Псалтирь, псалом 36

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 36
36:1	Псаломъ Давиду.
36:2 См.: 🔗Прит. 23:17 🔗Прит. 24:1	Не ревнуй лукавну­ю­щымъ, ниже завиди творящымъ беззаконiе.
36:3 См.: 🔗Пс. 128:6 🔗Ис. 37:27 🔗Сир. 14:19	Зане яко трава скоро изсшутъ, и яко зелiе злака скоро от­падутъ.
36:4	Уповай на Господа и твори благостыню: и насели землю, и упасешися въ богат­ст­вѣ ея.
36:5	Насладися Господеви, и дастъ ти прошенiя сердца тво­его.
36:6 См.: 🔗Пс. 54:23	Открый ко Господу путь твой и уповай на Него, и Той сотворитъ.
36:7 См.: 🔗Ис. 58:8	И изведетъ яко свѣтъ правду твою и судьбу твою яко полудне.
36:8	Повинися Господеви и умоли Его. Не ревнуй спѣющему въ пути сво­емъ, человѣку творящему законопреступленiе.
36:9 См.: 🔗Еф. 4:26	Престани от­ гнѣва и остави ярость: не ревнуй, еже лукавновати,
36:10 См.: 🔗Ис. 34:17	зане лукавну­ю­щiи потребят­ся, терпящiи же Господа, тіи наслѣдятъ землю.
36:11	И еще мало, и не будетъ грѣшника: и взыщеши мѣсто его и не обрящеши.
36:12 См.: 🔗Мф. 5:5	Кротцыи же наслѣдятъ землю и насладят­ся о множе­ст­вѣ мира.
36:13	Назираетъ грѣшный праведнаго и поскрежещетъ нань зубы сво­ими:
36:14	Господь же посмѣет­ся ему, зане прозираетъ, яко прiидетъ день его.
36:15	Мечь извлекоша грѣшницы, напрягоша лукъ свой, низложити убога и нища, заклати правыя сердцемъ.
36:16	Мечь ихъ да внидетъ въ сердца ихъ, и луцы ихъ да сокрушат­ся.
36:17 См.: 🔗Мк. 8:8	Лучше малое праведнику, паче богат­ст­ва грѣшныхъ многа.
36:18 См.: 🔗Иер. 48:25	Зане мышцы грѣшныхъ сокрушат­ся, утверждаетъ же праведныя Господь.
36:19	Вѣсть Господь пути непорочныхъ, и достоянiе ихъ въ вѣкъ будетъ.
36:20 См.: 🔗Иов. 5:20 🔗Пс. 32:19	Не постыдят­ся во время лютое и во днехъ глада насытят­ся, яко грѣшницы погибнутъ.
36:21 См.: 🔗Пс. 67:3	Врази же Господни, купно прославитися имъ и воз­нестися, изчезающе яко дымъ изчезоша.
36:22	Заемлетъ грѣшный и не воз­вратитъ: праведный же щедритъ и даетъ.
36:23 См.: 🔗Пс. 24:13 🔗Прит. 2:21	Яко благословящiи Его наслѣдятъ землю, кленущiи же Его потребят­ся.
36:24	От Господа стопы человѣку исправляют­ся, и пути Его восхощетъ зѣло.
36:25 См.: 🔗Пс. 144:14 🔗Прит. 24:16	Егда падетъ, не разбiет­ся, яко Господь подкрѣпляетъ руку его.
36:26 См.: 🔗Сир. 2:10	Юнѣйшiй быхъ, ибо состарѣхся, и не видѣхъ праведника оставлена, ниже сѣмене его просяща хлѣбы.
36:27 См.: 🔗Пс. 111:5	Весь день милуетъ и взаимъ даетъ праведный, и сѣмя его во благословенiе будетъ.
36:28 См.: 🔗Пс. 33:15 🔗Ис. 1:16	Уклонися от­ зла и сотвори благо, и вселися въ вѣкъ вѣка.
36:29 См.: 🔗3Цар. 8:57	Яко Господь любитъ судъ и не оставитъ преподобныхъ Сво­ихъ: во вѣкъ сохранят­ся: беззакон­ницы же изженут­ся, и сѣмя нечестивыхъ потребит­ся.
36:30 См.: 🔗Мф. 5:5	Праведницы же наслѣдятъ землю и вселят­ся въ вѣкъ вѣка на ней.
36:31 См.: 🔗Прит. 10:31 🔗Мф. 12:35	Уста праведнаго по­учат­ся премудрости, и языкъ его воз­глаголетъ судъ.
36:32 См.: 🔗Ис. 51:7	Законъ Бога его в сердце его, и не запнут­ся стопы его.
36:33 См.: 🔗Пс. 11:9 🔗Мк. 3:2	Сматряетъ грѣшный праведнаго и ищетъ еже умертвити его:
36:34	Господь же не оставитъ его въ руку его, ниже осудитъ его, егда судитъ ему.
36:35	Потерпи Господа и сохрани путь Его, и воз­несетъ тя еже наслѣдити землю: внегда потреблятися грѣшникомъ, узриши.
36:36 См.: 🔗Пс. 72:6 🔗Иез. 31:3	Видѣхъ нечестиваго превоз­носящася и высящася яко кедры Ливанскiя:
36:37 См.: 🔗Иов. 4:20 🔗Иов. 5:3 🔗Иов. 20:7	и мимо идохъ, и се, не бѣ, и взыскахъ его, и не обрѣтеся мѣсто его.
36:38 См.: 🔗Быт. 39:8 🔗Лк. 16:25 🔗Рим. 2:10	Храни незлобiе и виждь правоту, яко есть останокъ человѣку мирну.
36:39	Беззакон­ницы же потребят­ся вкупѣ: останцы же нечестивыхъ потребят­ся.
36:40 См.: 🔗Есф. 8:16 🔗Пс. 45:2	Спасенiе же праведныхъ от­ Господа, и защититель ихъ есть во время скорби:
36:41 См.: 🔗Прем. 3:9 🔗Дан. 6:23	и поможетъ имъ Господь и избавитъ ихъ, и изметъ ихъ от­ грѣшникъ и спасетъ ихъ, яко уповаша на Него.