Псалтирь, псалом 48

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 48
48:1	Въ конецъ, сыномъ Кореовымъ, псаломъ.
48:2	Услышите сiя, вси языцы, внушите, вси живущiи по вселен­нѣй,
48:3	земнороднiи же и сынове человѣчестiи, вкупѣ богатъ и убогъ.
48:4	Уста моя воз­глаголютъ премудрость, и по­ученiе сердца мо­его разумъ.
48:5 См.: 🔗Пс. 77:2 🔗Мф. 13:35	Приклоню въ притчу ухо мое, от­верзу во псалтири гананiе мое.
48:6	Вскую боюся въ день лютъ? Беззаконiе пяты мо­ея обыдетъ мя.
48:7 См.: 🔗Иов. 36:18 🔗Пс. 51:9 🔗Прит. 11:4	Надѣющiися на силу свою и о множе­ст­вѣ богат­ст­ва сво­его хвалящiися:
48:8 См.: 🔗1Ин. 3:16	братъ не избавитъ, избавитъ ли человѣкъ? Не дастъ Богу измѣны за ся,
48:9 См.: 🔗Мф. 16:26 🔗Мк. 8:37 🔗1Пет. 1:19	и цѣну избавленiя души сво­ея: и утрудися въ вѣкъ,
48:10	и живъ будетъ до конца, не узритъ пагубы.
48:11 См.: 🔗Прит. 11:4 🔗Еккл. 2:16 🔗Еккл. 6:2	Егда увидитъ премудрыя умирающыя, вкупѣ безуменъ и несмысленъ погибнутъ, и оставятъ чуждимъ богат­ст­во свое.
48:12	И гроби ихъ жилища ихъ во вѣкъ, селенiя ихъ въ родъ и родъ, нарекоша имена своя на земляхъ.
48:13 См.: 🔗Еккл. 3:19	И человѣкъ въ чести сый не разумѣ, при­­ложися скотомъ несмыслен­нымъ и уподобися имъ.
48:14	Сей путь ихъ соблазнъ имъ, и по сихъ во устѣхъ сво­ихъ благоволятъ.
48:15 См.: 🔗Ис. 14:11 🔗Отк. 2:27	Яко овцы во адѣ положени суть, смерть упасетъ я: и обладаютъ ими правiи заутра, и помощь ихъ обетшаетъ во адѣ: от­ славы сво­ея изриновени быша.
48:16 См.: 🔗Пс. 15:10	Обаче Богъ избавитъ душу мою изъ руки адовы, егда прiемлетъ мя.
48:17	Не убойся, егда разбогатѣетъ человѣкъ, или егда умножит­ся слава дому его:
48:18 См.: 🔗Иов. 27:18	яко внегда умрети ему, не возметъ вся, ниже снидетъ съ нимъ слава его.
48:19 См.: 🔗Втор. 29:19	Яко душа его въ животѣ его благословит­ся, исповѣст­ся тебѣ, егда благосотвориши ему.
48:20	Внидетъ даже до рода отецъ сво­ихъ, даже до вѣка не узритъ свѣта.
48:21 См.: 🔗Еккл. 3:19 🔗Лк. 12:20	И человѣкъ въ чести сый не разумѣ, при­­ложися скотомъ несмыслен­нымъ и уподобися имъ.