Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 41 | |
41:1 | Въ конецъ, въ разумъ сыновъ Кореовыхъ, псаломъ Давиду. |
41:2 | Имже образомъ желаетъ елень на источники водныя, сице желаетъ душа моя къ Тебѣ, Боже. |
41:3 См.: 🔗Пс. 83:3 | Возжада душа моя къ Богу крѣпкому, живому: когда прiиду и явлюся лицу Божiю? |
41:4 | Быша слезы моя мнѣ хлѣбъ день и нощь, внегда глаголатися мнѣ на всякъ день: гдѣ есть Богъ твой? |
41:5 См.: 🔗Иов. 30:16 | Сiя помянухъ, и излiяхъ на мя душу мою: яко пройду въ мѣсто селенiя дивна, даже до дому Божiя, во гласѣ радованiя и исповѣданiя, шума празднующаго. |
41:6 См.: 🔗Пс. 42:5 | Вскую прискорбна еси, душе моя? И вскую смущаеши мя? Уповай на Бога, яко исповѣмся Ему, спасенiе лица моего и Богъ мой. |
41:7 | Ко мнѣ самому душа моя смятеся: сего ради помянухъ Тя от земли Иордански и Ермонiимски, от горы Малыя. |
41:8 См.: 🔗Пс. 68:3 | Бездна бездну призываетъ во гласѣ хлябiй Твоихъ: вся высоты Твоя и волны Твоя на мнѣ преидоша. |
41:9 См.: 🔗Пс. 118:62 | Въ день заповѣсть Господь милость Свою, и нощiю пѣснь Его от мене {у мене}, молитва Богу живота моего. |
41:10 См.: 🔗Пс. 37:7 | Реку Богу: заступникъ мой еси, почто мя забылъ еси? И вскую сѣтуя хожду, внегда оскорбляетъ врагъ? |
41:11 | Внегда сокрушатися костемъ моимъ, поношаху ми врази мои, внегда глаголати имъ мнѣ на всякъ день: гдѣ есть Богъ твой? |
41:12 См.: 🔗Пс. 42:5 | Вскую прискорбна еси, душе моя? И вскую смущаеши мя? Уповай на Бога, яко исповѣмся Ему, спасенiе лица моего и Богъ мой. |