Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 18 | |
18:1 | Въ конецъ, псаломъ Давиду. |
18:2 | Небеса повѣдаютъ славу Божiю, творенiе же руку Его возвѣщаетъ твердь. |
18:3 | День дни отрыгаетъ глаголъ, и нощь нощи возвѣщаетъ разумъ. |
18:4 | Не суть рѣчи, ниже словеса, ихже не слышатся гласи ихъ. |
18:5 См.: 🔗Рим. 10:18 | Во всю землю изыде вѣщанiе ихъ, и въ концы вселенныя глаголы ихъ: въ солнцѣ положи селенiе свое: |
18:6 | и той яко женихъ исходяй от чертога своего, возрадуется яко исполинъ тещи путь. |
18:7 См.: 🔗Еккл. 1:5 | От края небесе исходъ его, и срѣтенiе его до края небесе: и нѣсть, иже укрыется теплоты его. |
18:8 См.: 🔗Пс. 11:7 | Законъ Господень непороченъ, обращаяй душы: свидѣтелство Господне вѣрно, умудряющее младенцы. |
18:9 См.: 🔗2Пет. 1:19 🔗Еф. 1:18 | Оправданiя Господня права, веселящая сердце: заповѣдь Господня свѣтла, просвѣщающая очи. |
18:10 | Страхъ Господень чистъ, пребываяй въ вѣкъ вѣка: судьбы Господни истинны, оправданны вкупѣ, |
18:11 См.: 🔗Пс. 118:72 | вожделѣнны паче злата и камене честна многа, и слаждшя паче меда и сота. |
18:12 | Ибо рабъ Твой хранитъ я: внегда сохранити я, воздаянiе много. |
18:13 | Грѣхопаденiя кто разумѣетъ? От тайныхъ моихъ очисти мя, |
18:14 | и от чуждихъ пощади раба Твоего: аще не обладаютъ мною, тогда непороченъ буду, и очищуся от грѣха велика. |
18:15 См.: 🔗Пс. 39:14 | И будутъ во благоволенiе словеса устъ моихъ, и поученiе сердца моего предъ Тобою выну, Господи, помощниче мой и избавителю мой. |