Псалтирь, псалом 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 2
2:1	Псаломъ Давиду.
2:2 См.: 🔗Деян. 4:25	Вскую шаташася языцы, и людiе по­учишася тщетнымъ?
2:3	Предсташа царiе земстiи, и князи собрашася вкупѣ на Господа и на Христа Его.
2:4	Расторгнемъ {расторгнимъ} узы ихъ и от­вержемъ {от­вержимъ} от­ насъ иго ихъ.
2:5 См.: 🔗Втор. 28:63 🔗Прит. 1:26	Живый на небесѣхъ посмѣет­ся имъ, и Господь поругает­ся имъ.
2:6	Тогда воз­глаголетъ къ нимъ гнѣвомъ Сво­имъ и яростiю Сво­ею смятетъ я:
2:7 См.: 🔗Пс. 92:1 🔗Ин. 18:37 🔗Евр. 12:22	Азъ же поставленъ есмь Царь от­ Него надъ Сiономъ, горою святою Его,
2:8 См.: 🔗Деян. 13:33 🔗Евр. 1:5 🔗Евр. 5:5	воз­вѣщаяй повелѣнiе Господне. Господь рече ко Мнѣ: Сынъ Мой еси Ты, Азъ днесь родихъ Тя:
2:9 См.: 🔗Пс. 21:28	проси от­ Мене, и дамъ ти языки достоянiе Твое, и одержанiе Твое концы земли:
2:10 См.: 🔗Отк. 2:27 🔗Отк. 19:15	упасеши я жезломъ желѣзнымъ, яко сосуды скудельничи сокрушиши я.
2:11 См.: 🔗Прем. 6:2	И нынѣ, царiе, разумѣйте, накажитеся вси судящiи земли.
2:12	Работайте Господеви со страхомъ, и радуйтеся Ему со трепетомъ.
2:13 См.: 🔗Пс. 33:9 🔗Прит. 16:20 🔗Ис. 30:18 🔗1Пет. 2:6	Прiимите наказанiе, да не когда прогнѣвает­ся Господь, и погибнете от­ пути праведнаго, егда воз­горит­ся вскорѣ ярость Его: блажени вси надѣющiися Нань.