Псалтирь, псалом 26

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 26
26:1	Псаломъ Давиду, прежде помазанiя
26:2 См.: 🔗Пс. 117:6 🔗Мих. 7:8	Господь просвѣщенiе мое и спаситель мой, кого убоюся? Господь защититель живота мо­его, от­ кого устрашуся?
26:3	Внегда при­­ближатися на мя злобу­ю­щымъ, еже снѣсти плоти моя, оскорбляющiи мя и врази мо­и, тіи изнемогоша и падоша.
26:4 См.: 🔗Пс. 3:7	Аще ополчит­ся на мя полкъ, не убо­ит­ся сердце мое: аще востанетъ на мя брань, на него Азъ уповаю.
26:5 См.: 🔗Пс. 22:6	Едино просихъ от­ Господа, то взыщу: еже жити ми въ дому Господни вся дни живота мо­его, зрѣти ми красоту Господню и посѣщати храмъ святый Его.
26:6 См.: 🔗Пс. 30:21	Яко скры мя въ селенiи Сво­емъ въ день золъ мо­ихъ, покры мя въ тайнѣ селенiя Сво­его, на камень воз­несе мя.
26:7	И нынѣ се, воз­несе главу мою на враги моя: обыдохъ и пожрохъ въ селенiи Его жертву хваленiя и воскликновенiя: пою и воспою Господеви.
26:8 См.: 🔗Пс. 4:2	Услыши, Господи, гласъ мой, имже воз­звахъ, помилуй мя и услыши мя.
26:9 См.: 🔗Пс. 49:15	Тебѣ рече сердце мое: Господа взыщу, взыска Тебе лице мое, лица Тво­его, Господи, взыщу.
26:10 См.: 🔗3Цар. 8:57	Не от­врати лица Тво­его от­ мене и не уклонися гнѣвомъ от­ раба Тво­его: помощникъ мой буди, не от­рини мене и не остави мене, Боже, Спасителю мой.
26:11 См.: 🔗Ис. 63:16 🔗Ис. 64:8	Яко отецъ мой и мати моя остависта мя, Господь же воспрiятъ мя.
26:12 См.: 🔗Пс. 24:4 🔗Пс. 85:11	Законоположи ми, Господи, въ пути Тво­емъ, и настави мя на стезю правую врагъ мо­ихъ ради.
26:13 См.: 🔗Пс. 30:9	Не предаждь мене въ душы стужающихъ ми: яко восташа на мя свидѣтеле неправеднiи, и солга неправда себѣ.
26:14 См.: 🔗Ис. 38:11	Вѣрую видѣти благая Господня на земли живыхъ.
26:15 См.: 🔗Ис. 25:9 🔗Авв. 2:9	Потерпи Господа, мужайся, и да крѣпит­ся сердце твое, и потерпи Господа.