Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 33 | |
33:1 См.: 🔗1Цар. 21:13 | Псаломъ Давиду, внегда измѣни лице свое предъ Авимелехомъ: и отпусти его, и отъиде. |
33:2 | Благословлю Господа на всякое время, выну хвала Его во устѣхъ моихъ. |
33:3 См.: 🔗Лк. 1:47 | О Господѣ похвалится душа моя: да услышатъ кротцыи и возвеселятся. |
33:4 | Возвеличите Господа со мною, и вознесемъ имя Его вкупѣ. |
33:5 См.: 🔗Ис. 65:24 | Взыскахъ Господа, и услыша мя и от всѣхъ скорбей моихъ избави мя. |
33:6 См.: 🔗Мих. 7:7 | Приступите къ Нему и просвѣтитеся, и лица ваша не постыдятся. |
33:7 См.: 🔗Пс. 17:7 🔗Пс. 68:34 | Сей нищiй воззва, и Господь услыша и, и от всѣхъ скорбей его спасе и. |
33:8 См.: 🔗Быт. 32:1 | Ополчится Ангелъ Господень окрестъ боящихся Его и избавитъ ихъ. |
33:9 См.: 🔗Пс. 2:12 🔗Прит. 16:20 | Вкусите и видите, яко благъ Господь: блаженъ мужъ, иже уповаетъ Нань. |
33:10 См.: 🔗Нав. 4:24 | Бойтеся Господа, вси святіи Его, яко нѣсть лишенiя боящымся Его. |
33:11 См.: 🔗Лк. 1:53 | Богатiи обнищаша и взалкаша: взыскающiи же Господа не лишатся всякаго блага. |
33:12 | Прiидите, чада, послушайте мене, страху Господню научу васъ. |
33:13 См.: 🔗1Пет. 3:10 | Кто есть человѣкъ хотяй животъ, любяй дни видѣти благи? |
33:14 | Удержи языкъ твой от зла и устнѣ твои, еже не глаголати льсти. |
33:15 См.: 🔗Иов. 28:28 🔗Пс. 36:37 | Уклонися от зла и сотвори благо: взыщи мира и пожени и. |
33:16 См.: 🔗Пс. 32:18 🔗Сир. 15:19 | Очи Господни на праведныя, и уши Его въ молитву ихъ. |
33:17 | Лице же Господне на творящыя злая, еже потребити от земли память ихъ. |
33:18 | Воззваша праведнiи, и Господь услыша ихъ и от всѣхъ скорбей ихъ избави ихъ. |
33:19 См.: 🔗Пс. 144:18 | Близъ Господь сокрушенныхъ сердцемъ, и смиренныя духомъ спасетъ. |
33:20 См.: 🔗Деян. 7:10 🔗Рим. 8:17 | Многи скорби праведнымъ, и от всѣхъ ихъ избавитъ я Господь. |
33:21 См.: 🔗Ис. 66:14 | Хранитъ Господь вся кости ихъ, ни едина от нихъ сокрушится. |
33:22 См.: 🔗Прит. 22:8 | Смерть грѣшниковъ люта, и ненавидящiи праведнаго прегрѣшатъ. |
33:23 См.: 🔗Рим. 8:1 | Избавитъ Господь душы рабъ Своихъ, и не прегрѣшатъ вси уповающiи на Него. |