Псалтирь, псалом 138

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 138
138:1	Въ конецъ Давиду, псаломъ захарiинъ, въ разсѣянiи.
138:2 См.: 🔗Прит. 24:12 🔗Ин. 21:17	Господи, искусилъ мя еси и позналъ мя еси: Ты позналъ еси сѣданiе мое и востанiе мое.
138:3 См.: 🔗2Цар. 7:20 🔗Иер. 12:3 🔗Втор. 31:21	Ты разумѣлъ еси помышленiя моя издалеча:
138:4 См.: 🔗Пс. 118:168	стезю мою и уже мое Ты еси изслѣдовалъ и вся пути моя провидѣлъ еси.
138:5	Яко нѣсть льсти въ языцѣ мо­емъ: се, Господи, Ты позналъ еси
138:6	вся послѣдняя и древняя: Ты создалъ еси мя и положилъ еси на мнѣ руку Твою.
138:7	Удивися разумъ Твой от­ мене, утвердися, не воз­могу къ нему.
138:8 См.: 🔗Прем. 1:7	Камо пойду от­ Духа тво­его? И от­ лица Тво­его камо бѣжу?
138:9 См.: 🔗Ам. 9:2	Аще взыду на небо, Ты тамо еси: аще сниду во адъ, тамо еси.
138:10 См.: 🔗Пс. 54:7	Аще воз­му крилѣ мо­и рано и вселюся въ послѣднихъ моря,
138:11	и тамо бо рука Твоя наставитъ мя, и удержитъ мя десница Твоя.
138:12 См.: 🔗Иов. 34:22 🔗Иер. 23:24 🔗Евр. 4:13	И рѣхъ: еда тма поперетъ мя? И нощь просвѣщенiе въ сладости мо­ей.
138:13 См.: 🔗Иак. 1:17	Яко тма не помрачит­ся от­ Тебе, и нощь яко день просвѣтит­ся: яко тма ея, тако и свѣтъ ея.
138:14 См.: 🔗Иов. 10:11	Яко Ты создалъ {стяжалъ} еси утробы моя, воспрiялъ мя еси изъ чрева матере мо­ея.
138:15 См.: 🔗Пс. 118:71 🔗Отк. 15:3	Исповѣмся Тебѣ, яко страшно удивил­ся еси: чудна дѣла Твоя, и душа моя знаетъ зѣло.
138:16 См.: 🔗Еккл. 11:5	Не утаися кость моя от­ Тебе, юже сотворилъ еси въ тайнѣ, и составъ мой въ преисподнихъ земли.
138:17 См.: 🔗Сир. 23:29 🔗Иов. 14:5 🔗Мал. 3:16	Несодѣлан­ное мое видѣстѣ очи Тво­и, и въ книзѣ Тво­ей вси напишут­ся: во днехъ созиждут­ся, и никтоже въ нихъ.
138:18	Мнѣ же зѣло честни быша друзи Тво­и, Боже, зѣло утвердишася владыче­ст­вiя ихъ:
138:19 См.: 🔗Быт. 22:17	изочту ихъ, и паче песка умножат­ся: востахъ, и еще есмь съ Тобою.
138:20 См.: 🔗Пс. 5:7	Аще избiеши грѣшники, Боже: мужiе кровей, уклонитеся от­ мене.
138:21	Яко ревниви есте въ помышленiихъ, прiимутъ въ суету грады Твоя.
138:22 См.: 🔗Пс. 100:3	Не ненавидящыя ли Тя, Господи, воз­ненавидѣхъ, и о вразѣхъ Тво­ихъ истаяхъ?
138:23 См.: 🔗Рим. 12:9	Совершен­ною ненавистiю воз­ненавидѣхъ я: во враги быша ми.
138:24 См.: 🔗Иов. 31:6 🔗Пс. 25:2	Искуси мя, Боже, и увѣждь сердце мое: истяжи мя и разумѣй стези моя:
138:25 См.: 🔗Пс. 26:11 🔗Пс. 85:11 🔗Пс. 142:8	и виждь, аще путь беззаконiя во мнѣ, и настави мя на путь вѣченъ.