Псалтирь, псалом 30

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 30
30:1	Въ конецъ, псаломъ Давиду, изступленiя.
30:2 См.: 🔗Ис. 49:23	На Тя, Господи, уповахъ, да не постыжуся во вѣкъ: правдою Тво­ею избави мя и изми мя.
30:3	Приклони ко мнѣ ухо Твое, ускори изъяти мя: буди ми въ Бога защитителя и въ домъ при­­бѣжища, еже спасти мя.
30:4 См.: 🔗Пс. 17:3	Яко держава моя и при­­бѣжище мое еси Ты: и имене Тво­его ради наставиши мя и препитаеши мя.
30:5	Изведеши мя от­ сѣти сея, юже скрыша ми: яко Ты еси защититель мой, Господи.
30:6 См.: 🔗Лк. 23:46	Въ руцѣ Тво­и предложу духъ мой: избавилъ мя еси, Господи Боже истины.
30:7 См.: 🔗Втор. 32:21 🔗Пс. 61:11	Возненавидѣлъ еси хранящыя суеты вотще: азъ же на Господа уповахъ.
30:8	Возрадуюся и воз­веселюся о милости Тво­ей, яко при­­зрѣлъ еси на смиренiе мое, спаслъ еси от­ нуждъ душу мою
30:9 См.: 🔗Пс. 17:20	и нѣси мене затворилъ въ рукахъ вражiихъ, поставилъ еси на простран­нѣ нозѣ мо­и.
30:10 См.: 🔗Пс. 6:8	Помилуй мя, Господи, яко скорблю: смятеся яростiю око мое, душа моя и утроба моя.
30:11 См.: 🔗Пс. 108:24	Яко изчезе въ болѣзни животъ мой, и лѣта моя въ воз­дыханiихъ: изнеможе нищетою крѣпость моя, и кости моя смятошася.
30:12 См.: 🔗Иов. 19:13	От всѣхъ врагъ мо­ихъ быхъ поношенiе, и сосѣдомъ мо­имъ зѣло, и страхъ знаемымъ мо­имъ: видящiи мя вонъ бѣжаша от­ мене.
30:13 См.: 🔗Еккл. 9:5 🔗Иер. 48:38	Забвенъ быхъ яко мертвъ от­ сердца: быхъ яко сосудъ погубленъ.
30:14 См.: 🔗Пс. 2:2	Яко слышахъ гажденiе {укоренiе} многихъ живущихъ окрестъ: внегда собратися имъ вкупѣ на мя, прiяти душу мою совѣщаша.
30:15	Азъ же на Тя, Господи, уповахъ, рѣхъ: Ты еси Богъ мой.
30:16 См.: 🔗Пс. 38:5 🔗Пс. 138:16	Въ руку Твоею жребiи мо­и: избави мя изъ руки врагъ мо­ихъ и от­ гонящихъ мя.
30:17 См.: 🔗Чис. 6:25 🔗Пс. 4:7 🔗Дан. 9:18	Просвѣти лице Твое на раба Тво­его: спаси мя милостiю Тво­ею.
30:18	Господи, да не постыжуся, яко при­­звахъ Тя: да постыдят­ся нечестивiи, и снидутъ во адъ.
30:19	Нѣмы да будутъ устны льстивыя, глаголющыя на праведнаго беззаконiе, гордынею и уничиженiемъ.
30:20 См.: 🔗Ис. 64:4	Коль многое множе­с­т­во благости Тво­ея, Господи, юже скрылъ еси боящымся Тебе, содѣлалъ еси уповающымъ на Тя, предъ сыны человѣческими:
30:21 См.: 🔗1Цар. 25:29 🔗Пс. 26:5	скрыеши ихъ въ тайнѣ лица Тво­его от­ мятежа человѣческа, покрыеши ихъ въ кровѣ от­ прерѣканiя языкъ.
30:22 См.: 🔗Пс. 4:4	Благословенъ Господь, яко удиви милость Свою во градѣ огражденiя.
30:23 См.: 🔗Пс. 144:19	Азъ же рѣхъ во изступленiи мо­емъ: от­верженъ есмь от­ лица очiю Твоею: сего ради услышалъ еси гласъ молитвы мо­ея, внегда воз­звахъ къ Тебѣ.
30:24 См.: 🔗Иов. 22:29 🔗Прит. 29:23 🔗1Пет. 5:5	Возлюбите Господа, вси преподобнiи Его: яко истины взыскаетъ Господь и воз­даетъ излише творящымъ гордыню.
30:25	Мужайтеся, и да крѣпит­ся сердце ва­ше, вси уповающiи на Господа.