Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 142 | |
142:1 | Псаломъ Давиду, егда гоняше его Авессаломъ сынъ его. |
142:2 | Господи, услыши молитву мою, внуши моленiе мое во истинѣ Твоей, услыши мя въ правдѣ Твоей: |
142:3 | и не вниди въ судъ съ рабомъ Твоимъ, яко не оправдится предъ Тобою всякъ живый. |
142:4 См.: 🔗1Цар. 23:14 | Яко погна врагъ душу мою: смирилъ есть въ землю животъ мой: посадилъ мя есть въ темныхъ, яко мертвыя вѣка. |
142:5 | И уны во мнѣ духъ мой, во мнѣ смятеся сердце мое. |
142:6 См.: 🔗Пс. 76:6 | Помянухъ дни древнiя, поучихся во всѣхъ дѣлѣхъ Твоихъ, въ творенiихъ руку Твоею поучахся. |
142:7 См.: 🔗Пс. 27:2 | Воздѣхъ къ Тебѣ руцѣ мои: душа моя яко земля безводная Тебѣ. |
142:8 См.: 🔗Пс. 27:1 | Скоро услыши мя, Господи, изчезе духъ мой: не отврати лица Твоего от мене, и уподоблюся низходящымъ въ ровъ. |
142:9 См.: 🔗Пс. 85:11 | Слышану сотвори мнѣ заутра милость Твою, яко на Тя уповахъ: скажи мнѣ, Господи, путь, въ оньже пойду, яко къ Тебѣ взяхъ душу мою. |
142:10 | Изми мя от врагъ моихъ, Господи, къ Тебѣ прибѣгохъ. |
142:11 См.: 🔗Неем. 9:20 | Научи мя творити волю Твою, яко Ты еси Богъ мой: Духъ Твой благій наставитъ мя на землю праву. |
142:12 См.: 🔗Пс. 26:11 🔗Пс. 141:7 | Имене Твоего ради, Господи, живиши мя правдою Твоею: изведеши от печали душу мою: |
142:13 | и милостiю Твоею потребиши враги моя и погубиши вся стужающыя души моей: яко азъ рабъ Твой есмь. |