Псалтирь, псалом 20

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 20
20:1	Псаломъ Давиду.
20:2	Господи, силою Тво­ею воз­веселит­ся царь, и о спасенiи Тво­емъ воз­радует­ся зѣло.
20:3 См.: 🔗Пс. 144:19	Желанiе сердца его далъ еси ему, и хотѣнiя устну его нѣси лишилъ его.
20:4 См.: 🔗Евр. 2:9	Яко предварилъ еси его благословенiемъ благостын­нымъ, положилъ еси на главѣ его вѣнецъ от­ камене честна.
20:5 См.: 🔗Ис. 53:9	Живота просилъ есть у Тебе, и далъ еси ему долготу дній во вѣкъ вѣка.
20:6	Велiя слава его спасенiемъ Тво­имъ: славу и велелѣпiе воз­ложиши на него.
20:7 См.: 🔗Ис. 19:24	Яко даси ему благословенiе во вѣкъ вѣка: воз­веселиши его радостiю съ лицемъ Тво­имъ.
20:8	Яко царь уповаетъ на Господа, и милостiю Вышняго не подвижит­ся.
20:9 См.: 🔗Мф. 24:51	Да обрящет­ся рука Твоя всѣмъ врагомъ Тво­имъ, десница Твоя да обрящетъ вся ненавидящыя Тебе.
20:10	Яко положиши ихъ яко пещь огнен­ную во время лица Тво­его: Господь гнѣвомъ Сво­имъ смятетъ я, и снѣсть ихъ огнь.
20:11 См.: 🔗Пс. 33:17 🔗Ис. 14:22	Плодъ ихъ от­ земли погубиши, и сѣмя ихъ от­ сыновъ человѣческихъ.
20:12	Яко уклониша на Тя злая, помыслиша совѣты, ихже не воз­могутъ составити.
20:13	Яко положиши я хребетъ: во избытцѣхъ Тво­ихъ уготовиши лице ихъ.
20:14	Вознесися, Господи, силою Тво­ею: воспо­емъ и по­емъ силы Твоя.