Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 43 | |
43:1 См.: 🔗Пс. 41:1 | Въ конецъ, сыновъ Кореовыхъ, въ разумъ, псаломъ. |
43:2 См.: 🔗Втор. 6:21 🔗Пс. 77:3 | Боже, ушима нашима услышахомъ, и отцы наши возвѣстиша намъ дѣло, еже содѣлалъ еси во днехъ ихъ, во днехъ древнихъ. |
43:3 См.: 🔗Исх. 15:17 | Рука Твоя языки потреби, и насадилъ я еси: озлобилъ еси люди и изгналъ еси я. |
43:4 См.: 🔗Втор. 33:29 | Не бо мечемъ своимъ наслѣдиша землю, и мышца ихъ не спасе ихъ, но десница Твоя и мышца Твоя и просвѣщенiе лица Твоего, яко благоволилъ еси въ нихъ. |
43:5 | Ты еси самъ Царь мой и Богъ мой, заповѣдаяй спасенiя Иаковля. |
43:6 См.: 🔗Пс. 59:14 🔗Ис. 33:22 | О Тебѣ враги нашя избодемъ роги, и о имени Твоемъ уничижимъ востающыя на ны. |
43:7 См.: 🔗Пс. 19:8 | Не на лукъ бо мой уповаю, и мечь мой не спасетъ мене: |
43:8 | спаслъ бо еси насъ от стужающихъ намъ, и ненавидящихъ насъ посрамилъ еси. |
43:9 | О Бозѣ похвалимся весь день, и о имени Твоемъ исповѣмыся во вѣкъ. |
43:10 См.: 🔗Пс. 59:3 | Нынѣ же отринулъ еси и посрамилъ еси насъ, и не изыдеши, Боже, въ силахъ нашихъ. |
43:11 | Возвратилъ еси насъ вспять при вразѣхъ нашихъ, и ненавидящiи насъ расхищаху себѣ. |
43:12 | Далъ еси насъ яко овцы снѣди, и во языцѣхъ разсѣялъ ны еси. |
43:13 См.: 🔗1Цар. 12:9 🔗Ис. 52:3 | Отдалъ еси люди Твоя безъ цѣны, и не бѣ множество въ восклицанiихъ нашихъ. |
43:14 См.: 🔗Пс. 78:4 🔗Иер. 24:9 | Положилъ еси насъ поношенiе сосѣдомъ нашымъ, подражненiе и поруганiе сущымъ окрестъ насъ. |
43:15 | Положилъ еси насъ въ притчу во языцѣхъ, покиванiю главы въ людехъ. |
43:16 | Весь день срамъ мой предо мною есть, и студъ лица моего покры мя, |
43:17 | от гласа поношающаго и оклеветающаго, от лица вражiя и изгонящаго. |
43:18 См.: 🔗Ис. 26:8 | Сiя вся прiидоша на ны, и не забыхомъ Тебе, и не неправдовахомъ въ завѣтѣ Твоемъ, |
43:19 | и не отступи вспять сердце наше: и уклонилъ еси стези нашя от пути Твоего, |
43:20 | яко смирилъ еси насъ на мѣстѣ озлобленiя, и прикры ны сѣнь смертная. |
43:21 | Аще забыхомъ имя Бога нашего, и аще воздѣхомъ руки нашя къ богу чуждему, |
43:22 См.: 🔗Пс. 7:10 | не Богъ ли взыщетъ сихъ? Той бо вѣсть тайная сердца. |
43:23 См.: 🔗Рим. 8:36 | Зане Тебе ради умерщвляемся весь день, вмѣнихомся яко овцы заколенiя. |
43:24 См.: 🔗Мф. 8:24 | Востани, вскую спиши, Господи? Воскресни, и не отрини до конца. |
43:25 См.: 🔗Пс. 12:2 | Вскую лице Твое отвращаеши? Забываеши нищету нашу и скорбь нашу? |
43:26 См.: 🔗Ис. 51:23 | Яко смирися въ персть душа наша, прильпе земли утроба наша. |
43:27 | Воскресни, Господи, помози намъ, и избави насъ имене ради Твоего. |