Псалтирь, псалом 37

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 37
37:1	Псаломъ Давиду, въ воспоминанiе о субботѣ.
37:2 См.: 🔗Пс. 6:2 🔗Иер. 10:24	Господи, да не яростiю Тво­ею обличиши мене, ниже гнѣвомъ Тво­имъ накажеши мене:
37:3 См.: 🔗Втор. 32:23 🔗Иов. 6:4	яко стрѣлы Твоя унзоша во мнѣ, и утвердилъ еси на мнѣ руку Твою.
37:4	Нѣсть изцѣленiя въ плоти мо­ей от­ лица гнѣва Тво­его, нѣсть мира въ костехъ мо­ихъ от­ лица грѣхъ мо­ихъ.
37:5 См.: 🔗Пс. 31:4 🔗Иез. 33:10	Яко беззаконiя моя превзыдоша главу мою, яко бремя тяжкое отяготѣша на мнѣ.
37:6	Возсмердѣша и согниша раны моя, от­ лица безумiя мо­его.
37:7 См.: 🔗Пс. 41:10	Пострадахъ и слякохся до конца, весь день сѣтуя хождахъ:
37:8	яко лядвiя моя наполнишася поруганiй, и нѣсть изцѣленiя въ плоти мо­ей.
37:9	Озлобленъ быхъ и смирихся до зѣла, рыкахъ от­ воз­дыханiя сердца мо­его.
37:10	Господи, предъ Тобою все желанiе мое, и воз­дыханiе мое от­ Тебе не утаися.
37:11	Сердце мое смятеся, остави мя сила моя, и свѣтъ очiю моею, и той нѣсть со мною.
37:12 См.: 🔗Иов. 19:13 🔗Иов. 30:10 🔗Пс. 30:12	Друзи мо­и и искрен­нiи мо­и прямо мнѣ при­­ближишася и сташа.
37:13	И ближнiи мо­и от­далече мене сташа, и нуждахуся ищущiи душу мою: и ищущiи злая мнѣ глаголаху суетная, и льстивнымъ весь день по­учахуся.
37:14 См.: 🔗Ис. 53:7 🔗Мф. 27:12 🔗Деян. 8:32	Азъ же яко глухъ не слышахъ, и яко нѣмъ не от­верзаяй устъ сво­ихъ:
37:15	и быхъ яко человѣкъ не слышай и не имый во устѣхъ сво­ихъ обличенiя.
37:16	Яко на Тя, Господи, уповахъ, Ты услышиши, Господи Боже мой.
37:17	Яко рѣхъ: да не когда порадуютмися врази мо­и: и внегда подвижатися ногамъ мо­имъ, на мя велерѣчеваша.
37:18	Яко азъ на раны готовъ, и болѣзнь моя предо мною есть выну.
37:19 См.: 🔗Пс. 31:5 🔗2Кор. 7:10	Яко беззаконiе мое азъ воз­вѣщу и попекуся о грѣсѣ мо­емъ.
37:20	Врази же мо­и живутъ и укрѣпишася паче мене, и умножишася ненавидящiи мя безъ правды:
37:21 См.: 🔗Пс. 108:5	воз­дающiи ми злая воз­ъ благая оболгаху мя, зане гоняхъ благостыню.
37:22	Не остави мене, Господи Боже мой, не от­ступи от­ мене:
37:23	вонми въ помощь мою, Господи спасенiя мо­его.