Псалтирь, псалом 148

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 148
148:1	Аллилуiа, Аггеа и захарiи.
148:2 См.: 🔗Отк. 5:13	Хвалите Господа съ небесъ, хвалите Его въ вышнихъ.
148:3 См.: 🔗Лк. 2:13	Хвалите Его вси Ангели Его: хвалите Его, вся силы Его.
148:4	Хвалите Его, солнце и луна: хвалите Его вся звѣзды и свѣтъ.
148:5 См.: 🔗Быт. 1:7 🔗Пс. 101:1	Хвалите Его, небеса небесъ и вода, яже превыше небесъ.
148:6 См.: 🔗Быт. 1:6 🔗Пс. 135:5 🔗Иер. 10:12 🔗Иер. 51:15	Да восхвалятъ имя Господне: яко Той рече, и быша: Той повелѣ, и создашася.
148:7	Постави я въ вѣкъ и въ вѣкъ вѣка: повелѣнiе положи, и не мимо идетъ.
148:8	Хвалите Господа от­ земли, зміеве и вся бездны:
148:9 См.: 🔗Иов. 37:10	огнь, градъ, снѣгъ, голоть, духъ буренъ, творящая слово Его:
148:10	горы и вси холми, древа плодоносна и вси кедри:
148:11	звѣрiе и вси скоти, гади и птицы пернаты:
148:12 См.: 🔗Пс. 48:3	царiе земстiи и вси людiе, князи и вси судiи земстiи:
148:13	юноши и дѣвы, старцы съ юнотами.
148:14 См.: 🔗Ис. 12:4	Да восхвалятъ имя Господне: яко воз­несеся имя Того единаго, исповѣданiе Его на земли и на небеси.
148:15 См.: 🔗Пс. 131:17	И воз­несетъ рогъ людій Сво­ихъ: пѣснь всѣмъ преподобнымъ Его, сыновомъ Израилевымъ, людемъ при­­ближающымся Ему.