Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 144 | |
144:1 | Хвала Давиду. |
144:2 См.: 🔗Пс. 46:3 | Вознесу Тя, Боже мой, Царю мой, и благословлю имя Твое въ вѣкъ и въ вѣкъ вѣка. |
144:3 | На всякъ день благословлю Тя, и восхвалю имя Твое въ вѣкъ и въ вѣкъ вѣка. |
144:4 См.: 🔗Иов. 5:9 🔗Иов. 36:26 | Велiй Господь и хваленъ зѣло, и величiю Его нѣсть конца. |
144:5 См.: 🔗Втор. 4:10 🔗Втор. 6:7 | Родъ и родъ восхвалятъ дѣла Твоя и силу Твою возвѣстятъ: |
144:6 | великолѣпiе славы святыни Твоея возглаголютъ и чудеса Твоя повѣдятъ: |
144:7 | и силу страшныхъ Твоихъ рекутъ и величiе Твое повѣдятъ: |
144:8 | память множества благости Твоея отрыгнутъ и правдою Твоею возрадуются. |
144:9 См.: 🔗Исх. 34:6 🔗Пс. 85:15 | Щедръ и милостивъ Господь, долготерпѣливъ и многомилостивъ. |
144:10 | Благъ Господь всяческимъ, и щедроты Его на всѣхъ дѣлѣхъ Его. |
144:11 | Да исповѣдятся Тебѣ, Господи, вся дѣла Твоя, и преподобнiи Твои да благословятъ Тя: |
144:12 См.: 🔗Пс. 46:9 | славу царствiя Твоего рекутъ и силу Твою возглаголютъ, |
144:13 | сказати сыновомъ человѣческимъ силу Твою и славу великолѣпiя царствiя Твоего. |
144:14 | Царство Твое царство всѣхъ вѣковъ, и владычество Твое во всякомъ родѣ и родѣ. *Вѣренъ Господь во всѣхъ словесѣхъ Своихъ и преподобенъ во всѣхъ дѣлѣхъ Своихъ. |
144:15 См.: 🔗Пс. 36:24 | Утверждаетъ Господь вся низпадающыя и возставляетъ вся низверженныя. |
144:16 См.: 🔗Пс. 103:27 | Очи всѣхъ на Тя уповаютъ, и Ты даеши имъ пищу во благовременiи: |
144:17 См.: 🔗Иов. 39:2 | отверзаеши ты руку Твою и исполняеши всякое животно благоволенiя. |
144:18 | Праведнъ Господь во всѣхъ путехъ Своихъ и преподобенъ во всѣхъ дѣлѣхъ Своихъ. |
144:19 См.: 🔗Втор. 4:7 | Близъ Господь всѣмъ призывающымъ Его, всѣмъ призывающымъ Его во истинѣ: |
144:20 См.: 🔗Пс. 146:11 | волю боящихся Его сотворитъ, и молитву ихъ услышитъ, и спасетъ я. |
144:21 См.: 🔗1Цар. 2:9 | Хранитъ Господь вся любящыя Его, и вся грѣшники потребитъ. |
144:22 | Хвалу Господню возглаголютъ уста моя: и да благословитъ всяка плоть имя святое Его въ вѣкъ и въ вѣкъ вѣка. |