Псалтирь, псалом 146

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 146
146:1	Аллилуiа.
146:2 См.: 🔗Пс. 91:2	Хвалите Господа, яко благъ псаломъ: Богови на­шему да усладит­ся хваленiе.
146:3 См.: 🔗Пс. 50:20 🔗Ис. 60:10	Зиждай Иерусалима Господь: разсѣянiя Израилева соберетъ:
146:4 См.: 🔗Ис. 61:1	изцѣляяй сокрушен­ныя сердцемъ и обязуяй сокрушенiя ихъ:
146:5 См.: 🔗Ис. 40:26	изчитаяй множе­с­т­во звѣздъ, и всѣмъ имъ имена нарицаяй.
146:6 См.: 🔗Пс. 144:3 🔗Ис. 40:28	Велiй Господь нашъ, и велiя крѣпость Его, и разума Его нѣсть числа.
146:7 См.: 🔗Пс. 145:8	Прiемляй кроткiя Господь, смиряяй же грѣшники до земли.
146:8	Начните Господеви во исповѣданiи, пойте Богови на­шему въ гуслехъ:
146:9 См.: 🔗Деян. 14:17	одѣвающему небо облаки, уготовляющему земли дождь: прозябающему на горахъ траву и злакъ на службу человѣкомъ:
146:10 См.: 🔗Иов. 38:41 🔗Пс. 103:14 🔗Мф. 6:26	дающему скотомъ пищу ихъ, и птенцемъ врановымъ при­­зывающымъ Его.
146:11	Не въ силѣ констѣй восхощетъ, ниже въ лыстѣхъ мужескихъ благоволитъ:
146:12 См.: 🔗Деян. 10:35	благоволитъ Господь въ боящихся Его и во уповающихъ на милость Его.