи мя. |
118:110 | Душа моя въ руку Твоею {Алекс.: моею} выну, и закона Твоего не забыхъ. |
118:111 См.: 🔗Пс. 139:6 | Положиша грѣшницы сѣть мнѣ: и от заповѣдiй Твоихъ не заблудихъ. |
118:112 | Наслѣдовахъ свидѣнiя Твоя во вѣкъ, яко радованiе сердца моего суть: |
118:113 См.: 🔗3Цар. 8:58 | приклонихъ сердце мое сотворити оправданiя Твоя въ вѣкъ за воздаянiе. |
118:114 | Законопреступныя возненавидѣхъ, законъ же Твой возлюбихъ. |
118:115 | Помощникъ мой и заступникъ мой еси Ты: на словеса Твоя уповахъ. |
118:116 См.: 🔗Пс. 6:9 🔗Пс. 100:4 | Уклонитеся от мене, лукавнующiи, и испытаю заповѣди Бога моего. |
118:117 См.: 🔗Пс. 24:2 | Заступи мя по словеси Твоему, и живъ буду: и не посрами мене от чаянiя моего: |
118:118 | помози ми, и спасуся, и поучуся во оправданiихъ Твоихъ выну. |
118:119 См.: 🔗Рим. 8:6 | Уничижилъ еси вся отступающыя от оправданiй Твоихъ: яко неправедно помышленiе ихъ. |
118:120 | Преступающыя непщевахъ вся грѣшныя земли: сего ради возлюбихъ свидѣнiя Твоя. |
118:121 См.: 🔗Лк. 12:5 🔗Деян. 5:5 | Пригвозди страху Твоему плоти моя: от судебъ бо Твоихъ убояхся. |
118:122 | Сотворихъ судъ и правду: не предаждь мене обидящымъ мя. |
118:123 | Воспрiими раба Твоего во благо, да не оклеветаютъ мене гордiи. |
118:124 | Очи мои изчезостѣ во спасенiе Твое и въ слово правды Твоея: |
118:125 См.: 🔗Пс. 142:2 | сотвори съ рабомъ Твоимъ по милости Твоей, и оправданиемъ Твоимъ научи мя. |
118:126 | Рабъ Твой есмь азъ: вразуми мя, и увѣмъ свидѣнiя Твоя. |
118:127 См.: 🔗Еккл. 8:11 | Время сотворити Господеви: разориша законъ Твой. |
118:128 См.: 🔗Пс. 18:11 | Сего ради возлюбихъ заповѣди Твоя паче злата и топазiа. |
118:129 См.: 🔗Пс. 118:104 | Сего ради ко всѣмъ заповѣдемъ Твоимъ направляхся, всякъ путь неправды возненавидѣхъ. |
118:130 | Дивна свидѣнiя Твоя: сего ради испыта я душа моя. |
118:131 См.: 🔗Пс. 18:9 🔗Мф. 11:25 | Явленiе словесъ Твоихъ просвѣщаетъ и вразумляетъ младенцы. |
118:132 | Уста моя отверзохъ и привлекохъ духъ, яко заповѣдiй Твоихъ желахъ. |
118:133 См.: 🔗Пс. 6:5 | Призри на мя и помилуй мя, по суду любящихъ имя Твое. |
118:134 | Стопы моя направи по словеси Твоему, и да не обладаетъ мною всякое беззаконiе: |
118:135 | избави мя от клеветы человѣческiя, и сохраню заповѣди Твоя. |
118:136 См.: 🔗Пс. 66:2 | Лице Твое просвѣти на раба Твоего и научи мя оправданиемъ Твоимъ. |
118:137 См.: 🔗Иак. 4:9 | Исходища водная изведостѣ очи мои, понеже не сохранихъ закона Твоего. |
118:138 См.: 🔗Исх. 9:27 | Праведнъ еси, Господи, и прави суди Твои: |
118:139 См.: 🔗Втор. 4:5 | заповѣдалъ еси правду свидѣнiя Твоя, и истину зѣло. |
118:140 См.: 🔗Пс. 68:10 | Истаяла мя есть ревность Твоя: яко забыша словеса Твоя врази мои. |
118:141 См.: 🔗2Цар. 22:31 🔗Прит. 30:5 | Разжжено слово Твое зѣло, и рабъ Твой возлюби е. |
118:142 | Юнѣйшiй азъ есмь и уничиженъ: оправданiй Твоихъ не забыхъ. |
118:143 См.: 🔗Ин. 17:17 | Правда Твоя правда во вѣкъ, и законъ Твой истина. |
118:144 | Скорби и нужди обрѣтоша мя: заповѣди Твоя поученiе мое. |
118:145 | Правда свидѣнiя Твоя въ вѣкъ: вразуми мя, и живъ буду. |
118:146 | Воззвахъ всѣмъ сердцемъ моимъ, услыши мя, Господи: оправданiя Твоя взыщу. |
118:147 | Воззвахъ Ти, спаси мя, и сохраню свидѣнiя Твоя. |
118:148 См.: 🔗Пс. 5:4 🔗Пс. 87:14 | Предварихъ въ безгодiи и воззвахъ: на словеса Твоя уповахъ. |
118:149 См.: 🔗Ис. 26:9 | Предваристѣ очи мои ко утру, поучитися словесемъ Твоимъ. |
118:150 | Гласъ мой услыши, Господи, по милости Твоей: по судьбѣ Твоей живи мя. |
118:151 | Приближишася гонящiи мя беззаконiемъ: от закона же Твоего удалишася. |
118:152 См.: 🔗Ин. 17:17 | Близъ еси Ты, Господи, и вси путiе Твои истина. |
118:153 См.: 🔗Мф. 5:18 🔗1Пет. 1:25 | Исперва познахъ от свидѣнiй Твоихъ, яко въ вѣкъ основалъ я еси. |
118:154 | Виждь смиренiе мое и изми мя: яко закона Твоего не забыхъ. |
118:155 См.: 🔗Пс. 36:6 | Суди судъ мой и избави мя: словесе ради Твоего живи мя. |
118:156 См.: 🔗Пс. 108:17 | Далече от грѣшникъ спасенiе, яко оправданiй Твоихъ не взыскаша. |
118:157 | Щедроты Твоя многи, Господи: по судьбѣ Твоей живи мя. |
118:158 См.: 🔗Пс. 3:1 | Мнози изгонящiи мя и стужающiи ми: от свидѣнiй Твоихъ не уклонихся. |
118:159 См.: 🔗Деян. 17:16 | Видѣхъ неразумѣвающыя и истаяхъ: яко словесъ Твоихъ не сохраниша. |
118:160 | Виждь, яко заповѣди Твоя возлюбихъ: Господи, по милости Твоей живи мя. |
118:161 | Начало словесъ Твоихъ истина, и во вѣкъ вся судьбы правды Твоея. |
118:162 См.: 🔗Ис. 66:2 | Князи погнаша мя туне: и от словесъ Твоихъ убояся сердце мое. |
118:163 См.: 🔗Ис. 9:3 | Возрадуюся азъ о словесѣхъ Твоихъ, яко обрѣтаяй корысть многу. |
118:164 См.: 🔗Пс. 100:7 | Неправду возненавидѣхъ и омерзихъ: законъ же Твой возлюбихъ. |
118:165 | Седмерицею днемъ хвалихъ Тя о судьбахъ правды Твоея. |
118:166 См.: 🔗Гал. 6:16 🔗1Ин. 2:10 | Миръ многъ любящымъ законъ Твой, и нѣсть имъ соблазна. |
118:167 См.: 🔗Быт. 49:18 | Чаяхъ спасенiя Твоего, Господи, и заповѣди Твоя возлюбихъ. |
118:168 | Сохрани душа моя свидѣнiя Твоя и возлюби я зѣло. |
118:169 См.: 🔗Пс. 138:3 | Сохранихъ заповѣди Твоя и свидѣнiя Твоя, яко вси путiе мои предъ Тобою, Господи. |
118:170 | Да приближится моленiе мое предъ Тя, Господи: по словеси Твоему вразуми мя. |
118:171 | Да внидетъ прошенiе мое предъ Тя: Господи, по словеси Твоему избави мя. |
118:172 | Отрыгнутъ устнѣ мои пѣнiе, егда научиши мя оправданиемъ Твоимъ. |
118:173 | Провѣщаетъ языкъ мой словеса Твоя, яко вся заповѣди Твоя правда. |
118:174 | Да будетъ рука Твоя еже спасти мя, яко заповѣди Твоя изволихъ. |
118:175 | Возжелахъ спасенiе Твое, Господи, и законъ Твой поученiе мое есть. |
118:176 | Жива будетъ душа моя и восхвалитъ Тя: и судьбы Твоя помогутъ мнѣ. |
118:177 См.: 🔗Ис. 53:6 🔗1Пет. 2:25 | Заблудихъ яко овча погибшее: взыщи раба Твоего, яко заповѣдiй Твоихъ не забыхъ. |