Псалтирь, псалом 31

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 31
31:1	Псаломъ Давиду, разума.
31:2 См.: 🔗Рим. 4:7	Блажени, ихже оставишася беззаконiя, и ихже при­­крышася грѣси.
31:3 См.: 🔗2Кор. 5:19	Блаженъ мужъ, емуже не вмѣнитъ Господь грѣха, ниже есть во устѣхъ его лесть.
31:4	Яко умолчахъ, обетшаша кости моя, от­ еже звати ми весь день,
31:5 См.: 🔗Пс. 37:5	яко день и нощь отяготѣ на мнѣ рука Твоя: воз­вратихся на страсть, егда унзе ми тернъ.
31:6 См.: 🔗Прит. 28:13 🔗1Ин. 1:9	Беззаконiе мое познахъ и грѣха мо­его не покрыхъ, рѣхъ: исповѣмъ на мя беззаконiе мое Господеви: и Ты оставилъ еси нечестiе сердца мо­его.
31:7 См.: 🔗Ис. 55:6	За то помолит­ся къ Тебѣ всякъ преподобный во время благопотребно: обаче въ потопѣ водъ многихъ къ нему не при­­ближат­ся.
31:8 См.: 🔗Пс. 9:10	Ты еси при­­бѣжище мое от­ скорби обдержащiя мя: радосте моя, избави мя от­ обышедшихъ мя.
31:9 См.: 🔗Пс. 24:12 🔗Прит. 4:11 🔗Втор. 11:12	Вразумлю тя, и наставлю тя на путь сей, въ оньже пойдеши: утвержу на тя очи Мо­и.
31:10 См.: 🔗Прит. 26:3	Не будите яко конь и мескъ, имже нѣсть разума: броздами и уздою челюсти ихъ востягнеши, не при­­ближающихся къ тебѣ.
31:11 См.: 🔗Ис. 57:20	Многи раны грѣшному: уповающаго же на Господа милость обыдетъ.
31:12	Веселитеся о Господѣ и радуйтеся праведнiи, и хвалитеся, вси правiи сердцемъ.