Псалтирь, псалом 50

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 50
50:1	Въ конецъ, псаломъ Давиду,–
50:2 См.: 🔗2Цар. 12:1	–внегда внити къ нему Наѳану пророку, 2егда вниде къ Вирсавіи женѣ Уріевѣ.
50:3 См.: 🔗Пс. 56:2 🔗Ис. 33:2 🔗Евр. 9:14	Помилуй мя, Боже, по велицѣй милости Тво­ей, и по множе­ст­ву щедротъ Тво­ихъ очисти беззаконiе мое.
50:4	Наипаче омый мя от­ беззаконiя мо­его и от­ грѣха мо­его очисти мя:
50:5 См.: 🔗Пс. 31:5	яко беззаконiе мое азъ знаю, и грѣхъ мой предо мною есть выну.
50:6 См.: 🔗Рим. 3:4	Тебѣ единому согрѣшихъ и лукавое предъ Тобою сотворихъ: яко да оправдишися во словесѣхъ Тво­ихъ и побѣдиши, внегда судити Ти.
50:7 См.: 🔗Иов. 14:4	Се бо, въ беззаконiихъ зачатъ есмь, и во грѣсѣхъ роди мя мати моя.
50:8 См.: 🔗1Кор. 2:7	Се бо, истину воз­любилъ еси, безвѣстная и тайная премудрости Тво­ея явилъ ми еси.
50:9 См.: 🔗Лев. 14:6	Окропиши мя иссопомъ, и очищуся: омыеши мя, и паче снѣга убѣлюся.
50:10	Слуху мо­ему даси радость и веселiе: воз­радуют­ся кости смирен­ныя.
50:11	Отврати лице Твое от­ грѣхъ мо­ихъ и вся беззаконiя моя очисти.
50:12 См.: 🔗2Кор. 5:17 🔗Гал. 6:15 🔗Еф. 2:10	Сердце чисто созижди во мнѣ, Боже, и духъ правъ обнови во утробѣ мо­ей.
50:13 См.: 🔗Мф. 6:13 🔗Иер. 7:15	Не от­вержи мене от­ лица Тво­его и Духа Тво­его Святаго не от­ими от­ мене.
50:14	Воздаждь ми радость спасенiя Тво­его и Духомъ Владычнимъ утверди мя.
50:15 См.: 🔗Мф. 7:5	Научу беззакон­ныя путемъ Тво­имъ, и нечестивiи къ Тебѣ обратят­ся.
50:16 См.: 🔗2Цар. 11:15 🔗2Цар. 12:9	Избави мя от­ кровей, Боже, Боже спасенiя мо­его: воз­радует­ся языкъ мой правдѣ Тво­ей.
50:17 См.: 🔗Пс. 70:8	Господи, устнѣ мо­и от­верзеши, и уста моя воз­вѣстятъ хвалу Твою.
50:18 См.: 🔗Пс. 39:7	Яко аще бы восхотѣлъ еси жертвы, далъ быхъ убо: всесожженiя не благоволиши.
50:19 См.: 🔗Пс. 4:6 🔗Ис. 66:2 🔗Лк. 18:13	Жертва Богу духъ сокрушенъ: сердце сокрушен­но и смирен­но Богъ не уничижитъ.
50:20 См.: 🔗Ис. 33:20 🔗Ис. 54:11	Ублажи, Господи, благоволенiемъ Тво­имъ Сiона, и да созиждут­ся стѣны Иерусалимскiя:
50:21 См.: 🔗Втор. 33:19	тогда благоволиши жертву правды, воз­ношенiе и всесожегаемая: тогда воз­ложатъ на олтарь Твой телцы.