Псалтирь, псалом 140

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 140
140:1	Псаломъ Давиду.
140:2	Господи, воз­звахъ къ Тебѣ, услыши мя: вонми гласу моленiя мо­его, внегда воз­звати ми къ Тебѣ.
140:3 См.: 🔗Исх. 29:39 🔗Исх. 30:7	Да исправит­ся молитва моя яко кадило предъ Тобою: воз­дѣянiе руку моею, жертва вечерняя.
140:4 См.: 🔗Пс. 38:2 🔗Сир. 22:31	Положи, Господи, храненiе устомъ мо­имъ и дверь огражденiя о устнахъ мо­ихъ.
140:5 См.: 🔗3Цар. 8:58 🔗Прит. 1:10	Не уклони сердце мое въ словеса лукав­ст­вiя, непщевати вины о грѣсѣхъ съ человѣки дѣла­ю­щими беззаконiе: и не сочтуся со избран­ными ихъ.
140:6 См.: 🔗Прит. 12:1 🔗Прит. 15:12 🔗Прит. 25:12	Накажетъ мя праведникъ милостiю и обличитъ мя, елей же грѣшнаго да не намаститъ главы мо­ея: яко еще и молитва моя во благоволенiихъ ихъ.
140:7	Пожерты быша при­­ камени судiи ихъ: услышат­ся глаголи мо­и, яко воз­могоша {усладишася}.
140:8	Яко толща земли просѣдеся на земли, расточишася кости ихъ при­­ адѣ.
140:9	Яко къ Тебѣ, Господи, Господи, очи мо­и: на Тя уповахъ, не от­ъими душу мою:
140:10 См.: 🔗Пс. 139:6	сохрани мя от­ сѣти, юже составиша ми, и от­ соблазнъ дѣла­ю­щихъ беззаконiе.
140:11 См.: 🔗Пс. 7:16 🔗Пс. 9:16	Падутъ во мрежу свою грѣшницы: единъ есмь азъ, дондеже прейду.