Псалтирь, псалом 5

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 5
5:1	О наслѣд­ст­ву­ю­щемъ, псаломъ Давиду.
5:2 См.: 🔗Пс. 4:2 🔗Пс. 16:1	Глаголы моя внуши, Господи, разумѣй званiе мое.
5:3 См.: 🔗Пс. 83:4	Вонми гласу моленiя мо­его, Царю мой и Боже мой: яко къ Тебѣ помолюся, Господи.
5:4	Заутра услыши гласъ мой: заутра предстану Ти, и узриши мя:
5:5 См.: 🔗Втор. 32:4 🔗Прит. 3:32 🔗Ин. 9:31	яко Богъ не хотяй беззаконiя Ты еси: не при­­селит­ся къ Тебѣ лукавнуяй,
5:6 См.: 🔗Гал. 5:21	ниже пребудутъ беззакон­ницы предъ очима Тво­има: воз­ненавидѣлъ еси вся дѣла­ю­щыя беззаконiе,
5:7 См.: 🔗Пс. 54:24 🔗Ис. 1:15	погубиши вся глаголющыя лжу: мужа кровей и льстива гнушает­ся Господь.
5:8	Азъ же множе­с­т­вомъ милости Тво­ея вниду въ домъ Твой, поклонюся ко храму святому Тво­ему, въ страсѣ Тво­емъ.
5:9	Господи, настави мя правдою Тво­ею, врагъ мо­ихъ ради исправи предъ Тобою путь мой.
5:10 См.: 🔗Рим. 3:13	Яко нѣсть во устѣхъ ихъ истины, сердце ихъ суетно, гробъ от­верстъ гортань ихъ, языки сво­ими льщаху.
5:11	Суди имъ, Боже, да от­падутъ от­ мыслей сво­ихъ: по множе­ст­ву нечестiя ихъ изрини я, яко преогорчиша Тя, Господи.
5:12	И да воз­веселят­ся вси уповающiи на Тя, во вѣкъ воз­радуют­ся, и вселишися въ нихъ: и похвалят­ся о Тебѣ любящiи имя Твое.
5:13	Яко Ты благословиши праведника, Господи, яко оружiемъ благоволенiя вѣнчалъ еси насъ.