Псалтирь, псалом 17

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 17
17:1 См.: 🔗2Цар. 22:1	Въ конецъ, отроку Господню Давиду, яже глагола Господеви словеса пѣсни сея, въ день, въ оньже избави его Господь от­ руки всѣхъ врагъ его и изъ руки Саули: и рече:
17:2	возлюблю Тя, Господи, крѣпосте моя:
17:3 См.: 🔗Евр. 2:13	Господь утвержденiе мое, и при­­бѣжище мое, и избавитель мой, Богъ мой, помощникъ мой, и уповаю на Него: защититель мой, и рогъ спасенiя мо­его, и заступникъ мой.
17:4	Хваля при­­зову Господа и от­ врагъ мо­ихъ спасуся.
17:5	Одержаша мя болѣзни смертныя, и потоцы беззаконiя смятоша мя:
17:6 См.: 🔗Иов. 22:10	болѣзни адовы обыдоша мя, предвариша мя сѣти смертныя.
17:7 См.: 🔗Пс. 33:6 🔗Ис. 26:16 🔗Ион. 2:3	И внегда скорбѣти ми, при­­звахъ Господа и къ Богу мо­ему воз­звахъ: услыша от­ храма святаго Сво­его гласъ мой, и вопль мой предъ Нимъ внидетъ во ушы Его.
17:8 См.: 🔗2Цар. 22:8 🔗Иер. 10:10	И подвижеся и трепетна бысть земля, и основанiя горъ смятошася и подвигошася, яко прогнѣвася на ня Богъ.
17:9 См.: 🔗Втор. 4:24 🔗Иез. 10:2 🔗Евр. 12:29	Взыде дымъ гнѣвомъ Его, и огнь от­ лица Его воспламенит­ся: углiе воз­горѣся от­ Него.
17:10	И при­­клони небеса и сниде, и мракъ подъ ногама Его.
17:11	И взыде на Херувимы и летѣ, летѣ на крилу вѣтреню.
17:12 См.: 🔗Ис. 50:3	И положи тму закровъ Свой: окрестъ Его селенiе Его: темна вода во облацѣхъ воз­душныхъ.
17:13	От облистанiя предъ Нимъ облацы про­идоша, градъ и углiе огнен­ное.
17:14 См.: 🔗1Цар. 2:10 🔗1Цар. 7:10 🔗Иер. 51:16	И воз­гремѣ съ небесе Господь, и Вышнiй даде гласъ Свой.
17:15	Низпосла стрѣлы и разгна я, и молнiи умножи и смяте я.
17:16	И явишася источницы водніи, и от­крышася основанiя вселен­ныя от­ запрещенiя Тво­его, Господи, от­ дохновенiя духа гнѣва Тво­его.
17:17 См.: 🔗Пс. 65:12 🔗Пс. 68:2	Низпосла съ высоты и прiятъ мя, воспрiятъ мя от­ водъ многихъ.
17:18	Избавитъ мя от­ враговъ мо­ихъ сильныхъ и от­ ненавидящихъ мя: яко утвердишася паче мене.
17:19	Предвариша мя въ день озлобленiя мо­его: и бысть Господь утвержденiе мое.
17:20 См.: 🔗Пс. 30:9	И изведе мя на широту: избавитъ мя, яко восхотѣ мя.
17:21 См.: 🔗Иов. 22:30	И воз­дастъ ми Господь по правдѣ мо­ей, и по чистотѣ руку моею воз­дастъ ми,
17:22	яко сохранихъ пути Господни и не нече­ст­вовахъ от­ Бога мо­его.
17:23	Яко вся судьбы Его предо мною, и оправданiя Его не от­ступиша от­ мене.
17:24	И буду непороченъ съ Нимъ и сохранюся от­ беззаконiя мо­его.
17:25	И воз­дастъ ми Господь по правдѣ мо­ей и по чистотѣ руку моею предъ очима Его.
17:26	Съ преподобнымъ преподобенъ будеши, и съ мужемъ неповин­нымъ неповиненъ будеши,
17:27	и со избран­нымъ избранъ будеши, и со строптивымъ развратишися.
17:28 См.: 🔗1Цар. 2:8 🔗Пс. 112:7	Яко Ты люди смирен­ныя спасеши и очи гордыхъ смириши.
17:29 См.: 🔗Ис. 42:16	Яко Ты просвѣтиши свѣтилникъ мой, Господи: Боже мой, просвѣтиши тму мою.
17:30 См.: 🔗Пс. 59:14	Яко Тобою избавлюся от­ искушенiя, и Богомъ мо­имъ прейду стѣну.
17:31 См.: 🔗Пс. 11:7 🔗Пс. 18:8 🔗Прит. 30:5	Богъ мой, непороченъ путь Его: словеса Господня разжжена. Защититель есть всѣхъ уповающихъ на Него.
17:32 См.: 🔗2Цар. 22:32 🔗Ис. 43:11 🔗Ис. 44:6	Яко кто Богъ, развѣ Господа? Или кто Богъ, развѣ Бога на­шего?
17:33	Богъ препоясуяй мя силою, и положи непороченъ путь мой:
17:34 См.: 🔗Авв. 3:19	совершаяй нозѣ мо­и яко елени, и на высокихъ поставляяй мя:
17:35 См.: 🔗Пс. 143:1	научаяй руцѣ мо­и на брань, и положилъ еси лукъ мѣдянъ мышца моя:
17:36	и далъ ми еси защищенiе спасенiя, и десница Твоя воспрiятъ мя: и наказанiе Твое исправитъ мя въ конецъ, и наказанiе Твое то мя научитъ.
17:37 См.: 🔗Пс. 30:9	Уширилъ еси стопы моя подо мною, и не изнемогостѣ плеснѣ мо­и.
17:38	Пожену враги моя, и постигну я, и не воз­вращуся, дондеже скончают­ся:
17:39	оскорблю ихъ, и не воз­могутъ стати, падутъ подъ ногама мо­има.
17:40	И препоясалъ мя еси силою на брань, спялъ еси вся востающыя на мя подъ мя.
17:41 См.: 🔗Быт. 49:8	И враговъ мо­ихъ далъ ми еси хребетъ и ненавидящыя мя потребилъ еси.
17:42 См.: 🔗Иов. 27:9	Воззваша, и не бѣ спасаяй: ко Господу, и не услыша ихъ.
17:43 См.: 🔗4Цар. 13:7 🔗Пс. 82:11 🔗Ис. 10:6	И истню я яко прахъ предъ лицемъ вѣтра, яко бренiе путій поглажду я.
17:44 См.: 🔗Рим. 15:9	Избавиши мя от­ прерѣканiя людій: поставиши мя во главу языковъ: людiе, ихже не вѣдѣхъ, работаша ми,
17:45	въ слухъ уха послушаша мя. Сынове чуждіи солгаша ми,
17:46	сынове чуждіи обетшаша и охромоша от­ стезь сво­ихъ.
17:47 См.: 🔗Втор. 32:40	Живъ Господь, и благословенъ Богъ, и да воз­несет­ся Богъ спасенiя мо­его,
17:48 См.: 🔗1Пар. 17:10	Богъ даяй от­мщенiе мнѣ и покоривый люди подъ мя,
17:49	избавитель мой от­ врагъ мо­ихъ гнѣвливыхъ: от­ востающихъ на мя воз­несеши мя, от­ мужа неправедна избавиши мя.
17:50 См.: 🔗Рим. 15:9	Сего ради исповѣмся Тебѣ во языцѣхъ, Господи, и имени Тво­ему пою:
17:51	Величаяй спасения царева и творяй милость Христу своему Давиду и сѣмени его до вѣка.