Псалтирь, псалом 47

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 47
47:1	Псаломъ пѣсни сыновъ Кореовыхъ, вторыя субботы.
47:2 См.: 🔗Пс. 144:3 🔗Евр. 12:22 🔗Отк. 14:1	Велiй Господь и хваленъ зѣло во градѣ Бога на­шего, въ горѣ святѣй Его,
47:3 См.: 🔗Иез. 40:2	благокорен­нымъ радованiемъ всея земли: горы Сiонскiя, ребра сѣверова, градъ Царя великаго.
47:4 См.: 🔗2Пар. 20:8 🔗Зах. 8:3 🔗Мал. 1:14	Богъ въ тяжестѣхъ {во храмѣхъ} его знаемь есть, егда заступаетъ и.
47:5	Яко се, царiе земстiи собрашася, снидошася вкупѣ:
47:6 См.: 🔗4Цар. 19:35	тіи видѣв­ше тако, удивишася, смятошася, подвигошася:
47:7 См.: 🔗4Цар. 19:3 🔗Ис. 21:3	трепетъ прiятъ я тамо, болѣзни яко раждающiя.
47:8 См.: 🔗Ис. 27:8	Духомъ бурнымъ сокрушиши корабли Ѳарсийскiя.
47:9	Якоже слышахомъ, тако и видѣхомъ во градѣ Господа силъ, во градѣ Бога на­шего: Богъ основа и въ вѣкъ.
47:10	Прiяхомъ, Боже, милость Твою посредѣ людій Тво­ихъ.
47:11 См.: 🔗4Цар. 19:15 🔗Деян. 19:17	По имени Тво­ему, Боже, тако и хвала Твоя на концахъ земли: правды исполнь десница Твоя.
47:12	Да воз­веселит­ся гора Сiонская, и да воз­радуют­ся дщери Иудейскiя, судебъ ради Тво­ихъ, Господи.
47:13	Обыдите Сiонъ и обымите его, повѣдите въ столпѣхъ его:
47:14	положите сердца ваша въ силу его, и раздѣлите домы его, яко да повѣсте въ родѣ инѣмъ.
47:15 См.: 🔗Ис. 25:9	Яко Той есть Богъ нашъ во вѣкъ и въ вѣкъ вѣка: Той упасетъ насъ во вѣки.