Псалтирь, псалом 51

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 51
51:1	Въ конецъ, разума Давиду,
51:2 См.: 🔗1Цар. 22:9	внегда прiити Доику Идумейску, и воз­вѣстити Саулу, и рещи ему: прiиде Давидъ въ домъ Авимелеховъ.
51:3 См.: 🔗Прит. 21:12	Что хвалишися во злобѣ, сильне? Беззаконiе весь день,
51:4 См.: 🔗Пс. 56:5 🔗Прит. 25:18	неправду умысли языкъ твой: яко бритву изощрену сотворилъ еси лесть.
51:5	Возлюбилъ еси злобу паче благостыни, неправду неже глаголати правду:
51:6	воз­любилъ еси вся глаголы потопныя, языкъ льстивъ.
51:7 См.: 🔗Иов. 18:14 🔗Иов. 20:7 🔗Пс. 49:22	Сего ради Богъ разрушитъ тя до конца: восторгнетъ тя, и преселитъ тя от­ селенiя тво­его и корень твой от­ земли живыхъ.
51:8	Узрятъ праведнiи и убоят­ся, и о немъ воз­смѣют­ся и рекутъ:
51:9 См.: 🔗Пс. 48:7 🔗Прит. 11:28 🔗Мк. 10:24	се, человѣкъ, иже не положи Бога помощника себѣ, но упова на множе­с­т­во богат­ст­ва сво­его, и воз­може суетою сво­ею.
51:10 См.: 🔗Пс. 91:13 🔗Иер. 11:16 🔗Ос. 14:7	Азъ же яко маслина плодовита въ дому Божiи: уповахъ на милость Божiю во вѣкъ и въ вѣкъ вѣка.
51:11 См.: 🔗Пс. 36:5	Исповѣмся Тебѣ въ вѣкъ, яко сотворилъ еси: и терплю имя Твое, яко благо предъ преподобными Тво­ими.