Псалтирь, псалом 29

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 29
29:1 См.: 🔗2Цар. 5:11	Псаломъ пѣсни обновленiя дому Давидова.
29:2 См.: 🔗Пс. 34:19	Вознесу Тя, Господи, яко подъялъ мя еси, и не воз­веселилъ еси враговъ мо­ихъ о мнѣ.
29:3 См.: 🔗Втор. 32:39	Господи Боже мой, воз­звахъ къ Тебѣ, и изцѣлилъ мя еси.
29:4 См.: 🔗1Цар. 2:6 🔗Пс. 85:13	Господи, воз­велъ еси от­ ада душу мою, спаслъ мя еси от­ низходящихъ въ ровъ.
29:5 См.: 🔗Пс. 96:12	Пойте Господеви, преподобнiи Его, и исповѣдайте память святыни Его:
29:6 См.: 🔗Ис. 54:8	яко гнѣвъ въ ярости Его, и животъ въ воли Его: вечеръ водворит­ся плачь, и заутра радость.
29:7 См.: 🔗Иов. 29:18	Азъ же рѣхъ во обилiи мо­емъ: не подвижуся во вѣкъ.
29:8	Господи, волею Тво­ею подаждь добротѣ мо­ей силу: от­вратилъ же еси лице Твое, и быхъ смущенъ.
29:9	Къ Тебѣ, Господи, воз­зову, и къ Богу мо­ему помолюся.
29:10 См.: 🔗Пс. 6:6 🔗Ис. 38:18	Кая польза въ крови мо­ей, внегда сходити ми во истлѣнiе? Еда исповѣст­ся Тебѣ персть? Или воз­вѣститъ истину Твою?
29:11	Слыша Господь и помилова мя: Господь бысть помощникъ мой.
29:12	Обратилъ еси плачь мой въ радость мнѣ, растерзалъ еси вретище мое и препоясалъ мя еси веселiемъ,
29:13 См.: 🔗Пс. 15:9	яко да воспо­етъ Тебѣ слава моя, и не умилюся. Господи Боже мой, во вѣкъ исповѣмся Тебѣ.